自從同Miss喺一齊，我就忽然變得好受歡迎: 第259章  中出終出事

離開去接周穎同Chloe時，我嘅心情已經平復落嚟，首先要搞清楚Chloe係咪都有咗，跟住就係向Miss Cheung同周穎交代，然後諗下除咗捐精之外，仲有咩方法可以賺多啲錢養家。
 
我專登去接咗Chloe先，然後開門見山直接問：「你係咪有咗？」
 
「係呀，你點知㗎，等我仲準備搵個特別日子先俾個驚喜你。」Chloe見我個樣唔似開心：「做咩呀？你唔想要BB咩？咁我落咗佢囉！」講完仲叉起雙手鼓埋泡腮。
 
對住Chloe呢個大小姐，我覺得自己係處於下風嘅：「唔係唔想要，而係你係咪應該同我相量下先？而且你仲叫埋Joyce學你，一時間咁多B我哋點養呢？」
 
「可以生就得喇，你唔使擔心養唔起喎，我養埋你都仲得呀。」Chloe豪氣干雲咁話。
 


其實本來我都諗住算，畢竟係我成日鍾意中出，又老定地以為啲女會做足安全措施，但係聽到Chloe當我係軟飯王咁嘅語氣，個心又有啲唔舒服。
 
Chloe見我唔出聲，以為我又唔知嬲乜，就擰歪面唔睬我，一時間車廂裡面靜晒。
 
去到接周穎時，Chloe起身坐番去後面，平時冇特別話俾邊個坐車頭，接邊個先就邊個坐，所以周穎有啲奇怪。
 
上到車，感受到車廂裡面嗰種沉重氣氛，周穎意識到我同Chloe應該嗌咗交：「你哋做咩咁嘅樣呀？Chloe你講先，係咪有啲唔識趣嘅人激嬲咗你？」
 
Chloe嬲我啫，又唔會發埋周穎脾氣：「咪個死人頭囉，人哋諗住氹佢開心，點知佢唔領情不特止，仲黑口黑面。」
 


周穎轉向我：「咁聽落係你唔啱喎，你有冇咩解釋？」
 
「我有咩好解釋？人哋大小姐嚟，我邊敢得罪佢，大小姐，對唔住喎。」我講埋啲負氣說話。
 
周穎見我少有發脾氣，擰轉頭問Chloe：「不如你話俾我聽係咩事，等我評下邊個唔啱。」
 
Chloe俾我激到有啲想喊，連周穎都唔睬，打開車窗吹風。
 
周穎見咁情況，就冇再發問，車裡面只係剩番冷氣同引擎聲。
 


去到Chloe屋企，一入大閘Chloe就話：「呢度放低我得喇。」講完就開門落車走咗。
 
我有啲無奈咁搖搖頭，褪車離開，架車上到highway，周穎終於開口：「究竟發生咩事呢？」
 
一時間我都唔知點開口，亦都唔知周穎會有咩反應，不過醜婦終須見家翁，最後我都係決定照直講：「Chloe有咗，Joyce都有咗。」
 
「係意外定係有意？」周穎神情平靜，睇唔出喜怒哀樂，平靜到令我懷疑佢知唔知我話有咗嘅意思。
 
「梗係意外喇，我冇諗過咁早生BB。」我即刻答。
 
「咁你知唔知Chloe同Joyce冇避孕？」周穎理智到好似係局外人咁。
 
「知…知地，所以我都有避忌，只係有時唔小心…」正確嚟講我係唔知邱雅琳冇避孕，亦都唔知原來真係咁容易有，唔怪得電視成日要做宣傳。
 
周穎嘆咗口氣：「咁你諗住以後點打算？唔讀書出嚟搵工養妻活兒呀？」


 
「書就一定要繼續讀，最多辛苦啲返多幾份兼職。」B就生硬，我雖然濫，但係都知道做人要負責任，況且始終都係兩…至少兩條生命。
 
周穎冇再發話，望向窗外唔知諗緊乜，表面上睇冇乜情緒波動，但係我知佢內心一定波濤洶湧，邊有人知道條仔搞大咗第二條女個肚，會當冇事發生㗎。
 
我好幾次想開口，但係都諗唔到講咩好，結果今次到我同周穎保持沉默，直到返屋企都冇再講過任何嘢。
 
入屋後周穎自己行咗返房，我覺得俾佢冷靜下都係好事，反正周穎唔似嬲，似係諗緊點處理，而我都一樣，我都想知點處理今次件事好。
 
首先都係要通知埋Miss Cheung，因為生B咁大件事，唔事先知會佢，到後嚟佢自己發現就大鑊，我冇可能可以好似上次咁又飛番去氹佢，不過如果Miss Cheung介意咁又真係「一波未平、一波又起」，今次情況好少少，因為Chloe同邱雅琳嘅存在係已知事實。
 
打咗個電話過去，Miss Cheung冇聽到，啱啱放低電話諗住轉頭再打，點知個電話突然響起。
 
一定係Miss Cheung打番俾我，我睇都冇睇就接通來電，剛想開口就聽到一把熟悉嘅男聲：「龍仔，我有件好震撼嘅事要話畀你聽，不過你要有心理準備，唔好太激動。」王小富煞有介事咁話。
 


仲有咩震撼得過我就嚟做人老豆吖：「你唔係話畀我知你就嚟結婚或者做老豆啩？」
 
「唔係我，係你呀！」王小富知道Chloe同邱雅琳嘅事？「不過你唔好激動，因為係便宜老豆。」
 
「便宜老豆？嗰兩個阿B係我㗎喎。」我不自覺反問。
 
「兩個？你點知係兩個？Miss Cheung話你知㗎。」王小富奇問：「而且得嗰6個月，點會係你㗎，你上次見Miss Cheung已經係聖誕嘅事。」
 
「Miss Cheung？你講緊咩呀，點解我哋好似唔係用緊同一種語言講嘢。」我都係啱啱知嘅事，Miss Cheung冇可能一早就知。
 
「我話Miss Cheung有咗6個月身紀，不過唔係你嘅！」王小富講嘅說話，我終於完全聽明白。
 
Miss Cheung都有咗，而且唔係我嘅！
 
咪住，王小富話Miss Cheung個B唔係我嘅，係因為佢以為我上次同Miss Cheung見面已經係聖誕嘅事，但係我復活節返咗香港氹Miss Cheung，呢件事王小富唔知，計番時間，Miss Cheung個B都有可能係我嘅。


 
王小富以為我接受唔到，所以冇出聲：「龍仔，我知你一定好難受，不過你仲咁後生，又有周穎佢哋幾個，異地戀從來都冇好結果，仲要Miss Cheung咁嘅質素，絕對有條件搵個更好嘅對象…」
 
我冇仔細聽王小富所謂開解，實則踩緊我嘅說話：「富仔，有啲嘢我想搞清楚先，遲啲再同你傾。」我收咗王小富線，Miss Cheung個B有可能係我嘅，但世事冇絕對，嗰段時期亦都係Richard話要搞Miss Cheung嘅時間點。