大鑊啦今次!我坐錯船去左人妖島: 09. 黃昏時段

09. 黃昏時段

醒返之後，我發現自己訓左係船既甲版上面，我望下船外面，發現船已經離開左人妖島幾十米左右，人妖島用好快既速度自動解體緊，我跑去控制室搵帽褸男。一打開控制室既門，我見倒地上面都係鮮血，係控制位上面就係帽褸男，睇黎佢既傷好重，佢依然係度控制緊架船，無留意倒我既存在，如果我呢家要為左卡嘩伊報仇，好可能會成功。

我已經知道我識果個朋友已經唔係度，剩低既只係為左欲望，亂咁用能力既人，所以我覺得帽褸男了結左佢可能先係最好既決定，所以我完全無諗住為左報仇而殺死帽褸男。

「人妖島做咩係度解體咁既?」

帽褸男轉頭望一望我，跟住就繼續控制架船「因為種子比我拎左。」我無再問落去，因為我知道(種子應該就係令到佢變成咁)呢個原因就夠，之後我地就無再交流，我只係坐係旁邊望住船前面。突然，船震得好勁，我見倒前面係一個好大黑洞。





「咩事?!」

「呢家要衝入去!!」

「吓!?咩話!?」

「我話衝入去就返倒去原本既世界!」

-------------------------------------------------------------------------------------------





衝入黑洞之後，入面係一條黑色既通道，船越震越勁，不過架船完全無爛，就好似專為過呢條通道而造出黎咁。碰啪!我眼見旁邊既帽褸男比人一野捉住條頸，撞落地上面。我一望過去眼前果個係...波子!

「仲唔比我捉倒你，我要殺死你!跟住我只要拎倒果粒種子，我就係下任人妖王啦!哦呵呵呵呵!」睇黎波子已經完全失哂常，我見帽褸男好似失去左意息，我就跑上前想救佢，但係波子力量奇大，佢一手就撞開我。我比佢撞飛去附近既牆邊，係我身上跌左一把木飛鏢出黎，原來我仲有一枝。我眼見波子係帽褸男身上拎左粒種子出黎之後就係咁狂打暈左既帽褸男，我拎起地上面既木飛鏢，慢慢咁接近波子背後，我一野插落去佢頸度。「嗚...」佢想叫都叫唔倒就訓左落地上面。

因為我受左重傷，我半跪係地上面，帽褸男呢個時候醒返，佢好似完全無受傷咁，佢起身汁返粒種子收返入褲袋度，跟住走去我面前，用一個奇怪既眼神望一望我，呢個眼神帶D傷感，佢係另一邊褲袋拎左樣野，放落我手度，佢無講D咩就行返去控制架船。我坐係地上面，動都動唔倒，突然間我有種強烈既想訓教既感覺，就好似我岩岩黎呢個島果時咁，之後我就訓著左。

-------------------------------------------------------------------------------------------

我感覺倒臉上面有D暖意，我大大力打開眼，強烈既紅光照入我隻眼度，強光令到我只可以瞇起眼。過一陣我終於可以正常咁睇野，我見倒個太陽落緊山，仲發現我呢家係中環碼頭，我身上完全無傷，身形變返正常，身上著既衫係我原本既衫，我既背包仲係度，我心想之前既事全部都係夢。不過我好快就打消呢個念頭，因為我手上面係帽褸男放係我手上既野，呢樣野係我同以前既一個朋友影既一張相，我忍唔住喊出黎大叫。

「嗚嗚!!!!!!」

呢個時候我感覺倒褲袋既電話震一震，我拎起電話一睇。

[喂，你痾屎洗唔洗痾成個鐘呀，你個女神KARY都黎左長洲呀，你唔黎就算!]

我抺走眼淚，背起背包，向往長洲既尾班船行去。

<<大鑊啦今次!我坐錯船去左人妖島>> 完