自從同Miss喺一齊，我就忽然變得好受歡迎: 第258章 唔尋常嘅邱雅琳
喺開學前，除咗返大學註冊嗰一日，其他時間都喺Chloe屋企渡過，當然冇再日日4P咁玩法，反正佢屋企咁大，大把嘢玩，打下網球唱下K，私人影院睇下戲咁又一日。
正式返學一切就要回復正常，Chloe入咗多倫多大學，做周穎小師妹，我讀番電腦，日日都係對住部機寫program，我發覺自己其實對電腦冇乜興趣，最叻只係上網download AV同4仔，心理學反而仲好啲，不過做人係要面對現實嘅，讀心理學返香港都唔知做乜好，電腦都叫有市場，又啱我呢亭唔識搞人際關係嘅宅男。
返番同一間大學先知道，原來周穎真係好受歡迎，人又靚、成績又好，性格仲平易近人，自從同咗我一齊，周穎對人和善咗好多，唔知係咪因為戀愛中嘅關係，以前佢係典型學霸，成日高高在上咁款，好多人都唔係咁妥佢。
而Chloe亦都唔輸蝕，一樣有一大班富二代朋友傍住出入，相比起佢哋兩個，我完全只係一個路人甲，絕對唔會有人將我同佢哋兩個拉上任何關係。
就算後嚟啲人知道咗我一腳搭兩船嘅男朋友身份，都仍然用不可置信嘅表情對待我，哼！如果你哋知道我呢兩年嘅艷遇，嗰下先真係嚇死狗。
另外我亦都去番強叔度做兼職，見到Judy會唔會尷尬？梗係唔會喇，因為佢生咗B後已經冇返舖頭，日日喺屋企湊仔，強叔仲猛話個B似我，大佬，個B唔係我，係Patrick㗎！所以話誤會唔喺一開始搞清楚，只會越嚟越大，越嚟越唔知點解釋。
新學校嘅日子就係咁喺平淡中展開，同喺Waterloo讀大學嘅最大分別，就係而家有番周穎幾個女仔、同石克隆幾個好朋友喺身邊。
喺我仲煩惱緊周穎身邊有幾多男性生物係打緊佢主意，Chloe啲富二代朋友有幾睇我唔起嘅時候，一個對我嚟講都幾震撼嘅消息，就突然間從邱雅琳口中聽到。
我記得嗰日係10月中嘅某個星期三，因為周穎同Chloe都要返學，而我咁啱又冇堂，所以就趁空檔去咗搵邱雅琳小敍。
喺做嘅時候我已經覺得有啲唔同尋常，因為谷咗幾日嘅我本來都頗為激情，但係邱雅琳就一反常態，事事親力親為，唔俾我主動衝刺，而係溫柔體貼咁服侍我。
間中體會下邱雅琳帶俾我嘅另一番風味都唔錯，所以我就任由佢想點做就點做，食下殘廢餐感覺又唔差。
風雨之後，邱雅琳挨喺我心口，忽然輕聲話：「子龍，我有啲嘢想同你講，不過你應承我唔好嬲，可唔可以呀？」
喂？咁電影情節嘅，我心裡面有啲忐忑不安，其實最近同邱雅琳做嗰陣都覺得佢怪怪咁，不其然諗起小琪，唔通邱雅琳識咗第二個？
「你對我咁好，就算發生咩事我都會原諒你，最緊要係你開心。」我揞住良心扮大方，未知咩事之前，都係保持住完美形象先。
邱雅琳抬頭望向我，眼神清澈迷人，深深凝望咗好一會，望到我有啲淆底想避開佢目光時，佢終於開口：「我有咗BB。」
哦，BB啫，等我仲以為邱雅琳要離我而去，咪住，BB喎！乜邱雅琳唔係做足安全措施㗎咩，我都冇…間中冇中出佢，點會有咗㗎！
如果呢件事發生喺我讀完書，事業有成嘅時候絕對係一件值得開香檳慶祝嘅事，但係喺呢個時間點，先唔講點養，我又點同其他女交代呢？
邱雅琳見我表情有啲陰晴不定，唔敢望向我，低頭幽幽地話：「對唔住呀，子龍，我都知你會嬲。」
「我唔係嬲，只係有啲突然，你唔係有做避孕…點解會有咗嘅？」生米已煮成熟飯，而家唔係追究嘅時候，只係都要得知番個原因㗎。
邱雅琳仍然低住頭：「因為Chloe話我哋做女人嘅，應該幫心愛男人生番個BB，就算最後留唔到喺佢身邊，都有個愛情結晶品，咁個男人先至會永遠記得我哋，所以我呢幾個月都冇避孕。」
又係Chloe搞搞震！邱雅琳咁大個人，點會聽Chloe呢啲𡃁妹點㗎？等陣，Chloe點得邱雅琳，自己冇理由唔做埋一份喎，咁咪即係…
「咁Chloe係咪都同你一樣，冇避孕？」我懷住最後一絲希望問邱雅琳，之前佢已經除咗個子宮環，不過我用冇得中出做威脅，佢都有聽話食藥。
「Chloe都冇。」邱雅琳將頭埋落我心口，迷迷糊糊咁話。
咁即係話好大可能，Chloe都有咗！我諗起電視廣告裡面聽到護士話「3個！」嗰個阿爸個震驚樣，我估我而家個樣都唔鎮靜得過佢幾多，兩條女同時有咗，好彩就話兩個，唔好彩都唔知會有幾多個，睇電視嗰陣淨係識笑，而家我先深切體會到嗰種突如其來嘅「驚」喜。
胸口感到一陣濕熱，我驚一驚，托起邱雅琳個頭，果然見佢喊緊：「傻妹，我唔係嬲你或者唔想要個BB，只係太突然，一時唔知點處理，你放心，我一定會負責任照顧你同BB，唔好喊喇，人哋話大肚婆最緊要開心，唔係肚裡面個BB feel到會踢你㗎！」出得嚟行，預咗要還，不過冇諗過咁快啫。
「我啱啱有咋嘛，如果咁快識踢我就得人驚喇。」邱雅琳聽我講完明顯放下心：「你都放心，我同BB唔會影響到你，你繼續努力讀書，等你有經濟基礎，再好好補償我哋都未遲。」
估唔到第一個幫我生B嘅女仔唔係Miss Cheung，竟然係邱雅琳！