那些年，我最愛的兩個女孩子: 54

暗花走左之後，我行返去阿熙果邊，果時詩敏係到鬧緊佢
 
「你郁咩手呢?自己又唔夠人打!!你咪有事添呀…你有事….我冇左個玩具我會好唔安樂架!!!」
 
「嘩!!!妳鍾意我呀?」
 
「痴線啦你!!!我鍾意我阿哥!!唔會鍾意你呢條羚羊!!!」
 
「咁我寧願搞基我都唔會鍾意妳呢合隻豬西啦!!!」
 




佢地一言我一語咁樣互串，我真係覺得佢地兩個好襯
 
「點呀阿熙，有冇事?」
 
「冇事，個大佬你識架?」
 
「暗花?我以前兄弟黎，扎左者，佢都就走」
 
「暗花哥係咪真係走架，佢果陣又話陪你嘅…」
 




「傻妹，暗花唔走係因為佢阿爸間車房嘛，有佢係到，車房俾人收少d陀地，賺返多d」
 
「咁暗花哥佢會點呀?」
 
「黑社會都有好人，佢夜晚都讀書，當佢走果時就會返車房幫手架啦」
 
「你條羚羊而家咁呀，點踢波呀!!!」
 
我睇一睇錶，原來都已經12點，我地成班就去食飯，之後詩敏跟我返屋企
 




「阿哥你覺得暗花哥會唔會走丫啦?」
 
「佢一定會，我相信佢」
 
我沖完個涼之後就坐係到睇書，詩敏就換左衫坐上我到，雙手撓實我條頸
 
「阿哥…」
 
「唔?」
 
「你會唔會…為左我而郁手架?」
 
「上次咪係囉」
 
「唔…」




 
「妳攰啦?」
 
「少少啦，有d眼瞓」
 
「咁妳返上床瞓先啦」
 
詩敏扁扁咀「咁你呢?你唔陪我?」
 
「今日?唔好啦，上次只係…」
 
「今日家姐自己上我到，我地晏d自己上去」
 
「咁妳瞓囉」
 




「我要你陪我瞓，孖鋪」
 
「孖鋪?」我好驚又做錯事喎
 
好快詩敏捉左我返上床到瞓，佢完全當上次係hall我同佢件事冇發生過
 
「阿哥」
 
「唔?」
 
「我地…係唔係拍緊拖?」