《我坐上了尾班輕鐵》: 9.神秘人

「七姑，點解你可以入到呢個空間？「老朋友」係唔係指靈界朋友搞鬼呢？我地都無騷擾佢地只係如常搭車返屋企點解會發生啲咁既事？有一節車廂唔見咗唔知道裏面既人有無事，七姑有無方法可以救到佢地呀？」我一臉疑惑地問七姑。

「後生仔慢慢黎，首先我用傳送符入黎呢個結界既。所謂既結界，大多數係人為既。結界最初係僧侶集結修行既限定範圍，係結界入面僧侶唔准外出其他人亦唔能夠進入。後來，結界變成「另一個神秘空間」，有學習奇門遁甲既人，利用奇門五行擺出迷陣以掩眼法製造幻境令人分辨不了方向，將人困係結界裏面。以香港為例，西貢結界較為人熟悉。」七姑從衣服口袋拿出一張黃色的符紙，口中唸出一串「咒語」，符紙神奇地自焚。

不知道什麼時候呀宜站到我身旁輕嘆說：「電視睇得多師傅作法，真人我係第一次見！」

符紙飄散出一縷白煙並帶著一股清香。

「放心！符紙味道無異常即係另一節車廂既人暫時安全！後生仔你話唔知點解會被拉入結界，老實講我而家未知道原因，不過靈界做事一定有原因，有因必有果，我覺得有人得罪咗佢地搞到你地無辜受牽連。」





我看著符紙的灰燼，思考了一下，心中想：「一個人做錯要成車人陪葬？！搞錯靈界咁樣做野！冤有頭債有主關無辜既人咩事！？不過既來之則安之，七姑同張伯係度即係有轉機啦！係喎！初初發現第一張紙條「時間門即將打開不義之人將消失於世界上」寫到明...係喎搵到嗰個不義之人咪得囉！」

「車長，你係木箱發現嗰張紙條呢？」我轉頭看向車長。

車長緊張地把手放進外套口袋翻找可惜找不到紙條。隨後手往褲袋伸去，也找不到。車長一臉驚慌地看著我說：「無理由架...去咗邊呀？！」

Wincy 從木箱找到紙條並遞上，對車長說：「咪係度囉！」車長尷尬一笑。

「憑咩去介定不義之人？就因為呢條友累我地入咗呢個空間！」呀興面露不悅生氣地說。





我突然間靈光一閃，説：「我地一直被外面環境因素影響，忽略咗車廂入面！！！大家係車廂搵吓線索，唔好錯過座位底下！同埋隻陀錶有咩用呢？」

張伯用一個讚賞我的眼神投向了我。

七姑用一個以為只有她和張伯能聽到的聲量說：「呢個後生仔係可造之材，有前途呀！」

呀興聽到後一臉無奈，隨即立刻搜尋線索。

很快呀宜便在窗戶夾縫裏找到一粒「綠豆」，她用髮夾把燈泡挑出來。





而我也有新發現，我在其中一個座位下找到一把鑰匙，可惜並不是「...」的形狀未能打開金屬球。

突然，車廂陷入一片黑暗，廣播器傳來神秘人的聲音：「哈哈哈，最危險既地方就係最近安全，估唔到你地咁快搵到條鎖匙！另一車廂既人就無你地咁好彩喇～不過你地想救佢地就要快！捉緊時間！畢竟時間唔等人～哈哈！」 車廂恢復光明。

張伯看一眼車廂的人然後對七姑説：「我頭先見到大炮哥同幾個手下上咗後面果卡車，我估計應該有關係。」

「我地自己都未救到仲話救其他人...大炮哥係乜水呀？佢...」呀興未說完被Wincy 拉手阻止他繼續說。

張伯被呀興打斷面露不悅，然後補充：「大炮哥係新界好出名，佢係撈偏門，嫖賭飲吹樣樣齊...」

「無論如何而家唔係追究責任既時候，我地應該先解決點樣走出目前既結界！」我嘗試緩和氣氛並轉移話題。

「會唔會「...」唔係用鑰匙打開而係用「綠豆」？！」 呀宜把燈泡交給我。

我把剛才找到的兩粒「綠豆」放進金屬球，結果是吻合的，起碼已經知道燈泡可以打開金屬球我們更加接近真相。





「快！大家仲等咩一齊搵啦！」呀興發號施令地說。

我冷靜地說：「我覺得最後一粒「綠豆」唔會係車廂裏面，你有無留意到外面場景無變化過？好似想引導我地出去咁...」我指向車廂外的兆麟站。