大鑊啦今次!我坐錯船去左人妖島: 07. 永遠的朋友

07.永遠的朋友

帽褸男突然成個人消失左，之後卡嘩伊向一邊跳開，跳開左之後，佢左手出左條少少既血痕。跟住帽褸男就企左係佢原本企果個位度，地上面仲出現左一條裂痕。卡嘩伊完全無比帽褸男既實力嚇親，佢終於主動進攻，擺出一個鬼爪手既架勢，之後佢都消失左，半秒左右，佢就係帽褸男面前出現，係咁狂出爪，出爪既速度快到見倒好多手既殘影，帽褸男仲神，佢變成無數既殘影係度閃避佢既淫爪。

閃避之間，帽褸男用刀向前橫砍，卡嘩伊即刻收手向後一跳，跟住帽褸男又再丟幾枝木飛鏢出黎，但係睇黎同一招對卡嘩伊無咩用，佢用奇快既爪功接住哂全部木飛鏢。「嘻嘻，你呢招已經比我睇穿左啦，唔會再對我有用。」

係旁邊睇既我，忍唔住講左句「哇，閃黎閃去，咁似龍珠打鬥既。仲有岩岩果句咁似聖鬥...」

「仲睇，快D去搶船啦，HI你!」帽褸男好唔耐煩咁對我講，跟住順手丟幾枝木飛鏢去卡嘩伊度。我趁機忍住傷痛向船果邊跑去。





「想走!?」卡嘩伊已經係我背後出現，佢既淫爪，差1CM就爪中我。但係佢又即刻縮返手，跟住我聽倒一聲巨響，我眼見背後既地下出現左一條裂痕，而帽褸男就企左係旁邊。「我呢家就要你死!」卡嘩伊成塊面紅哂，青根露哂出黎，睇黎佢好火爆。

我跑到船旁邊，解開船連接岸邊果條繩，跟住就上船。

----------------------------------------------------------------------------------------

我推測呢架應該係我之前黎人妖島坐果架船，我經過船長室一睇，入面又係果本HEHE書。跟住我就跑去搵控制室，其間成隻船都無人妖敵人，我好快就到左控制室，我照住帽褸男之前咁教，開哂入面D機器。因為佢無教我點控制架船，可能係怕我掉低佢走人，我跑出去甲版度大叫「準備好啦，快D上黎!」

我跑去船既欄杆旁邊望出去，只見帽褸男喘哂氣，左手有幾條粗粗既血痕，鮮紅既血仲係度係咁流落地下，佢右手依然舉起刀對住卡嘩伊，相反卡嘩伊無喘氣，身上完全無傷，擺出一個好奸既笑容。佢地兩個都係擺起戰鬥架勢，但係動都無動，就好似我以前係電視睇果D，高手過招咁。





「嘻嘻!雖然唔知你點入倒黎人妖島，不過你好快就會死係度!」一講完，卡嘩伊就先發動攻勢，佢舉起右手衝過去帽褸男度。帽褸男完全無動，只見爪就快刺穿佢肚果時，佢輕輕咁一移，爪只係剌穿左佢腰邊，跟住卡嘩伊想收返隻手果時，估都估唔倒，佢即刻用左手捉住卡嘩伊隻手，右手一揮。

「嗚哇哇哇哇!HI你你你你你你你你!!!我隻!我隻手呀!」卡嘩伊成隻右手比人砍左落黎，佢右手D血好似噴泉咁係咁噴出黎，同時佢右手用好快既速度再生緊。不過帽褸男完全唔留手，係呢個時候再補刀，一野砍落卡嘩伊度。卡嘩伊忍痛向後跳，但係都係中刀，身上面又多出左一條好深既血痕，卡嘩伊半跪係地上面。

眼見帽褸男舉刀想砍死佢，我跑落船大叫左句野出黎「唔好殺佢!佢係我好朋友黎!」

「佢已經唔係你以前識果個人。」帽褸男再次舉刀想砍落去。

我邊跑過去邊諗返起以前既卡嘩伊，我地一齊去玩、溝女、追唔倒就一齊飲酒、逃學...一生人好難搵倒個咁好既知己，或者當初我拒絕佢之後，無完全唔理佢，佢呢家就唔會變成咁。





我跑到帽褸男面前喊住大叫「我求下你停手!就算佢變成點，都係我朋友黎!」

帽褸男停左停，之後一野推開我，我即刻大叫「停手!」不過佢無理到我，舉起刀向卡嘩伊心口一砍「好痛呀!」卡嘩伊大喊大叫。帽褸男伸手係佢心口入面拎左一粒好似種子既野出黎，之後卡嘩伊既再生就停左，好彩既係佢隻手既傷口合埋左，但係無生返隻完整既手出黎。

跟住佢一手拉起我「放開我呀!」佢捉到好實我FING唔開佢

「一粒種子，未種落田之前係唔會知好定壞，但係當知道一粒種子係壞既時候就唔會有可能變成好既種子。」講左句咁既野之後佢就一野打暈我。

我失去意識之前，聽倒後面既卡嘩伊係度大叫「點解!我明明係比神揀中既人，我無可能輸架!嗚嘔!」佢口吐血之後再講「我創造既呢個王國唔會就咁完.....」我傷心，傷心既係佢已經唔係我以前識既卡嘩伊，後悔，後悔既係我間接令到佢變成咁。