大鑊啦今次!我坐錯船去左人妖島: 08. 過去

08. 過去

​我以前一直都以為我既性取向係正常，不過不知不覺間發現我鐘意既係你，我忍，忍左好多年，但係都忍唔住要同你講。

「性別真係咁重要咩!我地唔應該比性別限制住架!」自從講左呢句野之後，我好後悔。係果日夜晚我不斷搵你，用短訊同你講對唔住，就算一齊唔倒，都想做返朋友之類，但係你完全無回覆我，打比你都係唔聽，一夜之間我既世界由充滿色彩既世界變成得返黑白灰呢三種色，因為唯一了解我既人唔再理我。

我成個夜晚都無訓，雖然我知道已經返唔倒轉頭，但我成晚都依然係等緊你既回覆，不過你依然無覆我。去到朝早，我係呢個黑白灰既世界度走，完全無目的咁行，唔知行左幾耐，我行到海邊，我諗倒無諗就跳左落去。

係海好深我前面係一片白光，後面係一片黑，咩都睇唔倒，而我不斷向黑果邊落去，我好快就呼吸唔倒，好痛苦，本身跳落黎我想咁樣就咁死左去，但係我，我突然間發現一件事，就係唔想死，我係海度不斷咁掙扎想游返上去，但係已經太遲，我無哂氣力，就咁被迫吸入海底度，慢慢咁失去意息。





---------------------------------------------------------------------------------------------------------------------------------------------------------------------

當我醒返之後，本黎我以為我去左死後既世界，但係我好快就無左咩個諗法，因為我起身既地方係岸邊。唔知係有人救左我，定係比海水沖返黎岸邊，我傷心到想離開呢個世界，但係又好怕死，哈哈，真係好矛盾。

當我企返起身既時候，我發現我手上面有一粒種子。種子既大小大約比乒乓球細一半，上面有D奇怪既凹凸花紋，但係我覺得完全比呢粒種子吸引我既目光，我想望去第二度都做唔倒，我可以做既只係望住粒種子。

突然間我覺得我好似有好多日無食過野咁，眼前又有粒種子，我忍唔住將成粒種子食左落肚。幾秒之後，我覺得全身好痛，果種痛一時又好似全身比人一下一下咁撕裂咁，一時又好似比成千上萬既針針緊，我痛到生不如死。

過左唔知幾耐，果種痛既感覺終於消失左。我發現我自己身上面出現左變化，我發現我有能力可以做多一個世界出黎，就好似我出世就有呢種能力咁，只係我從來無用過咁。我無去諗發生咩事，我呢家諗既係，我終於可以做一個我想要既世界出黎。