野性呼喚: 第五十章 ： 偷聽珠女調情
“睇夠未呀？行啦！”
Van仔嘅目光雖然直接啲，好容易令人尷尬，但佢眼神好真誠，直頭話俾你知好欣賞，身為被欣賞者，會好高興，好開心，值得俾佢睇。
我哋喺大堂等咗十幾分鐘，仲未見珠女佢哋。
“係咪呀，我都話佢哋無咁快啦，可能佢哋仲喺鋪床上面呀！哈哈….”
Van仔懶有先見之明，加上啲咸濕假設，佢更加眉飛色舞。
“唔一定啦，你估個個都好似你咁咩！不如你幫手睇吓個牛雜檔喺邊啦！”
珠女喺本澳門指南貼滿label紙，mark低晒佢想去邊，食乜嘢，跟住就交個責任俾我，由我去編排行程。
我出外面玩，行程都係由男友設計，編排，今次自己落手落腳去做，係有啲唔慣，有啲混亂。
未知珠女幾時先出現，無謂浪費時間，就叫van仔幫手搵吓舖頭喺邊度，等佢唔使無嘢做，胡思亂想。
“幫手搵吓牛雜檔喺邊度？”
“車，牛雜之馬，搵唔到咪算囉，香港大把啦！”
“哈哈，呢檔牛雜好特別架，珠女同佢男朋友都話一定要食呀！”
Van仔成日心諗住、口講住男女性器官，竟然唔知道澳門呢檔牛雜出名係咩。
“哈哈，呢檔牛雜有牛鞭，同埋牛波子！”
我喺佢耳邊細細聲咁講，牛鞭我固然知係乜，但係牛波子，其實我唔清楚係乜嘢嚟嘅，只不過指南咁寫，我就咁講。
“哈哈，原來係咁！珠女今晚人鞭都有得食啦，仲駛食牛鞭咩，哈哈！”
佢明明笑緊珠女，我竟然會面紅起上嚟。
“唔該你唔好咁核突啦，哈哈！”
我忍唔住笑。
“唔駛等今晚，珠女可能依家已經食緊！不如我同你輸賭？”
“輸賭咩？”
“輸賭佢哋要幾耐先落到嚟，同埋有無搞嘢！”
“即係點？”
“睇佢哋半個鐘頭內落唔落到嚟，落唔到，即係佢哋搞緊嘢！”
“車，唔俾珠女肚痛，要去廁所，遲咗落嚟！”
“咁又係，快唔代表無搞過，或者珠女條仔早洩呢，哈哈….”
“喂呀，你好衰呀！”
“哈哈，我同你賭一餐酒吧，我輸就請你飲到你話唔飲為止，你輸就陪我飲一杯！”
同van仔抝緊珠女遲咗落嚟嘅原因，抝拗吓，主人翁珠女同佢男友就落到大堂，遲咗差唔多半個鐘。
我見人齊，無謂再問珠女點解遲落嚟，開始出去掃街。
珠女plan咗食乳豬飯，牛雜、葡撻同埋糖水。
“嘩！今日好日呀，咁多人嘅？”
“喂，大鄉里，尋日同今日係澳門賽車呀，咪咁多人囉！”
今日澳門剛剛完成咗一年一度嘅賽車，隔離左右嘅人，話題都係同賽車有關，好多男人仲高談闊論緊啲賽車女郎添。
“細C，你今日著得咁性感，身材又好，不如出年你都去做車模，玩吓啦！”
估唔到珠女男友阿生竟然無失驚無神爆咗一句。
“人哋細C有大大個男朋友，要讚都係人哋男朋友讚，唔輪到你讚呀！”
點知聽者有耳，珠女好唔開心，鬧完佢男友之後，即刻擰側身背住佢。
食完飯，離開間餐廳，珠女就繞住我手臂，特登行快幾步，佢男友就一路跟到實，又唔敢叫番珠女，但又唔敢墮後，唔知點咁。
“珠女，阿生無心嘅，唔好咁小嚣啦！”
“佢呀，好學唔學，學埋嗰個死Van仔，喺碼頭開始，兩個巳經偷偷望住你，咸咸濕濕咁。”
“你哋一心過嚟玩，你唔理佢咩？如果係嘅，今晚你返過嚟瞓啦！”
“嗯⋯⋯我又無話唔理佢，不過我係佢女朋友，佢未曾同我咩，就成日睇第二啲女仔，今晚我俾咗佢，佢以後仲會愛我咩？！”
珠女咁講，我即刻記起van仔猜測。
“哈哈，正話你哋無乜嘢咩？”
我同珠女confirm。
“無呀！”
珠女好細聲同我講。
“咁你哋咁遲先落嚟！”
“又係佢囉，明知夠晒鐘，仲係都要摸身摸勢！”
於是我藉口話要google個牛雜檔喺邊，質番珠女俾阿生，等佢哋喺番埋一齊。
珠女無繞住我，開心唔止阿生，仲有van仔，佢見我睇吓本指南，又喺手機google，佢即刻走埋嚟，幫我手揸住本指南。
我哋兜咗幾個圈，唔知檔牛雜無開檔定係點，始終都搵唔到。
“食到咁飽，牛雜唔食就罷就啦。！”
Van仔開始唔耐煩。
“唔制呀，我要食，我要食呀！”
珠女詐阿生嬌。
“珠女，算啦，食唔到牛鞭，今晚叫你條仔請你食人鞭囉。哈哈…”
珠女同阿生耍花槍，本來唔關van仔事，但係佢好鍾意玩珠女，而加阿生喺度，佢更加變本加厲。
“死van仔，賤格，刻人憎！”
珠女面都紅晒，追住van仔嚟打。
佢哋喺度玩緊，我見到一個睇嚟好似老街坊嘅阿伯，問吓佢先知道檔牛雜已經收咗檔。
無法啦，大隊人改去食糖水。
“細C你一定要食雙皮奶呀！保養好個身材，等啲唔等駛嘅人見到流晒口水呀！”
一坐落，珠女還擊van仔。
“哈哈，細C食一碗，珠女你要食兩碗！”
Van仔一向認為珠女唔夠佢口才，而加珠女挑釁佢，van仔一定唔想輸俾珠女。
Van仔窒完珠女，佢竟然望住我，眼神好奇怪，好堅定，我直覺佢係同我講，話俾我知，今晚佢同我，再唔係三唔識七，唔再係唔等駛，我開始緊張。
“咩呀，點解要食兩碗？”
“哈哈，珠女，你廟細燈籠大丫麻！”
“咩廟細燈籠大呀？你實係講衰嘢啦，衰人！”
“你今晚返房，你條仔會慢慢同你講係咩，記住叫佢同你抹靚對燈籠呀！哈哈….”
全部人都唔知咩係「廟細燈籠大」，只有van仔自顧自喺度笑，但係大家唔知佢笑乜。
“食完糖水去賭場行吓？”
我驚珠女同van仔由講笑變成嗌交，橫掂時間仲早，提議入賭場行吓。
不過珠女話佢哋唔賭錢，兼夾好攰，想返酒店。
⋯⋯⋯⋯
“我問過珠女喇，哈哈…，無喎，佢哋無咩過喎！”
“如果無嘅，願賭服輸，我請飲酒囉！不過佢哋喺房咁耐，我唔信乜都無發生。”
“唔係乜都無發生，不過無你所講嘅嘢發生啫。”
“我講過咩呀？哈哈…我唔記得喎！”
“喂呀，你唔好咁無賴呀，你話咩嗰啲搞嘢囉！”
“咁你想去邊間酒吧？我唔係賴數，只係想知道佢哋就算唔係搞嘢，咁佢哋喺房做過乜，等我輸得心服丫！”
其實我唔係想同van仔計較輸贏，只不過想俾佢知，唔係所有人都好似佢咁。
既然唔入賭場，又唔去酒吧，我哋四圍行吓，睇吓澳門嘅夜晚景色。
一路行，van仔唔停咁纏住問珠女喺房嘅事，我唯有講少少無關重要嘅俾佢知，不過都叮囑佢唔可又對仼何人轉述。
“嗱，呢啲係珠女私隱，你聽過就算，半句都唔准講呀！”
我哋漫無目的咁行，今日貧撲咗一日，加上澳門成街都係人，感覺到有啲喧鬧，所以一見到人少嘅、僻靜嘅街、巷就轉入去。
“怕唔怕？”
Van仔驚我怕點，好幾次想拖住我，但每次我都避開。
“少少啦！”
我意識係唔想嗰晚嘅事再發生，但係客觀條件係我對van仔有好感，而加同佢手臂貼住手臂，喺咁幽暗嘅環境散步，變成培養今晚相處嘅情緒。
“咁返去啦，好唔好？”
“我想行多陣。”
我有啲恐懼，怕返到酒店會同van仔單獨共處一室，我怕自己應付唔到，想喺街上面沉澱自己思想，拖延得一陣得一陣。
Van仔再次伸隻手過嚟，今次我讓步，用手指尾勾著佢手指尾。
一面踱步，我問吓佢自己創業嘅進展，Gigi近況呢啲不著邊際嘅嘢。
“咁你幾時結婚呀？。”
“你好想我快啲結婚咩，吓？”
我同男友有個約定，我哋結婚嘅條件越嚟越成熟，但我亦開始恐懼。
我同佢突然無唔知講乜好，大家都無再出聲。
“喂呀，有粥賣呀，我想食呀！”
無幾耐，見到轉角有檔生滾粥，新鮮熱辣，想試吓，同時搵啲嘢做吓嚟打破呢個沉默疆局。
“我唔係好肚餓，叫一碗兩個人食，好唔好？”
“你食先啦，食得幾多得幾多，食剩我包底！”
“唔好啦，我食剩先俾你唔好嘅，一齊食啦！”
我哋想要多隻匙羹，但係老闆嫌我哋幫襯得少，一直唔睬我哋。
我怕van仔火爆，又同人嘈交，情願大家share隻匙羹嚟用。
“你鍾唔鍾意食豬潤架？”
“嗱，剩一半俾你！”
得一隻匙羹，我咬咗半片，遞剩低半嗰半片埋佢口。
我哋逛咗個幾鐘頭，van仔怕熱，要返酒店。
呢一刻，佢拖住我，點都唔肯放手。
“喂呀，我瞓呢張，你瞓嗰張！”
無論喺男友屋企，或者喺出面玩，男友一定瞓靠近窗口嘅一邊，佢嘅理由係佢保護住我。
我唔想俾van仔保護，就揀靠窗邊嗰張床。
勞碌咗一日，我第一時間跳上張床休息。
Van仔巡視成間房。
“細C，你入嚟，快啲！”
佢突然喺浴室裡面叫我，好細聲，但好急速。
“聽吓！”
我走到入浴室見到van仔奸笑我陰陰笑。
好清楚聽到珠女同阿生喺隔離間浴室傳過嚟嘅聲。
“珠女，你對波好大呀！”
“嗯…呀..！”
聽到珠女咿咿呀呀咁。
“幫我含吓丫！”
我聽到面都紅埋，環顧間浴室，係用清玻璃間成企缸，磨沙玻璃浴室門，又無門鎖。
呢種情侶房間設計，更加今到人心猿意馬。
“唔好啦，咁肉酸！”
“你話過到澳門幫我含嘅，你睇我硬晒啦，幫我含吓啦！”
珠女佢哋情慾對話又響起。
“唔好再偷聽呀！”
我驚俾珠女聽到，細聲同van仔講，一面出力推佢出浴室。
我用盡力推佢，推極佢都唔肯離開。
我決定攬住佢條腰，個頭頂住佢，借成個人嘅力推佢。
Van仔亦都乘機攬我，兩個人你推我擁。
睇上嚟我係將van仔推出浴室，但實際上我最清楚，借力嘅係van仔，佢借我推佢嘅力，順勢將我拉埋床，攬住我一齊跌落床上面。