元洲: 之二

街尾的聲音愈來愈近，突然見到有個女人係街角衝出黎，前面有幾個小朋友，大約係小三四的年紀比佢追住。望清楚一點見到小朋友邊跑邊哭，奇怪的是其中一位左手紅腫，看來是比人襲擊然後逃跑，更奇怪的係點解冇人制止個女人！阿莫一向多事，立刻上前示意停止，怎料女人張開口意圖咬阿莫。呢一刻終於知道點解小朋友隻手紅左，但即係個女人係傻的？！

「歐！」係咬到阿莫前一刻，毛松突然出現並向住怪女人吠，怪女人突然身體變得僵直，有點似佢的世界時間停止左咁，及後雙眼向後一反，狀什奇異，阿莫也來不及反應只係抱實毛松望實怪人。周圍變得好靜，眼見冇人幫手之餘，十步以內都空無一人，怪女人突然身體變得柔軟及面容回復正常，感覺眼神都唔同埋，再開始喊起黎。

阿莫都一頭霧水，諗住向後轉身走人，但佢多事的性格令佢轉完身之後行左幾步就好似比磁石吸反去一樣，再轉身及遞上紙巾讓她刷淚。好彩的係雖然小朋友係受左傷，但唔算嚴重，大人們都抱住多一事不如小一事的心態，紛紛散去。

講到明多事，之後阿莫當然問東問西及為何要咬人。言談中知道她住元洲街村，一家七口在一個二百尺的單位。至於點解要咬人，其實佢自己都唔知。跟據佢講，佢對追人的事冇記憶，但都知道同類事件唔係第一次發生，之前都試過咬同事或路人，令她不停轉工作及出沒地點。每次她回復過來都會好驚自己做左怪事或傷害到人所以會喊。但問她有冇看醫生，她卻堅持自己沒事不用看醫生。如是這，事件告一段落，同毛松返屋企，回家路上才驚覺自己也是住元洲街村‥

返左屋企訓醒先知剛剛的都是夢，回過神來，毛松跟本未返黎，立馬就打開手機，睇睇有沒有消息，一如所料，世上沒太多奇蹟在自己身上，一個消息都沒有反而留言罵我沒責任心的人就有幾個。望一望鐘原來已經下午兩點，好彩係星期日，即刻又去附近走走，去平時散步的角落又問下街坊，他們平日見到毛松都會摸摸它，但毛松好像人間蒸發了一樣，消失了。日復日，無力感充斥住阿莫，他都明白再做什麼都沒用了。慢慢就接受它的消失成了事實‥





失去毛松令他人生變得灰白，工作訓工作訓，完全不留一刻給自己，希望什麼都不想就是最好的藥方，但係冇用架，當一件事佔據你心中重要的地位，你望一張紙一顆樹都會諗起佢，逃避只係拖延，永遠唔會解決都事情。又係一個孤獨的晚上，阿莫記得平日放工就會帶毛松去散步，毛松又會好抵死咁要野食，諗到呢到就更顯孤獨，一頭栽進被裹睡去‥