自從同Miss喺一齊，我就忽然變得好受歡迎: 第260章 為愛而生
要證實只有一個方法，就係打俾Miss Cheung，或者調番轉，好似而家咁，Miss Cheung啱啱打嚟。
「子龍，你搵我呀？」Miss Cheung甜美嘅聲音傳嚟。
「Miss，你係咪有咗呀？」我有啲艱難咁問，啲女好似夾埋咁，突然一齊送大禮俾我。
「咦？你點知㗎？你唔好怪我唔話俾你聽，因為我唔想影響你學業。」Miss Cheung充滿歉意咁話。
咁即係話係我㗎喇，咁都好啲，不過我心裡面仲有個疑問：「但係Miss 你唔係有戴子宮環㗎咩？」宮外孕我就知啫，戴咗都懷到孕真係唔識。
「仲好講，上次去加拿大搵你，唔知係咪因為做得太多，返嚟成日覺得唔舒服，後屘睇醫生先知原來個子宮環移咗位，所以咪除咗，點知你又突然喺復活節返嚟，我又一時醒唔起未戴番，所以結果咪有咗。」Miss Cheung將一切娓娓道來。
原來係我勁得濟，射歪咗個環，所有謎底終於解開！不過仲有個問題。
「咁Miss你一個人喺香港陀住個B咪好慘，不如我返香港陪你。」我好唔理智咁話。
「咁又唔使，Miss識得照顧自己，而且過多兩個月我就放產假，到時都係喺屋企養胎，呢段時間你俾心機讀書好過喇。」Miss Cheung當然唔會同意我抌低學業。
「咁你幾時預產期，個BB出世嗰陣阿爸唔喺身邊，點都講唔通。」我退一步建議，而且喺Miss Cheung生B前，我想俾番個名份佢。
「咁呀，我出年2月預產期，到時撞正農曆新年，你抽個零禮拜時間返嚟，應該對你嘅學業唔會有太大影響。」我感覺Miss Cheung其實都想生嘅時候有我喺度。
「一於咁話，而家仲有幾個月時間俾我做準備，到時我一定可以毫無顧慮咁返去陪你，你放心喺香港等我。」我決定咗，到時返香港仲要向Miss Cheung求婚，俾佢同BB一個確實身份。
「咁好喇，我都要休息喇，有咗BB後個人成日都好易攰，雖然起身唔係好耐，而家又想再瞓。」Miss Cheung把聲聽落的確攰攰地。
只係仲有件事要話畀Miss Cheung知，呢個亦係我今次打俾佢嘅原委：「Miss，我仲有件事要話你知，Chloe同邱雅琳話俾我知，佢哋都啱啱有咗。」
Miss Cheung靜咗一陣，然後竟然罕有咁大笑起嚟：「哈哈，咁佢哋出世就唔驚悶，可以一齊成長。」
「你唔嬲咩，我一時間搞大咗咁多人個肚，但係又冇經濟能力照顧你哋。」唔通真係靠Chloe養咩，心理上唔係好接受到囉。
「我同Joyce都係成年人，既然預咗有BB，就自然會有方法應付，本來Chloe係比較要擔心嘅一個，但係以佢家底，我諗你擔心下點應付佢屋企人好過喇。」Miss Cheung細心分析：「阿Wing知唔知道我哋嘅事？你有冇同佢好好傾過？」
「除咗你嘅事未話俾周穎知，其他嘅佢都知道，不過佢好似冇乜嘢。」我回憶番周穎頭先返嚟嘅樣。
「梗係唔會冇嘢喇，我哋做女人嘅，除非唔係深愛對方，如果唔係當然會想同佢經歷人生嘅每一個階段，拍拖結婚，生兒育女，每一個重要時刻都想一齊，而家連我都有咗，剩係得番阿Wing冇，我諗佢會幾唔開心。」對於女人心事，我對Miss Cheung有絕對信心。
「咁我係咪要去睇下周穎好啲？」我俾Miss Cheung講到有啲心慌。
「當然要即刻去喇，阿Wing係好女仔，你唔好令佢傷心先得㗎。」Miss Cheung吩咐我。
我哋再互相叮囑咗一輪，先至好唔捨得咁掛斷電話。
我喺心裡面一路思考點樣講Miss Cheung嘅事俾周穎聽，一路向樓下周穎間房走去，去到門口敲咗敲門，就傳嚟周穎略為沙啞嘅聲音：「係咪子龍呀？」
「阿穎，我可唔可以入一入嚟。」我直覺周穎可能喊緊，心裡面有啲悒。
「你等陣。」隔咗一陣，周穎先打開門，臉上有明顯嘅淚痕，但係表情卻係強顏歡笑：「你有事搵我呀？」
我上前將周穎一擁入懷：「對唔住，又令到你唔開心。」
周穎用力反擁住我，將頭埋入我心口：「其實我唔應該怪你，不過我個心真係好唔舒服。」剛止住嘅淚水，又再從周穎雙眼流出。
「不如你都幫我生一個屬於我哋兩個嘅BB。」呢個係我暫時嚟講，唯一諗到嘅解決辦法。
周穎抬頭望實我，又係嗰種望到我有啲心怯，想擰歪臉嘅真誠眼神：「你係咪認真？」
我用力點點頭：「由同你一齊嘅第一日起，我就唔係同你玩玩下，我希望同你經歷人生嘅每一個階段，拍拖結婚，生兒育女，每一個重要時刻都想同你一齊渡過。」時間關係，我就地取材將Miss Cheung嘅說話重覆咗一次。
周穎聽完我嘅說話感動到邊喊邊攬住我係咁錫，跟住落嚟仲有咩好講，梗係入房用行動表示我嘅誠意，雖然今次點中出都冇可能令到周穎懷孕住。
今次搞嘢係從未有過嘅奇怪經驗，已經唔係舒唔舒服嘅問題，而係當你真心鍾意一個人，同佢做嘅時候你唔會再諗住搞咁多花臣，只係想同佢二合為一，永遠都唔再分開。
直到平伏落嚟，我哋仍然緊緊抱住對方，我見周穎一臉滿足，已經回復正常，就錫咗佢額頭一啖：「嚟緊嘅日子我哋努力啲，到時你就可以夾埋Chloe同Joyce一齊入產房。」
周穎笑到好甜，好似中咗頭獎咁開心：「好呀，咁我向Chloe佢哋打探下，點樣先可以易啲有BB。」
「你可以問埋Miss Cheung，因為佢都有咗。」我順勢將Miss Cheung嘅事講埋俾周穎知。
「咁真係唔可以放鬆，我都要快啲有BB。」周穎展現出一副考唔到第一，都要考第二...唔係，第四嘅頑強神態。