元洲: 之七

對於同自己的寵物討論事情，阿莫一時之間覺得有點可笑，但之前發生的事歷歷在目，接著便說：「都係‥但唔努力過又點知結果呢？」
毛松：「結果咪就係死，努力同唔努力都一樣，被出世之後就係為左等待最後一刻。」
我：「人係會死，但唔等於所有事都無意思，好多事都係我地可以左右結果。終點係一樣，但點做始終係自己決定。」
毛松：「出生你有冇得決定？幾時死你又知唔知？有人一出世百病纏身直到離開，有人出生一刻已經家財萬貫，又係唔係你手中？」
我：「當然有命定的因素，而且我地無從阻擾，但重要的係你點諗‥」
毛松：「無用架，我就係好例子啦，當時做左戰俘，完全唔反抗，等待逃走的一刻，終於對方黎突襲可以趁亂走啦，點知同條跑道一齊被炸毀‥你係呢個情況又可以點諗？聽我講啦，唔好咁辛苦，有難事即刻放棄，唔好浪費生命。」
話口未完，毛松吃一口地上的食物碎，再說：「況且，你怎知思想是自由的？你的家人，出生，經歷，際遇，請問那一樣可以選擇？它們又一一影響你的見解及世界觀‥你笑什麼？」
阿莫雖然一直點頭表示毛松說的有道理，但突然就笑起來，再說：「如果思想不自由及不能改變，那你跟我討論又有什麼意思。其實你也是相信事情可以改變的，你可以否認，但你騙不了自己。就算你的過去好慘，但你每一次都冇放棄，比你返到過去，你會自殺嗎？你會後悔，唔係正正代表有如果嗎？做左戰俘，你甘心放棄生命嗎？其實你每一次都唔會。就算是現在，你不是也很努力地要說服一個思想是命定了的人嗎？」
毛松微笑著，說：「經歷這麼多壞事，你還是這樣想實在太好了。」話畢，我的眼睛就不情願地閉上了。
再打開眼時，是一道灰色的牆，阿莫再看清楚周圍一點，原來是一條柱‥此時又感到腳旁有東西移動，是毛松！立刻抱起不放，弄得毛松想掙脫‥阿莫心知可能又是牠讓自己看的其他過去，四處張望，確認應該是平日的地方。帶著毛松回家，再三確認之下發現自己竟然在與毛松失散的地方原地出現，那剛剛的所有都是白日夢嗎？




阿莫望著剛回家等食的毛松，說：「都話有用架啦，我搵返你啦。」「歐」

<完>