《我坐上了尾班輕鐵》: 8.再遇婆婆

「咔！」車門打開。

一股冷風吹來,我率先先步出車廂，呀興隨後跟上。

呀興指向路軌說：「呀鳴我負責搵月台你去搵路軌。」

我向他比了個ok手勢以示知道。我急步下樓梯行到路軌。

輕鐵路軌兩旁有碎石增加了搜索難度。我用腳撥開碎石希望找到鎖匙或是線索。





搜了一會，我看到前面有一點微弱綠光，我走了過去，發現到有一個小燈泡，我便把它拿起來，燈泡像一粒綠豆，很輕而且沒有電池。我想了一下，還是把它帶上。我嘗試找找燈泡附近有沒有線索可惜什麼都沒有發現。

「呀鳴！快啲過黎啦！」呀興大聲叫。

我跑上月台。原來呀興在售票機的找零位找到一張紙條。

「光能淨化世界」

「咩意思？」呀興問。





「我啱啱執到粒燈泡你睇下。」我把「綠豆」遞給呀興。

「喂～時間無多快啲番上車先啦！！」呀宜緊張地說。

此時我眼尾餘光見到月台上多了一個人-剛剛在安定站下車的婆婆。

婆婆一臉嚴肅地説：「我係何七姑，叫我七姑得喇！入咗車廂先講！」

甫一踏入車廂車長馬上將車門關閉。





我先整理一下思緒，金屬球、消失的一節車廂、紙條......從一上車就發生的種種離奇事情，為什麼偏偏被我遇上呢？

張伯對婆婆說：「七姑我地又見面喇。」

「忙咗成個禮拜想係屋企好好休息下都唔得！想攰死我呢副老骨頭咩！我候先係屋企知道輕鐵出咗事咪即刻趕黎囉。」婆婆抱怨地說。

呀興問：「七姑你係咪有方法救我地？我唔想死係呢度...」

七姑看向呀興但笑而不答，反問我：「後生仔你好似好多問題想問我，你應該知道我唔係普通人啦？我話你知我係修茅山法既...頭先我屋企個陣法有異動，即係佢感覺到有異常提醒我要出黎睇下發生咩事，所以我先出現係呢度，我同張伯識咗好耐老拍檔黎架！」

我此刻心想：「茅山出埋黎嫌而家未夠亂咩？！咁的確我地而家面對緊既事又真係無辦法用科學去解釋喎...」 隨後我禮貌地説：「七姑、張伯，啱啱呀興搵到張紙條同我搵到粒燈仔，你地有咩睇法？」我把燈泡及纸條遞给他們。

張伯説：「我從未見過咁细粒既燈泡睇落唔多似炸彈。」隨後望一望纸條， 接著輕笑説：「光能淨化世界唔通想炸咗我地？！七姑你點睇呀？」

「車外場景轉換加上我屋企裏面個陣法有異動，我諗應該好大機會係「老朋友」搞事。老拍檔做野啦！」七姑答。