那些年，我最愛的兩個女孩子: 55

「可以算係嘅…」
 
「到你F.6之前…我可唔可以做你女朋友?」
 
「點解係F.6?」
 
「我知道…契媽有兩個遺願，一個係佢想你娶我，由我幫媽咪贖罪，當年契媽用手段搶契爺走嘅事，我係完全知道。」
 
「咁當年爸爸同契媽….」
 




「我都知道，所以我地兩母女一樣….做左你兩父子嘅女人，我同媽咪都冇後悔」
 
「詩敏…」
 
「契媽第二個願望，係想佢嘅女代佢由英華入大學，不過家姐已經中學畢業，而我只係佢契女或者新抱，所以，佢個仔就想幫佢完成遺願，同佢爸爸一樣做女校男生，係唔係?」
 
「點解妳會咁清楚?」
 
「我係Hall住果陣，見到契媽當年封信，我影低左，返去問媽咪，媽咪先坦白承認，當年佢同契媽爭契爺件事，同埋F.6暑假佢同契爺果晚嘅事…仲有我而家戴住條頸鍊，係契爺儲好耐錢想送俾媽咪」
 




「咁我做女校男生，會有咩問題?」
 
「如果…我係話如果，俾你遇上書檯上果個麵包姐姐呢?就算佢唔係英華學生，你會唔會追佢?」
 
「詩敏，呢D野我打算自由發展，可能我F.6果陣口味轉左呢」
 
詩敏聽一聽就嚇到彈起
 
「妳做咩呀?」
 




「你…你同條羚羊講嘅野一樣嘅?你地基架?」
 
「邊…邊係呀!!!」
 
「佢上次係練辟邪劍法而俾人罰留堂喎!!!欲練神功，揮刀自宮，佢仲唔係基佬?」
 
「妳睇太多小說啦妳!!!」