《雖然枝奶變壞但沒關係》: 第二集-柏架山飲奶記
儘管經理有幾韓仔feel，反社會人格嘅娥淨係要嘅就係奶。以娥嘅邏輯嚟講，唔戴口罩入去買奶第二日戴返咪OK囉。好似早餐晏晝唔俾堂食咁，過兩日若無其事變返可以堂食就得，自己就喺office嘆茶。
-
娥最鍾意我行我素，喺雪櫃自己攞奶仲擸埋要買一箱先送嘅口罩。佢唔係唔戴口罩㗎咩？娥話唔戴啫，佢冇話唔擺喺屋企吖嘛。
-
「小小小姐.....」吳彤追住出去已經唔見娥蹤影。經理只好刻😅嘅emoji喺面度，同時問吳彤冇咗幾多枝奶。
-
「Total六枝奶，但係尋日到期嘅。」吳彤無言，「唯有多謝佢冇浪費飲品啦。」
-
「超級市場出售過期產品？」吳彤好驚第日見到A1嘅slogan係呢句，疫症下飯碗不保。不過吳彤今次真係要衷心感謝班花生友師奶，娥唔戴口罩偷奶嘅片段成功喺social media瘋傳，「天后鯖魚」一term瞬間成為搜尋榜第一。有人comment好抵死，「落咗去咪唔使戴囉」，有句突破盲腸：「佢咁似中環Carrie*嘅。」中環Carrie同樣係反社會人格，多次咒罵喺巴士唔坐關愛座嘅年青人。
-
（以下內容極度離地）
-
雖然娥住喺天后，但佢唔返屋企。知唔知最近天后嘅山喺邊？唔係炮台山，係柏架山，我講望到維港嗰個山。娥話「你哋班嘢郁啲就話喺街食嘢好辛苦，我就上山飲奶！」。唔明佢講咩證明你腦部正常。
-
娥以前睇某台星期日影院，會見到有幾隻馬騮搶住飲綠茶。娥就會諗對面馬騮山有馬騮，柏架山冇理由冇嘅。娥一路跳一路行，有枝奶擰唔實，漏奶！唔緊要，最緊要有馬騮。
-
「有馬騮啊有馬騮啊啊啊啊啊啊！好開心啊！唔一定綠茶，奶都得㗎！」六隻馬騮嚟搶咗娥個袋、全部奶。娥就話影張相先，「我天后鯖魚幾受馬騮歡迎！」學填海華話齋：繼續吹。結果，娥部電話都俾馬騮沒收。至於六隻馬騮違反限聚令，睇埋落去啦，佢哋有特權㗎。
-
娥喺自己嘅夢鄉見到馬騮，事實上係警察。話說班警察冇嘢搵嘢嚟做去柏架山捉人行山違反限聚令同唔戴口罩，就見到娥行緊上嚟所以捉住佢。至於點解搶晒佢啲奶，口渴囉，冇燉湯潤冰喉啊。娥仲諗住同阿Sir自拍，擺明玩緊花式自殺。
-
娥激烈反抗，被指襲警。佢被鎖上手銬押上警車。「Yeah，好開心啊！第一次坐，最緊要唔使我行返落山出晒汗！」枝奶仲未漏完，400 mL靜香哈密瓜奶猶如流星更改方向，讓你-娥，戀上。
-
冇辦法，啲仔女又唔忍心放棄阿媽（其實好想）去咗保釋佢。全程零眼神接觸，娥睇嚟唔想走，諗住可以喺警察canteen食嘢㗎嘛。
-
第二日，天后鯖魚大駕光臨超市。天后鯖魚有戴「口罩」，係阿婆底褲！唔係政府口罩，係真係一條杏色底褲！娥嘅前瞻性我哋要學識欣賞，至少佢有「罩」住塊面啊。娥行到靜香哈蜜瓜奶嘅counter，吳彤亦喺度sell緊奶。
-
「呢度五嚿水，尋日嘅事當冇發生過，反正個個都知。」有啲矛盾？？？？
-
吳彤趁機sell奶：「小姐，有冇興趣試埋薑濤奶？如果寒涼飲嘅話會好舒服！」
-
「俾一打我返去餵狗！」娥講。今日一班花生師奶又有話題嚕。
-
註²中環Carrie反社會人格患者，每隔兩月出現Utube熱門第一名。
-
（待續 To be continued）
IG：chingchingstory