那些年，我最愛的兩個女孩子: 34

「喂詩敏，其實妳遇到其他男仔嘅話，可以試下發展嘅，不過最好就等妳大個少少先喎」
 
「你…你真係咁唔鍾意我咩?」
 
「傻妹，妳知我點解要努力讀書啦，因為要幫媽媽入大學嘛，所以都冇咩時間陪妳」
 
「唔緊要架，我可以係你身邊咪得囉」
 
我望住呢個傻女，有時我真係覺得佢傻得好均勻，明知我暫時唔會同佢拍拖，佢仍然一心一意咁痴住我：「傻妹，妳會悶架」
 




「係你身邊睇住你讀書努力個樣，我唔覺得悶架」
 
我摸一摸佢個頭「傻妹，妳瞓先啦，我做多一條LQ就瞓啦」
 
詩敏拎出一本harry仆街英文小說出黎睇「你慢慢做啦，我可以係床上睇書等你」
 
「詩敏妳真係愈來愈似契媽，連睇小說都要睇英文，harry仆街好睇嘛」
 
「唔差嘅，我仲有睇其他書架啦，你唔好以為我只係睇英文書，不過阿哥你都好叻啦，開始睇英文小說練英文，每晚仲拎本Grammar in use出黎做」
 




「我之前浪費左咁多時間，要追返係辛苦d，所以咪要打返好個底先囉」
 
「我知你實得嘅」
 
詩敏又再一次錫過黎
 
「唔好做到咁夜啦」
 
佢一個升中學嘅小妹妹都咁識關心人，睇黎佢真係大個女囉
 




我都知道我同詩敏之間，一定唔會係契兄妹咁簡單，我同佢一定會黎一次大鑊野
 
星期一，我又係一個人返自修室溫書，而Tiffany亦都係同一時間出現，上星期六佢俾詩敏咁樣狠狠地當眾質左一次，搞到我都有d…所以我主動同佢道歉
 
「Tiffany呀…星期六…詩敏佢咁樣…」
 
「唔緊要啦，細路女一個，我唔會放係心上邊喎」
 
「唔好意思呢…」
 
「佢真係好鍾意你，你睇唔出?」
 
「其實我係知嘅…不過佢仲細」
 
「咁所以我咪仲有機會囉」Tiffany微微一笑




 
佢真係完全唔保留咁話俾我聽佢對我有意思
 
「如果你想同我道歉嘅話，你就…」
 
「係?」
 
「今晚同我食飯再送我返屋企咪得囉」
 
「呢樣野我差唔多成日都做架喎」
 
「可能我要你開學之後都咁做呢?」