《雖然枝奶變壞但沒關係》: 第三集-師奶，娥要進來了！

冇見一個禮拜嘅娥屋企冇晒奶，娥喺屋企睇緊電視。
-
「痕遲123456」冇車牌嘅娥睇到想買嚟揸，可惜地「此款型號房車暫時還未在香港發售」。難怪每15分鐘賣一次告白啦，係娥望梅止渴嘅好辦法。
-
娥很喜歡但娥很厭煩，娥直接打去電視台投訴。可能娥冇成為迫迫店會員冇買有毒西洋菜，電視台回覆態度惡劣。
-
「Ching小姐*，明白嘅唔好睇ㄒ\/|3囉，Quit ㄒ\/|3囉。你成日都會見到痕遲㗎btw，因為痕遲有好多budget喺度賣廣告btw。Ching小姐我俾一個建議你，唔鍾意quit咗ㄒ\/|3佢得唔得o唔ok？」
-
娥深深不忿，化悲憤為力量，落街買奶！娥今次有戴口罩喇，係上次偷靜香哈蜜瓜奶counter嗰啲！喺英皇道路邊行走嘅佢煞氣重重，天后鯖魚名不虛傳。隔咗一個禮拜，街上面啲人睇嚟唔認得佢，但係超級市場嘅花生師奶有冇印象呢？
-




疫情嚴峻，入超市前要排隊量體溫。反社會人格嘅娥排咗一陣開始唔耐煩行前去理論。
-
「我冇病，俾我入。」娥拉拉自己口罩，「你認得我㗎啦？Miss Ching喎。」
-
喺超級市場揀緊生果嘅師奶，再次與娥見面。娥焦急嘅動作荒死入唔到去咁，師奶即刻行去西海道5.5靜香哈蜜瓜奶counter掃定幾枝奶先，巧合地今日又係吳彤返工。
-
「我份人就最中立嘅，我嚴厲譴責別有用心之徒唯恐天下不亂，嗰隻娥又出嚟搞事。」師奶邊拎奶邊講。
-
1分鐘後......
-




「娥要進來了！」
-
娥推架購物車，180° U-turn俾着佢揸MTR應該出咗軌。飄個靚移，娥到咗奶嘅counter。
-
吳彤：「Miss Ching，今次買咩奶啊？」
-
娥：「你上次話有薑濤奶嘅？我驚辣親啲狗喎。不過見個名咁有明星相，我買幾枝飲啦。嗰個姜B啊，我OK㗎！」
-
吳彤：「多謝晒Miss Ching！」
-




娥：「叫我天后鯖魚得喇。」
-
娥買完奶，分別係4枝靜香哈密瓜奶同2枝薑濤奶。今日都冇特別嘅！娥今日低調啊，事關見到靚仔經理怕醜仔。經理喺買奶嘅counter隔離盤點緊啲貨，唔通連啲仔女管唔到個阿媽，超市經理反而搞得掂？
-
娥買完奶行返屋企，唔敢再上柏架山飲奶。天氣咁熱行快啲返屋企，驚啲奶變壞（佢有關係㗎，真金白眼買返嚟）。講就咁講啫，佢行過一間衣紙舖停喺度。「痕遲7輕便版」。入門價只係$400大元，此款型號房車已在香港發售！呸呸呸，娥嗰頭都未近，中環Carrie可能等使啲！
-
佢同衣紙舖老闆寒喧幾句，買咗筒香就大汗淋漓。「焫焫焫焫焫焫著！」娥開咗枝哈密瓜奶解渴。香甜嘅哈密瓜味，軟熟嘅果肉......
-
「啊！」娥唔小心咬甩咗自己隻牙，「恆齒1」已在娥小時候出現。娥即刻擰返埋枝奶，拎包紙巾止血......
-
「諗住你今日去買奶咋嘛！做乜又搞成咁？」
-
娥嘅仔女深切問候佢。
-
「冇理由㗎冇理由㗎，我應該眼花，佢去咗台灣拍嘢㗎！我啱啱唔會見到姜B㗎！」-娥




-
註³Ching小姐是娥自稱，來自「天后鯖魚」的「鯖」（cing1）。
-
（待續 To be continued）

IG：chingchingstory