元洲: 之六

見到一則新聞報導，下午時份有途人經過西營盤地鐵站上地面出升降機時，發現一名男子僵直不動，雙目無神，雙手向後緊握扶手，上身向前微傾‥醒來看完新聞才知道為什麼起來時在醫院，隱約感到有東西在腳上壓著！想進一步，起來看看才知道手腳不聽使喚，像被鬼壓一樣，但不同的是我感到下身的東西慢慢一步一步行上來，終於到了視线範圍內，是毛松！但任我用盡力氣都寸步難行，牠眼定定望著我，突然遠處傳來一聲＂喂，聽唔聽到阿＂‥有人想叫醒我？平日被鬼壓也是這樣的，但立即就有回應說：「唔係阿，係我。」我冇理把聲，諗住迎返等陣會醒，把聲又出現：「我想食野。」
我：「‥‥，你係？」
不明聲音：「‥，咁都唔認得我把聲，歐」
我：「‥毛松？！」
毛松：「見完我前世，覺得點？」
我：「？！咩前世」
毛松：「係元洲街邨自殺個女仔；係元洲村父母因為鼠疫死亡變做孤兒的小朋友同埋做左戰俘，比人送去苦力但因為空襲而死於非命」
我：「你意思係全部都係你黎？」
毛松：「其實我有記憶的都係係元洲附近，可能同呢個地方有緣份，所以有零碎的片段‥我之前同你去狗公園玩個時聽其他狗講，好似大部份狗都記得少少，但住得一個地方愈耐，同個地方之間的連結就會愈深，記憶就會愈清晰，可能係所謂的根，只不過言語不通，有口難言。」
我：「點解要同我講?」




毛松：「雖然片段唔多，但記憶所及的，都是一些無能為力的事‥當時鼠疫年代，大家十分窮困，有些時候吃的東西都不夠，當時太肚餓，對著已經病入膏肓的父母發脾氣，只是想不到那是最後一次見他們，你知道對一個小孩來說，會有多後悔嗎?雖然跟本不知道入孤兒園以後的事，但小時候已經這麼不幸，還有什麼支持她長大同面對以後的苦難？另一次係元洲街邨跳落黎前，除左冇讀書的機會，仲要由早工作到晚搵錢。但始終係一個小朋友，太大壓力令到我介手先得以放鬆同生存落黎。其實我唔係自殺，雖然係冇出路，但為左屋企為左生存，當時的人都係咬緊牙關被迫成長。本身係上去天台想趁工作前到聽老師上英文堂，但上到去見到一個好靚的花園，中間有條彩虹色的滑梯，怎料一滑下才知是幻覺，最後一眼望到的是天台讀書的人都圍住叫我唔好爬出去，但其實當時我跟本聽唔到，也沒想過要死‥死了以後，我已經不知道當時細佬妹生活成點，十分無耐‥見你成日對好多事都好堅持，但明明就唔會改變到件事，歷史有序，大家都係一粒沙，個浪要沖過黎，幾堅持都冇用。不如及早享樂，至少快樂過。」