野性呼喚: 第九十七章 ： 同Gigi攤牌
XX工作清閒咗，但係Julie喺佢社交媒體就越嚟越忙碌，佢每日都有新post，有時一日仲有幾個咁多。
而且佢開始唔再避忌，由兩三日一張，到每日一張，佢post好多佢同XX嘅合照，有啲好普通，但係有啲好親密，每張相佢都會加啲介紹，可能係介紹俾所有人，又或者係想介紹張相嘅內容同埋背景俾我知啦。
不過有一點好奇怪，佢post出嚟，同XX嘅合照，唔單止我發覺，仲有好多佢嘅朋友都發覺，全部都係舊相嚟嘅。
有留言要求佢post一啲update嘅，佢回覆話尚未得到approve，意思係未得到XX同意佢post佢哋嘅`近照掛。
無論佢有咩目的，有咩含意都好，隨著日子，對佢呢啲小動作，我已經習慣咗，再影響唔到我，間中就算有，心裡面嘅躁動都係好輕微。
.......................................................
XX而家keep住定期同我傾電話，雖然唔係好頻密，但每次聼得出佢好關心我，尤其是我嘅心情。
我對佢同Julie到底發展成點，我淨係可以喺Julie發放出嚟嘅消息中推敲，消息好零碎又唔連貫，反而令到我滿腦子迷思。
我知道只要我開口，以XX性格，佢唔會隱瞞我，但係我唔想利用佢對我嘅坦誠，嚟達到自己嘅目的。
所以，一如既往，我哋有默契咁避開所有敏感話題，廢事令佢難為，又令自己傷感。
雖然好似朋友咁閒話家常，我已經好滿足，唔會有任何苛求。
憑記憶，XX每次俾電話我嘅時候，係佢當地時間嘅凌晨兩點幾，我奇怪早前佢講過工作量減少咗，可以輕鬆應付，咁點解仲要捱到咁夜。
"你而家無咁忙，唔駛捱夜嚟俾電話我啦。"
我擔心佢體力透支。
"呢排係有啲嘢忙緊，不過唔緊要啦，我而家都係一個星期先同你傾一次啫！"
佢可能有佢自己嘅安排，我唔想再干預佢。
.................................................
我唔知道van仔究竟愛得Gigi有幾深，始終佢哋喺埋一齊咁耐，van仔無可能對佢無感情。
“死仔包，返去同Gigi好好哋講清楚佢啦，honey唔會呃你呀！”
老闆娘一啖呷清酒杯裡面啲紅酒，就叫埋單。
雖然老闆娘富裕過van仔好多，但係van仔遵從老闆死前遺願，要照顧佢，況且van仔亦都好尊重佢，所以每次食飯，都無想過要老闆娘做東。
“記住好聲好氣，千祈咪衝動呀！”
老闆娘臨離開都再三吩咐van仔。
Van仔為咗冷靜情緒，佢搵個排檔，飲兩枝啤酒，清醒一吓個腦，諗清楚自已想點，先敢返上樓。
“咁耐先返到？”
Gigi早已接到老闆娘通知van仔返緊屋企，喺屋企等佢。
“係呀，同老闆娘食完飯囉。”
今晚佢哋一反常態，互相好客氣。
“近來好多狗公埋你身咩？”
Van仔直接問Gigi。
“咩狗公呀，客嚟之嘛！”
“乜夜麻麻要匿埋喺廁所同客傾計咩？”
“咁聯絡吓都要啦，你成日夠同你啲女吹水啦！”
Gigi怕van仔發火，戰戰兢兢，細細聲咁回應。
“你無眼睇咩，我無同班女一齊好撚耐啦，我正話都有同老闆娘講！”
“係咩？咁洗頭妹，寶馬呢？”
Gigi偏偏唔提我。
“佢哋都係耐不耐搵吓我，我都無主動聯絡佢哋啦。”
Van仔醒覺虧欠咗洗面妹。
“你知啦，洗頭妹好撚孤獨，我陪吓佢啫！”
“我以前條仔而家夠孤獨咯，我耐不耐去陪吓佢，你俾唔俾吖？”
“咁點同啫！”
Van仔啞口無言。
“我知你同情洗頭妹，其實我都唔介意你陪吓佢，但係你最上心嘅係另有其人囉！”
“你又講咩呀？都話佢就嚟結婚咯。唔撚好講人哋，講返你先。”
“我有咩好講呀？”
平時無乜點留意，van仔而加先開始欣賞Gigi嘅美貌。
“你尋晚同老闆娘食飯，今晚佢講晒俾我聽啦。”
Van仔極力保持冷靜，佢拖Gigi埋梳化坐低，輕輕攬住佢膊頭。
“如果你真係唔想再同我喺埋一齊，可以開心見誠同鳩我講。”
“我無咁諗呀！”
Gigi極力否認。
“係你唔緊張我咋！”
“我點唔緊張你啫？上次你夠應承我唔再收兵啦！”
“我無諗住收兵，我係想擸住幾個客，搏多啲生意。”
“咁老闆娘又話你想搵條狗公發展落去！唔通佢呃鳩我咩！”
“係你逼我之嘛！”
“唔撚係吖嘛？我逼你搵狗公？”
“你問吓自己，去旅行你都掛住佢，同佢搞埋啲咁嘅嘢！”
Gigi開始激動。
“我唔肯俾你屌咩？你想吹，我幫你吹，你想我企高，我就企高，你想我趴低，我就趴低，唔通咁都滿足唔到你，你係要佢先開心？”
“Okay，當我唔啱，不過嗰晚你夠匿埋喺廁所同班狗公傾啦！”
“我係同佢哋應酬吓之嘛！”
Van仔自覺佢係忽略咗Gigi嘅感受。
“好啦，大家坦白啲講啦，你係咪真係想離開我先？”
Van仔望實Gigi雙眼，睇吓佢有無講大話。
“呢個係最係一步。如果你唔放棄細C，我唔想浪費我同你青春。”
Gigi猶疑好耐，終於講佢點諗。