《我坐上了尾班輕鐵》: 10.接近真相

七姑説：「係，你講得無錯！事不宜遲即刻落去搵，畢竟我地在明佢在暗，而身處呢個空間我地預計唔到下一刻會發生咩事，拖得越耐另一卡乘客唔知會點！」

張伯點頭表示同意,可是我留意到他是皺著眉的。

呀宜跟我表示不想和我分開，因此我帶著她一起在月台搜索燈泡的蹤跡。

剛剛在車廂裏的幾個乘客亦一改事不關己的態度一起加入尋找燈泡。

呀興仍然固執地不放棄自己的想法堅持在車廂裏面找。





月台依舊漆黑一片，我擔心會不會有人突然襲擊我們或者是場景突然切換我們來不及折回輕鐵車廂，隨後想到那麼多人在一起便將這想法便置諸腦後了。

七姑合指一算，指向東方大喊：「燈泡應該係嗰度！」

我跑向售票機仔細檢查並未發現燈泡。

呀宜指向售票機頂説：「點解有條電線係呢個位露出黎既？好似有啲怪...」

「係喎正常啲線唔會露出黎。」我打開電話的手電筒令自己可以看得更加清楚。





正當我觀察這條紅白交錯的電線時，忽然七姑的聲音從我身後傳來將我嚇了一跳。

「縮手！呢部機有古怪！」 聽七姑說完我馬上收回手。

隨後我看著七姑右手拿桃木劍口中唸唸有詞。突然之間刮起一陣風，售票機冒出一股白煙，空氣中彌漫着一股燒焦的味道。

看到此情境我也不懂作出反應。突然左手一緊，原來呀宜拉著我的手。

「七姑好難得係咁多人面前出手架，睇野喇！」張伯拍了我肩膀一下再我嚇到了。





我此刻心想：「失驚無神出聲真係無心臟病都俾佢地嚇出病！」

「後生仔，你頭先太粗心大意，如果條紅白線係引子，後果就會不堪設想！」 七姑輕斥。隨後她在機頂處隨手捻起一顆燈泡。

張伯發現售票機後面有一塊磚頭，如果不仔細觀察並不起眼。他把轉頭拿起。「我地叫埋其他人上車先。」

甫進入車廂，張伯把大家召集到一起，説：「 即使已經擁有3粒燈泡但我地先唔好將金屬球打開。」他把燈泡放到口袋保管然後將磚頭拿出來。

「驟眼睇呢一舊係普通𥖁頭，但係並唔係咁簡單。退休前我有跟過一單案，犯人就係透過磚頭運毒，而磚頭本身帶有能量...但係我地跟咗呢條線好耐始終都捉唔到主腦。佢地利用物流公司運送建築材料，每塊磚頭都會有個"⌘"特別記號，呢個就係點解我頭先留意到呢舊磚既原因！而能量方面就仲未能夠解釋到有咩用途...接住落黎大家既一舉一動我希望大家深思熟慮先做，以所有人安全行先，ok?」

大家紛紛點頭表示同意。