那些年，我最愛的兩個女孩子: 56

「又到聖誕…又到聖誕…」聖誕歌又一次係大家耳邊響起，聖誕節?我冇去子夜彌撒好耐，因為我真係好懶。係舊校果兩年聖誕，一放學大家都係攬住D女走，而我就係攬住暗花走，人跟大佬我地跟大佬，點知跟左仲係成條毒男咁樣
 
舊年轉左過黎就好左少少，我舊年係帶住功課返Hall，今年，唔知會點呢?聖誕Party最重要係咩?交換禮物囉，我左諗右諗…都諗唔到送咩禮物喎…要50蚊樓下嘅禮物，有一日經過成人玩具店，我個腦就叮左一下，不過我仲未夠秤入去喎，點好呢?所以…我向家姐落手
 
「嘩!!!你痴線架!!!用呢d野去交換禮物?」
 
「護身符丫嘛……保護大家幾好呀」
 
「你會唔會變態左少少呢?」
 




「唔係丫，我又唔係成盒送出去」
 
「咁你又要我幫你買?」
 
「妳夠秤丫嘛，買多左妳咪係街到問人『有冇人同我用呀?有冇人同我用呀』咁囉」
 
家姐一個枕頭扔過黎「死仔包!!!話冇人同我用?」
 
「妳有拖拍咩?挑~F.3之後妳咪又係dry到而家」
 




「你..你又好好咩?」
 
「妳買完，我過去同Samantha用囉，我冇所謂呀」
 
「你…你試下!!!我立即同所有人講，睇下你仲有冇命出Hall」
 
「妳幫我買左先啦」
 
「邊間呀?」
 




「銅鑼灣大把啦!!!」
 
結果第二日，家姐叫個男同學幫我買左一盒Condom，再放係d護身符入邊
 
「拿!!幫你買左啦!!你送幾個出去，有剩你自己好好Keep住」
 
「邊個同我用呀?真係Samantha呀?」
 
家姐望一望我，再諗一諗野，佢應該知道左少少事，佢鎖埋門坐係我面前
 
「阿風，你大個架啦，家姐知道你血氣方剛，有d野係阻唔到就阻唔到」
 
「咩…咩野呀…」
 
家姐個眼神好似有d唔知點咁，不過佢都係開口同我講




 
「你知道…契媽當年F.6同爸爸去左一次長洲…然後…佢地兩個….咩左啦」
 
「呢個……我知…」
 
「咁即係呢….咁呀…上次我唔係到…詩敏同你…咩左…係唔係?」