野性呼喚: 第四十八章 ：拍拖嘅感覺
呢兩個星期，除咗Gigi休息，幾乎每晚放咗工都同van仔行街，睇戲，食晚飯。
佢好識得攪氣氛，尤其係我男友飛走後，頭嗰幾日，佢見我情緒比較低落，就不停咁講吓笑話，扮吓小丑，總之令到我笑為止。
接住落嚟傾就開始放肆，笑話夾雜好多色情，仲不時借啲意拖吓我，不過算啦，佢肯陪我，大家輕鬆吓，無謂咁執著啦。
有一晚送返到屋企樓下，突然間接到男友電話，正準備入𨋢，返上屋企再覆佢。
“我哋好似偷情咁，刺唔刺激呢？哈哈…”
van仔半真半咁講。
“刺你個頭呀？哈哈…拜拜！”
佢可能係講笑，但正正拮中我嘅死穴，我苦笑嚟掩飾自己嘅虛怯。
男友通知我佢老闆臨時俾咗佢一個新任務，雖然係一個好艱難嘅工作，但係佢唔駛逗留喺歐洲咁耐，接個tough job都值得，嚟緊呢個星期佢會飛返嚟，休息一兩日先再飛走。
本來一個好消息，但係俾van仔一句說話，搞到我同男友傾偈嗰時都好歉疚。
"做咩唔開心，無事嘛？！"
“無嘢呀！”
我已經忍唔住飲泣起上嚟。
“發生咗咩事？！唔好喊，有咩唔開心，講出嚟舒服啲。”
男友好緊張，即刻轉咗用視頻通話。
“我呢兩星期好掛住你，你咁緊張我，我開心啫！”
呢十幾日，同van仔食飯、睇戲、散步，大家有講有笑，佢好識𠱁我，感覺好甜蜜，雖然我哋手都好少拖，但係好似初戀，好似我同男友初相識，互相試探對方，有啲幻得幻失嘅感覺。
呢啲係我想搵翻，重新感受過嘅感覺。
上天係咪知道我走歪咗，唔想我泥足深陷，安排男友返嚟，俾我一個當頭棒喝呢？
我好想同男友坦白，不過我無勇氣咁做，我相信佢會原諒我，但係更怕佢原諒我後，我會再一次對佢唔住。
不過我正話都唔係同佢講大話，呢兩個星期我真係好想佢。
倒返轉頭，男友安慰咗我一輪先收線。
......................................
“喂呀，你臨走時嗰句說話係咩意思呀？”
我內心安靜唔到，臨瞓前都what’s app van仔。
“講完電話？咁緊張我講嗰句說話嘅？”
“講完好耐。我諗諗吓唔知你有咩意思囉。”
“無呀，我講笑啫”
“係咪我同你親熱過，又同你咩過，你覺得我好淫蕩？”
“唔係呀，我真係好想溝你架！唔通你睇唔到？”
“我知道，我講過你唔會有結果，咁落去對你唔公平！”
“我都講過好多次，我對你無奢求，淨係想同你一齊。”
“我以為你淨係想同我上床，你達到目的之後，估唔到你對我仲會咁好！”
我感激van仔好珍惜我，無論咩時刻，只要我叫到，佢一定嚟陪我。
“你唔同其他啲女，我係鍾意你，你唔信啫。”
“我唔知點做好！”
“唔好諗咁多，我問你，同我一齊開唔開心？”
“嗯…….開心嘅。”
“你開心，我開心，咁咪得囉，聽我話，唔好亂咁諗嘢！”
“嗯。”
“正話同條仔講咩？”
“都係傾吓偈，無咩特別呀。”
“以為佢會同你談吓情添。”
“少少囉。”
“你知唔知，我諗起你同你條仔一齊，我個心會有啲唔舒服！”
“你唔好咁啦，你都有Gigi啦！嗰晚我夠親眼睇著你同佢咩啦！”
“嗰晚你睇著我哋，你係咪好興奮？”
“嗯….有少少…..不過係好少，好少，我反為……”
“反為咩？”
“無嘢呀。”
“唔會無嘢嘅，講啦！”
“嗯……有…少少呷醋囉！”
“呷醋我錫Gigi嗰時？定係呷醋我屌佢？定係呷醋我同佢玩咁多花式？”
“唔知呀，我唔識點講！”
“上次我唔算數，你俾機會我丫，我一定會令到你真心咁同我上一次床，唔係第二個人嘅替身。”
“你唔好咁啦，我唔鍾意你講得咁核突呀！”
“你鍾意人講真心話，我依家就係講真心話俾你聽！”
“我依家個心好亂呀，我諗順其自然啦，我要瞓喇！”
男友臨時改變行程，失望嘅係van仔，佢以為有成個月做我臨時男友，點知事與願違。
Van仔跟住又講佢嘅色情幻想。
佢幻想我男友好急色，有返到嚟就急不及待同我上床。
“你成日咁諗我同佢，佢無你咁猴急呀！”
我對van仔講咸濕嘢已經麻木咗，由得佢講，唔俾反應，等佢自己停止，係對付佢最好嘅方法。
Van仔陪咗我兩個星期，我擔心佢冷落咗Gigi，我勸過佢，如果唔喜歡Gigi，就早啲同佢講，唔好拖住人哋，如果喜歡佢，就多啲陪佢，可惜佢不置可否，無表示喜唔喜歡佢。
諗翻吓，自己好偽善，霸住咗van仔咁多日，又話擔心佢冷落Gigi。
好彩佢肯聽我勸，過咗幾日Van仔話我知，佢同Gigi去海洋公園玩咗一日，Gigi好開心，真係當正係佢老婆，好細心服侍佢。
佢仲話嗰晚，佢喺床上盡力滿足Gigi嚟報答佢。
照van仔所講，佢同Gigi應該係兩情相悅啦。
對van仔同Gigi，我無乜資格俾意見，喺Gigi心目中，我多多少少阻礙佢同van仔發展，難聽啲我係佢哋之間嘅第三者囉。
我雖然想極力抑壓自己嘅野性，但係喺呢一刻，我未捨得放低Van仔，自己喺度內心抖纏。