野性呼喚: 第九十八章 ： 搵新情人
Julie發放咗一輪同XX嘅舊合照，忽然有一日佢喺又發放咗一張相，對其他人可能認為係順理成章，但對我嚟講，係一個好大嘅衝擊。
Julie好曖昧，對呢張相無附加解釋，無說明，淨係影住佢手上面嘅戒指，根據西方習俗，佢戴呢隻戒指嘅位置，係代表訂婚戒指。
我唔明白，點解只要XX稍稍同我多啲聯絡，Julie就會喺社交媒體發放一啲打擊我，令我消沉嘅消息。
早前暗示每次飛去同XX開會，之後佢哋都會結伴同遊。
唔怪得佢要認識我無幾多日就add我facebook呢啲社交媒體，如果唔係咁，佢嘅訊息無辦法傳遞俾我。
...................................
夜晚靜落嚟，細心諗吓，我聯想到一啲嘢。
如果我將Julie發放嘅消息，配合埋XX俾電話我一齊嚟睇，一切就講得通，呢個係一個部署，唔單止Julie一個人，而係同埋XX，佢哋兩個人一齊嘅部署。
佢哋要我做期望管理，XX呢輪定時俾電話我，又關心我心境，就係怕我接受唔到呢個消息，想預先了解吓我嘅狀態。
佢同我講有啲嘢忙緊，可能係籌備結婚嘅事啦。
我相信佢哋咁做，源於XX驚我接受唔到而做傻事，我感激佢對我嘅關懷，因為佢無責仼兼顧我嘅感受。
佢哋咁做對我係一件好事，我可以早啲斷絕自己對XX嘅懸念，好好為自己嘅將來打算。
................................
我漸漸開始麻木，唔再窺探XX同Julie嘅發展，心理放鬆好多。
相反，Gigi喺van仔面前一句都唔肯講出我個名，反為更加令我傷感。
.................................
“細C呢一筆一陣先講，我想知多啲嗰幾個狗公啲嘢先！”
“都話佢哋係我後路。”
Gigi解釋，一向以嚟有好多男人以為做化妝品銷售啲女仔，個個都好高騖遠，成日借頭借路嚟結識佢哋。
Gigi以前將呢啲男客當做兵，目的係增加生意額，兼且要佢哋送吓禮物。
自從同van仔一齊之後，Gigi已經收斂晒，佢唔再收兵，只不過都早前，van仔對佢完全唔積極，相反同我就似乎越行越埋，佢怕van仔遲早有同佢分手嘅一日，於是佢先再俾班另有目的嘅男客戶接近佢。
Gigi想搵一個可以終身寄託嘅人，所以佢好揀擇，佢要求單身嘅，更加唔可以抱住同佢玩玩吓心態嘅男人。
幾個月嚟，佢認識咗五個男仔。
“聽老闆娘講，你同一兩個行得好埋，係咪？”
van仔同老闆娘食飯，老闆娘俾咗好多關於Gigi啲男客戶嘅情報。
“唉，唔係我想同佢哋行得埋，係佢哋迫得我好緊要！”
Gigi繼續解釋，佢班客戶名義上就係買化妝品，實則係同佢見面，其中有一兩個，更加一有時間，佢哋就落櫃臺搵Gigi，想約佢出街。
Gigi起初都係拖字訣，佢揀咗一兩個合條件嘅，每晚同佢哋傾吓偈，同佢哋溫聲軟語一番就算，輾輾轉轉有兩三個月，呢兩個男仔開始唔耐煩，幾乎每晚都催Gigi俾個時間同佢哋食餐飯。
“佢哋暗示如果我再拖，大家就到此為止！”
“咁你最後就應承咗啦！”
“咁鬼叫你唔嗲唔吊，我一提起結婚，你就即閃。我都要為自己諗吓，如果你唔要我，我要留住呢两條後路嘛！”
“咁佢哋迫過嚟做咩？”
van仔始終都係大男人主義，佢用忍唔到Gigi俾人佔便宜。
“無咩呀！”
Gigi避重就輕。
van仔重複問佢幾次。
“我最初都係同佢哋食過幾次飯，俾佢哋拖吓隻手。”
Gigi唔講慣大話，佢露出好多破綻。
van仔怕Gigi好似同佢最初相識時，經過幾次面，佢放工就帶van仔去休息室，當著佢面換衫，仲任得van仔愛撫佢個胸。
“最初？即係仲有後話啦！係咪？”
“你同你啲女搞咁多嘢，我都無出聲，我同人食一兩餐飯，你就審犯咁！”
“我唔係審你呀，不過，我想知你係咪真係想跟嗰條撚樣啫！”
Gigi開始發脾氣，不過佢知道van仔性格，如果佢唔講清楚，只會增加佢哋之間嘅隔膜。
van仔當然亦都唔想Gigi離開佢，佢想Gigi清楚交代，免得佢心裡面有條刺。
van仔唯一怕嘅係嗰兩個所謂客人見可以逼得到Gigi，佢哋就得寸進尺，再約Gigi出街。可能進一步佔佢便宜。
Gigi講，其中一個男人大學畢業，四十零歲，離咗婚一兩年，係經理職級，佢仲俾佢啲相van仔睇，樣貌中中等等啦。
呢個男人同上次Gigi帶返屋企刺激van仔嗰個唔同，呢個男人了解女人心態，知道Gigi有少少唔捨得放棄佢，佢就把握住Gigi呢個弱點，想操控佢。
Gigi晚晚都有同佢傾偈，佢亦知道Gigi同緊van仔一齊。
佢儲心積累，同Gigi傾計嘅時候已經刺探到Gigi幾時放假，佢仲買定戲飛去化妝品counter搵Gigi，無論如何，都要Gigi陪佢睇場戲。
Gigi想推都無得推，就瞞住van仔，陪佢行街睇戲，玩咗一個下晝。
嗰次，個男人好有風度，好斯文，除咗拖吓Gigi隻手，乜都無要求，成場戲好專心睇，所以Gigi對佢印象都唔錯，信任都大好多。
“唉，講撚起上嚟，我以為同你老夫老妻嘛，好多嘢以為大家可以心照啦。”
Gigi聽van仔咁講，眼當堂紅咗。
Gigi為van仔唔會長久，於是就開始同呢個男人樣發展落去，有時趁van仔加班，就應承佢，同佢出夜街。
通常都係食晚飯之後睇戲，行公司咁。
但係有次食完飯，個男人邊度都唔想去，淨係話想散吓步，就帶Gigi行入公園。
“咩，夜晚行公園？！咁佢有咩動作？”
van仔當然知道夜晚黑帶女仔入公園通常有咩目的。
“嗰次無！都係行一陣，坐吓就送我返嚟。”
Gigi話「嗰次無」係咪代表之後佢哋有嘢發生呢？
Gigi都有啲奇怪，佢唔係無知少女，同個男人行入公園，多多少少都有心理準備俾佢輕薄吓。
之後佢哋仲見過幾次面，Gigi話佢哋開始去啲人少地方，睇戲揀啲後排牆邊位，行公園次數多咗，佢亦開始對Gigi手多腳多。
“咁好自然啦，佢當咗同我拍拖嘛！”
Gigi維護著佢。
“我唔知係咪我主動咗啲，佢先至係咁。”
van仔見Gigi罪名包攬上身，佢忍得好辛苦，脾氣先唔爆發出嚟。
Gigi話有晚佢哋睇戲，佢挨咗過個男人嗰邊，佢即時望吓Gigi，跟住就好肉緊捉實Gigi隻手，成場戲都無放鬆過，Gigi仲話當時好感動。
睇完戲，佢帶Gigi去公園暗角坐，Gigi都無反對，一坐低，佢即時搭住Gigi，傾得幾句，就錫嘴落Gigi度，就係咁，Gigi俾佢錫咗，仲俾佢上下其手添。
佢發晒狂，竟然掹咗條啫啫出嚟，想Gigi同佢口交，咁反而令Gigi覺得過咗火，求其揸一陣就放手，整理返好啲衫。
“咁，你決定咗啦！”
估唔到繼洗頭妹之後，連Gigi都俾人佔咗便宜，van仔好失望。
“咪咁啦！又係你迫我講嘅！如果我真係想跟佢，我唔會同契媽講，要你表態啦！”
“我表態係想繼續同你喺埋一齊囉。”
van仔考慮一輪，然後捉住Gigi兩邊膊頭，眼望眼同佢講。