野性呼喚: 第九十九章 ： 重拾歡樂
自從睇到Julie訂婚戒指張相，我已經當咗XX係普通朋友，內心驅使行為，我同佢講嘢都舒坦咗。
"C，點解咁耐唔見你update你啲社交媒體？"
XX竟然咁問我。
"點解咁問嘅？"
之前同佢一齊嗰時，佢一向好少留意我社交媒體、網上討論平台諸如此類嘅嘢。
一來佢工作忙，二來我日常生活，可以俾佢知嘅，佢都掌握到，唔可以俾佢知嘅，我絕對唔會喺社交媒體透露。
"唉，而家少咗好多機會同你見面，好想知道你近況同埋你日常生活點滴囉！"
XX嘆咗一大口氣，停咗幾秒先講出佢嘅理由。
"我而家生活好平淡，無咩值得公開同朋友分享，所以咪無update囉，遲啲屋企裝修完啦，或者會post一兩張裝修後啲相上去啦，不過到時睇心情啦。"
近呢一年我都係深居簡出，連比較傾得埋嘅van仔，佢出發去旅行後都一直無見過面。
就算佢返嚟約我見面，我都無答應佢。
"你呢？"
我反問佢。
佢一向唔熱衷於社交媒體，幾年前同Julie分手後，佢曾經喺一個討論區同人講飲講食嚟消磨時間，認識我之後，佢亦都淡出咗。
"我？！我都無咩好講啦，本來下個月會返嚟，但總公司要我extend多兩個月，離開咗好耐喇！"
"咁Julie呢？"
我衝口而出，踩過咗我同佢之間條紅線。
"佢⋯⋯"
"我指佢face book，有無update！"
我想兜番我嘅冒失。
"唔知佢呀⋯⋯"
我以為XX唔想講咁多關於佢同Julie嘅私事。
"幾年前佢同我分手，佢跟住block咗我，一直到而家。"
咁講法，XX可能唔知Julie呢一年post過啲咩。
"對唔住，我唔應該問嘅。咁啦，如果你想知我屋企裝修成點，我直接send啲相俾俾啦。"
我哋好似幾年前初相識，開始互傳相片。
最近一個星期六，佢send咗一張佢做完gym，赤裸上身，show佢胸、腹肌，誇張佢條人魚線嘅相俾我。
我考慮咗一陣，走入浴室，影咗一張用浴巾遮住前面，淨係露出膊頭，不過喺浴室鏡，我連pat pat都睇埋嘅全裸背面相俾番佢。
佢即刻俾電話我，我哋講吓笑，嘻嘻哈哈，重拾番一啲歡樂。
不過我同佢一路守住條紅線，我唔提有關Julie嘅嘢，佢又絕口唔問我有無新戀情。
⋯⋯⋯⋯
Van仔同Gigi坦誠傾完，Gigi同van仔講會約嗰個男客出嚟食飯，同佢講清楚。
Van仔認為Gigi係佢女友，唔應該由佢一個人單獨應付，決定陪埋Gigi一齊出席。
“會唔會有啲尷尬呀？不如唔使啦！”
Gigi嫌三個人咁尷尬，當然唔想van仔咁做。
“屌，我同你一齊去，就係要俾佢知道我係你條仔，等佢死咗撚條心！”
Van仔堅持一定要出席，Gigi無論如何都要答應。
Van仔提早收工返屋企接Gigi。
由出門口嗰一刻，到去到餐廳門口，Gigi都擔心個男人有咩反應。
「唔知佢會有咩反應呢？」
佢不停問van仔。
“可能會發吓爛渣咁囉，不過話撚知佢啦！”
Van仔估計個男人見到佢之後，知道無需再纏擾Gigi，連飯都唔食就離開。
“最後張卡位，面向我哋嗰個就係！”
一入到餐廳，Gigi細細聲喺van仔耳邊指出同佢交往嘅男人。
“佢係van仔！”
一見面Gigi搶先介紹，聽口氣，似乎之前Gigi係佢面前提起過van仔。
呢個男客人見到van仔，佢呆咗一呆，不過好快就鎮定落嚟。
佢著住西裝，舉止好斯文，但係樣貌好蒼老，完全唔似Gigi所形容嘅四十幾歲。
van仔同Gigi未坐低，佢就好有禮貌，企起身相同van仔握手，van仔自然無理佢啦。
呢個男人城府好深，van仔全程黑起面對佢，佢竟然成餐飯都可以笑容滿面，唔知情嘅人睇起上嚟，仲以為佢同van仔好熟絡。
...........................................
“好彩正話唔係咁尷尬，佢都幾大方吖！”
食完飯離開餐廳，Gigi鬆咗一口氣。
“點解唔同佢講清楚？成餐飯我一直一直等你開口。”我咋鳩Gigi形。
van仔奇怪Gigi無正式同個男人開口
“面對面好難開口囉，一陣我會傳短訊同佢講，至多俾你睇埋我點同佢講囉！”
返到屋企沖完涼，Gigi遞佢個手機俾van仔。
Gigi好客氣咁打開話題。
「多謝你今晚請我哋食飯。」
「唔好客氣啦！」
「唔好意思呀，今晚同埋van仔一齊出嚟見你，可能令到你尷尬。」
「無咁嘅事，點會尷尬呢！」
「咁就最好，之前我都同你講過，我同van仔一齊，所以，我諗我唔可以接受你好意囉！」
「好意？咩好意？」
「即係話我唔可以再同你來往囉，唔好意思呀！」
個男人先俾一個悲慘表情，然後先回覆：「對我嚟講，呢個一定係最壞消息！」（連續一串悲慘表情）
「你唔好咁啦，所以我要同你講對唔住囉！」
「你可能未必相信，你今晚咁決斷同我講，我好傷心，不過我會接受現實。」
「咁就最好，多謝你呀！你咁好條件，一定有好女仔等你㗎！」
「依家呢一刻，對唔住，我未有接受其他女仔嘅心情囉！」
「我明！慢慢嚟啦！」
「講起上嚟好似好老土，只要係你嘅抉擇，我一定尊重。可能你唔相信，但我係真心，我真心咁祝福你！」
「你唔好咁講啦，你再咁講，我真係會喊㗎！」
睇到呢度，van仔無再睇落去，遞番部手機俾Gigi。
................................
“你唔係想喊嘛？”
van仔見到Gigi眼框紅咗。
“有少少㗎，你唔覺得佢好深情咩？”
Gigi真係好感觸咁。
“屌，呢啲𠱁女嘅說話，係人都識得講啦，你唔係信丫嘛？”
Gigi唔覺得個男人做作，佢真係信佢。
“起碼你無同我咁講過囉！同埋我覺得佢未必係假囉。”
Gigi一路碌部手機，睇番正話個男人同佢嘅短訊，睇來睇去，睇咗幾次。
“哈哈，你無同我講過分手嘛！”
van仔笑起上嚟，假若同Gigi分手，佢懷疑自己講唔講得出咁肉麻嘅說話。
之前van仔無可意留心，佢知道有競爭對手後，佢開始覺得Gigi好嫵媚，好想同佢做愛。
佢攬住Gigi，伸手入佢件背心揸佢。
“喂，我又未沖涼，騎樓又未拉布簾，俾對面樓條友睇晒喇！”
Gigi想推開van仔。
“又唔係喺騎樓度搞，又有幅牆遮住一半，佢睇唔撚晒啦。”
van仔唔理咁多，推Gigi落床。
“你唔怕我幻想住佢呀？”
Gigi同van仔錫完一輪，同佢講笑。
聽到Gigi咁講，佢打咗個突。
“如果你真係膽敢想住佢嚟同我搞嘢，我屌撚死你呀！”
van仔有啲動氣。
“咁即係點呀？唔想住佢又俾你屌，想住佢都俾你屌，哈哈，咁想唔想佢好呀？”
Gigi一路捽van仔啫啫，一路講。
年幾以來，Gigi每日放工煮飯，做家務，好耐無同van仔打情罵悄。
......................................
“估唔到佢真係咁大方喎！”
個幾月後，有晚van仔放工，一入門口，Gigi好開心，拉住佢講。
“咩咁大方？邊個佢？”
van仔一頭霧水。
“車！咋唔知，仲有邊個「佢」吖？”
Gigi嘟長個嘴。
原來佢係講緊個男人。
“嗰晚之後，我以為佢唔會再嚟公司，唔再幫襯我買嘢，我會少好多生意，話晒佢係一個大客。”
Gigi仲煮緊飯，佢一路抹手，一路講。
“你咁開心，即係話佢仲有幫襯你啦！”
見Gigi個表情，都估到七七八八。
“係呀！佢第二晚放工就上嚟我counter，幫我買嘢，個幾月嚟，佢都好似以前咁，似乎仲買多過以前，買男性美容之外，又話買俾阿妹，又話同事搭佢買，總之單仲多過以前。”
“條撚樣係咪有咩想搞作呀？小心呀！”
van仔警告Gig，怕個男人必有用心。
個男人好攻心計，Gigi漸漸對佢放低戒心，同佢再來往。
van仔要幾個月後先發覺。