編寫者（愛情，科幻，小量血腥）: 迷惘 上

黃昏嘅光線射入我雙眼，我撐開雙眼見到熟悉嘅天花板。

「我啱啱係發夢？」我抱住懷疑嘅態度對自己講

「呀呀呀！！！！！」我聽到我阿妹大叫

我聽到之後驚阿妹發生咩意外所以馬上跑出去房門口。

「咩事」由於啱啱個「夢」太真實令我都緊張起黎大叫左出黎





「點解會有個女人起到！！」阿妹指向坐起梳化上睇緊書嘅女人

「紫？」我唔敢相信啱啱發生嘅事係真，但係紫起到就代表一切都係真

「醒左嗱，咁姐係無事啦咁我走先」紫合上手上嘅書企起身準備離開

「等等」我唔知發生咩事，忍唔住叫停紫

「阿哥佢係邊個呀」阿妹怒氣沖沖行到我面前對我講





我唔想將啱啱發生嘅事話比佢聽，只好同佢講紫係我啱啱見工嘅總編輯。

「見工點解會見到黎屋企，你唔好呃我呀」由細到大阿妹都妹痴我，我都好少帶女仔黎屋企差唔多無，得我朋友小夏上過我屋企，我阿妹都識得佢。

紫見我無計可施，唯有幫我手。佢攞左張卡片比我阿妹，仲自我介紹自己。

「真係公司總編輯黎，但係點解黎我屋企」阿妹開始相信成件事

「我想睇下你阿哥佢嘅作品，點知佢無攞黎，我就過黎睇下。」紫佢邊講邊舉起手上啱啱手上果本書，原來本書係我嘅。





我阿妹見又好似講得通，就覺得自己好似有d無理取鬧，有d唔好意思。

「唔好意思，你唔好唔請我阿哥」阿妹面都紅曬咁講

「唔會呀，佢今日面試做得幾好。係唔知佢想唔想黎做」紫講

「我——」我連個我字都未講完就比阿妹打斷「佢想呀，以後都請你多多指教，紫姐」

「紫姐？都幾好聽。都請你多多指教」紫笑住講，我都係第一次見佢笑。

「紫姐，不如起到食晚餐啦，我阿哥煮野都幾好食。」阿妹用手拉住紫坐番起梳化。

「係喎！我都未自我介紹，我叫彌月呀，多d上黎我屋企」彌月佢唔知點解好興奮咁拉住紫坐低

「咁我就打擾曬啦，彌月妹妹」紫笑住講





「阿哥我沖涼先，你快d去煮飯呀，唔好要紫姐等」彌月佢講完就跑左去沖涼，番低我同紫兩個人

「我暈低左之後發生咩事，仲有小妹妹佢點？」我將我所有想知嘅野問曬紫

「咁多問題，我地慢慢傾。你屋企有無紅茶，我習慣邊喝野邊傾。」紫對我講

「得茶包炸，我沖比你」我講完之後行到入廚房攞水沖茶再攞糖比紫。

「好彩你有攞糖過黎」佢邊講邊大大匙糖倒落杯紅茶到，大約五匙左右，連杯茶都溶唔曬d糖。我望住佢喝得津津有味，我都廢事阻止佢。

「好啦，講番正經野先。」紫放低茶杯準備認真傾「果個小妹妹無事，我地有專門處理事後嘅小組，基本上會將所有人嘅記憶消除，而死去嘅人我地會有人埋葬左佢。」

「咁死左嘅人嘅家人呢？無啦啦無左個人。仲有之後要點？」我講出我嘅疑問





「我地佢直接消除人嘅存在，所以唔會有家人。至於之後點就要問番你自己」紫又再一次攞起茶杯喝，佢望一望杯茶，之後又加多匙糖。

「我.....」我完全唔知到我應該點

「可唔可以比一日時間我考慮，我宜家都唔知應該點好」我只好咁講

「無問題，時間我地仲有。」我聽到紫講完呢句我就走左去廚房煮飯。