野性呼喚: 第四十九章 ：澳門三日兩夜
我公司有個女同事，van仔同佢起咗個花名叫珠女，佢喺IVE畢業就加入我哋公司，雖然佢做咗未夠一年，同我已經好傾得埋好friend。
佢之前未拍過拖，最近識咗個男仔，我哋食過飯，見過面。
上星期個男仔摟珠女過澳門玩，珠女想搵人壯膽，兼夾容易啲向佢屋企人交代，佢仲同我暗示，未同男仔咩過，想今次過澳門，交個身體俾佢男友。
珠女屋企管教好嚴，認着佢仲係細，唔想佢咁早拍拖，所以今次佢都係呃屋企人，話係公司同事聯誼。
我公司同事唔多，男同事大多數喜歡賭錢，睇波，佢哋要過澳門，都唔會同我或者珠女一齊過。
至於女同事就全部媽咪級，放咗工要照顧家庭，享受family life，好少同我哋一齊去玩。
我好辛苦先搵到一個女同事有興趣參加。
我book好晒酒店，珠女先鬆一口氣，但係珠女呢一口氣放鬆得太早，朝頭早個同事應承，點知食完午飯返嚟，佢就話佢個仔臨時有事，佢唔可以過澳門嘞，
“細C，點算好呀？”
珠女好緊張，因為我向所有女同事再問一次，無一個答應，我唯有硬住頭皮，除咗老闆同主仼，問埋所有男同事，都係無人睬我。
“咁我退番一闆房，淨係你哋兩個去啦。”
其實我腦裡面湧出咗一個人選，不過我唔係佢，唔想提出嚟。
珠女聽到我要退出，佢更加著急，因為我退出埋，等於叫佢取消成個澳門之旅。
“最衰都係佢呀，去澳門又係佢提出嘅，但乜都要我諗埋，而加無人去，都要同佢煩埋，我唔同佢拍拖喇！”
珠女想喊咁。
佢將所有罪名，加諸喺佢男友身上，所有牢騷，亦都發洩喺佢身上。
“你不如問吓van仔啦，細C，我哋請晒假，唔想浪費啲假期囉！”
珠女捉住我手臂係嘩搖。
珠女諗咗一輪，佢竟然都係提議搵埋van仔。
平心而讑，對其他人嚟講，van仔凡事無乜斤斤計較，雖然粗俗啲，都算識得講笑，的確係一個非常好嘅玩伴，但係對我就有另一重考慮。
“你男友同Van仔唔熟，佢會唔會反對？”
我內心矛盾，想借人哋個口去反對，又想借人哋個口去讚成van仔參加，到底我想佢去定唔去好呢？我問自己，但俾唔到答案。
⋯⋯⋯⋯
Van仔如常送貨嚟到，佢一入門口，珠女即刻叫我埋佢個位。
“細C，你問吓佢啦，我唔好？”
“你男友點呀，唔識佢㗎喎？”
我希望珠女代我否決van仔。
“佢最緊要有得去啫，邊個都無所謂啦！”
珠女同埋佢男友旅遊觀光只係其次要目的，佢哋當然希望成行啦。
珠女讚成van仔參加，我無失望，可能仲有啲歡喜，不過我開始憂慮，怕自己敵唔過自己外務之心，唯一可以安自己嘅心，就係今次我係同珠女同房，同van仔單獨相處機會唔係咁多。
我嘆一口氣，心諗隨遇而安啦，就同埋van仔一齊送貨入貨倉。
“有乜想同我講？”
佢見到我同珠女行埋一邊傾偈，珠女眼尾仲望住佢，同埋我一齊入埋貨倉，佢知道我一定有啲嘢要搵佢。
“哈哈，你咁聰明嘅，知道我有嘢同你講。”
“哈哈，我同你心有靈犀嘛！”
“哈哈，犀你個頭呀！問你，下星期一同二得唔得閒過澳門？”
我明知佢知道我會去，佢一定會應承。
我講佢知珠女過澳門嘅打算。
“點解唔搵你條仔，搵我？”
“你唔記得咩？佢喺日本嘛，佢星期五晚返嚟過週末，星期日下晝趕返去，所以我哋先約星期一去，星期二晚返。”
自從嗰晚之後，佢成日將自己同我男友比較，我起初係有啲反感，但係慢慢變得麻木，仼得佢講就算。
“車，你條仔唔得閒先搵我！”
佢對眼發晒光，證明佢好想去。
“唔係呀，我第一時間就諗起你架！你話呢輪做嘢做到好悶，我咪諗起你，睇你得唔得閒去玩吓囉，唔得閒就算啦！”
我想聽到佢話請唔到假，但我知道佢無論如何都會迫到佢老闆娘俾佢放。
“我諗得嘅，不過我聽日同老闆娘請假先！”
⋯⋯⋯⋯
我珠女喺決定咗人選嘅第二日，距離出發日足足有一個星期，老闆一出咗街，佢已經大模司樣打開晒本旅遊指南，半日未夠，成本指南已經俾佢貼滿告示帖，mark低晒去邊度玩，想食乜。
“細C，不如我哋早一日，即係星期日出發吖！”
珠女同佢男友傾完⼀輪電話，走埋嚟問我，我一早同佢講過我星期一先得閒，兼且房都訂好晒，奇怪佢突然會要求早一日出發。
原來珠女男友嫌星期一先出發會浪費咗個星期日，所以佢叫珠女出聲，要求我哋提早一日出發。
我睇番男友行程表，我比較容易解決，因為男友班機五點飛，只要搭旁晚以後嘅船，我係無問題。
但係仲要睇van仔假期如何，去澳門船飛同埋酒店，尤其係星期日係澳門賽車最後一日，唔知酒店有無房。
“嚟啦，幫吓我啦，佢好想早啲出發呀！”
珠女不停疲勞轟炸我，我最後都屈服，續樣同佢問，van仔，船飛同酒店。
我即刻俾電話van仔，佢又係懶猶疑咁，總係想我開口囈佢。
同佢一切都傾掂，同佢講咗聲拜拜，van仔無回應。
“喂老婆，星期日我同雞蟲輝幾個friend過大海，⋯⋯”
我正想收線，未夠一秒聽到佢講。
“喂呀，我係細C，唔係你老婆呀！”
“屌，哈哈，你打嚟之前，我同Gigi傾緊，佢等緊我！”
原來van仔出外面玩要Gigi批准。
好彩訂酒店，買船飛，每樣都好順利，知道乜都攪掂晒，珠女即刻搵男友報喜訊。
由星期五晚開始，我幾乎無停過，放工即刻趕去機場接機，嗰晚就上咗男友屋企陪佢，星期六、日輪流同我哋兩家嘅屋企人飲茶、食飯，夜晚留返俾我哋自己，當然要陪佢曳曳啦。
到星期日送完佢上飛機，又要返上屋企攞行李，雖然好簡便，但係成個人已經攰到就算輕到好似白紙，都唔想扐。
雖然仲有好多時間，因為攰同埋唔想遲到，我選擇坐的士到碼頭，果然我係最早一個到。
幾分鐘後，珠女就拖住男友，個男仔好興奮，珠女反為怕怕哋醜行過嚟我呢邊。
大家打招呼後，珠女男友就輕輕推珠女。
“講啦！”
珠女男友喺珠女耳邊催珠女。
珠女扭擰咗一陣，拉我行過兩步。
“今晚點分房好呀？”
珠女紅住面咁問。
“我同你，van仔同你男友囉！”
我理所當然咁答珠女，況且我事先叫珠女問佢嬲友，接唔接受van仔，佢話無問題，我再約van仔加嘛。
“不過佢⋯⋯”
珠女望吓佢男友。
“咁我點呀？”
雖然我明珠女佢哋想點，但係一開始我無打算同van仔同房。
“細C⋯⋯⋯最衰係佢，成日要我做醜人！”
珠女又再想喊咁，佢男友sense 到珠女講唔掂我，佢唔敢行埋嚟幫珠女口，淨係用懇求眼光望住我。
我擰轉頭唔同佢眼神接觸，怕自己心軟。
“點解我要做到好似雞咁，求人哋呢樣，求人哋嗰樣，送埋上門俾佢！”
珠女真係流起眼淚上嚟，激動到喺手挽袋裡面，摷咗佢男友幾件衣物掉落地下。
喺碼頭等緊船嘅人，個個都望晒過嚟。
“唔好咁啦，珠女！”
我搭住珠女膊頭，同佢行去一個角落安慰佢，留番佢男友樣衰衰咁執番地吓啲衫褲。
無幾耐，我拖住珠女交番俾佢男友，同時向佢男友點一點頭。
“唔該你呀！”
珠女男友口就感激我，眼就望住我條腰。
一切啱啱平息咗，van仔滿頭大汗趕到，我哋招呼未打，就一齊起步，飛奔上船。
“哈哈，你今日條褲好睇得嚟又好性感！我想問，為咗條褲著得好睇，你係咪無著底底？”
剛坐低一陣，van仔留意到我衣著，我鍾意突顯我身形嘅衣著，尤其喜歡超強彈性嘅褲。
“哈哈，你無聽過無縫，T-back同埋G string咩？”
“一定唔係T-back同埋G string，睇落真係乜都無喎！”
“哈哈，唔話你知！”
講講吓珠女同佢條男友已經唔知坐咗去邊。
落咗船，我哋準備check in咗，放低啲行李，唔挽住挽住四圍行。
“十分鐘後樓下等！”
攞咗門匙咭，珠女一手搶咗一張，就拖住佢男友入房。
正話喺碼頭，我屈服咗，答應珠女要求。
一時心軟就帶嚟同van仔嘅瘋狂性愛，係我始料不及。
“吓！乜唔係你同珠女一間房咩？”
Van仔好愕然，跟住佢戚起嘴角奸笑。
“珠女識佢男朋友無耐，佢哋未一齊過架，你明啦！”
我細細聲同佢講。
“哈哈，原來嚟澳門搞嘢！”
“你好核突呀！快啲放抵啲嘢，費事要珠女等。”
出房前我對住個鏡，照吓左邊，照吓右邊，整理吓啲衫褲，不期然掃吓露咗喺件tee外面嘅小腹，感受吓近來有無肥到。
Van仔就一派我急佢唔急嘅模樣，淨係企喺度，眼都唔眨咁望住我，似乎仲係研究緊我著咩under。