編寫者（愛情，科幻，小量血腥）: 迷惘 中

我走左入廚房打開個雪櫃見到仲有d食材應該夠食，雖然唔知紫佢口味。畢竟佢口味有d奇怪喝茶落大量糖，咁我唯有整個甜d嘅餸比佢，最後選擇整甜酸咕嚕肉。將豬肉炸好備用，之後再炒下三色椒，再將肉同啱啱混好嘅醬炒埋，最後將兩者加埋一齊炒，好快就整好一個餸。

「好肚餓呀，整好未」我聽到啱啱由浴室出黎嘅彌月大叫

「你吹埋頭就食得啦，好快」我由廚房大叫

整完三個餸啱啱好，我慢慢將野食攞出去。我行到出客廳見到彌月同紫起到傾到有講有笑，應該係彌月有講有笑而紫雖然無咩表情但係都睇得出佢同彌月傾得好開心。

「好啦，食飯啦」我好似老母咁大斷佢地叫佢食飯，之後我地三人坐低起圓枱到食飯。





我見紫毫不猶豫直接夾起咕嚕肉我就知我無整錯。

「估唔到你整野無好食」紫露出懷疑嘅眼神望住我

「我都話我阿哥煮野食唔錯啦，雖然佢份人有d古怪，成日為左其他人唔為自己，為左唔識嘅人可以命都唔要。佢份人好人到有d偽善。」比自己個妹咁樣講我都無言以對，因為我就係咁嘅人，由唔記得幾時開始變成咁。

「知啦，要對自己好d嘛。我都唔知你由幾時開始變到咁似d老豆老母教仔咁，第時你老公你仔女就慘，比你管。」我串番佢

「唔彩你」彌月轉半個身唔面向我，紫就好似睇戲咁邊食飯邊聽我地嘅日常對話。





話咁快食完晚飯，我汁走曬d碗入廚房洗，客廳又淨低佢地兩個傾計，其實都係彌月講紫負責聽。

洗洗下碗，聽到廚房門口有人，轉身見到紫企左起到。

「差唔多時間啦，我走先，你諗好再用編寫者程式搵我」紫講完之後未等我回應就行走左。

「阿哥，你唔係唔去做呀」彌月走左見紫出左門口就走左入黎同我講

「比我諗下先啦」我邊洗碗邊講





「有咩好諗，呢份工係你嘅夢想喎，仲有紫姐咁靚女，幫佢做野都開心d啦」彌月唔知呢份工真正做d咩所以緊係想我做，我都唔想將佢牽連落呢件事到。

「知啦」我只好咁講，等佢安心d

洗完碗之後我就走左入房，我攞起手機睇下有咩好睇，突然有個信息彈出黎。

「今日見工點？成唔成功？」個信息係小夏send過黎

「都算成功嘅，但係仲多左野煩左」唯獨是對住小夏我會誠實起黎

「無事嘅，最多聽日同你出黎行下街傾下，可能會好d呢？」聽日星期六佢放假，睇黎去轉下心情都唔錯。

「好呀，咁聽日2點照舊地方見」我同小夏已經有左共識去邊等

「咁你早d訓啦，唔好諗咁多啦」小夏覆番我





「知啦」我打完呢兩個字就訓左起張床到，可能因為今日太攰同傷得太多，所以好快就進入夢鄉。

———
————
「做咩傷曬㗎，痛唔痛呀，阿哥？」

「無事嘅，啱啱有人蝦小夏，咁我咪出手」

「唔好意思」小夏不斷道歉

「唔洗唔好意思，我呢個傻阿哥，只要有人需要幫忙就會奮不顧身咁幫人，就算片體鱗傷都好佢都會幫人。」

「唔為自己，只為他人？」





「佢嘅價值觀係有d扭曲，但係佢絕對係個好人」

—————
————

烈日照射到我窗邊將我照醒。我擦一擦眼睛，攞起手機睇時間見到而家12點鐘。仲有兩個鐘先到同小夏行街嘅時間。