🏫 👩🏼❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.1.3 預感
我同David就熟，但同Chris就唔熟；David嘅性格就像樂觀的人馬座，而Chris嘅性格就像淡定的山羊座，但佢地都唔係呢兩個星座時間出世嘅人。Chris本身係毒L一個，佢係David喺今年陸運會識嘅。
David啱啱買左份魚蛋，而呀Chris就買左份三文治，David就坐我隔離，Chris就坐我對面。
David：你地有冇「add」Anna Yu呀？嚟緊佢出event喎！
佢一邊食一邊㩒電話，然後就打開左一個FB比我同Chris睇。
又Anna Yu，頭先返學時嗰兩個毒L提過，而家David又提。
Chris：邊度，幾時？
David：星期六晏晝兩點鐘，九展(九龍灣展覽中心)hall 3A。
David：仲有佢話夜晚會去新店New age cafe喎。
乜最近全世界都係度講New age cafe?
我：你唔係想溝佢呀嘛？
(我一眼睇穿，微笑說著。)
David：聰明，我就係想借呢個機會去Approach佢。
我：可以俾我睇下佢咩樣？
於是David遞部電話過黎。
我碌咗兩碌佢個FB profile，確定咗原來唔係星期六我見嘅嗰個。
睇完佢十幾張相，呢個女仔樣都幾清秀，皮膚白淨，下巴尖但塊面又不肥不瘦，自自然然，尤其是佢一笑起上嚟嗰時個桃花眼特別靚，整體嚟講都幾好樣；雖然個平斜陰髮型顯得佢年紀細，但佢冇果種稚氣（因為佢個眼睛冇咁圓）。
我：個樣都唔差呀。
David：同你地講呀，我起過佢底，佢係以前係呢度嘅學生黎，而加讀緊大專。
Chris：唔⋯⋯你確定佢係單身？
David：唔知㗎⋯⋯
Chris：有時唔好凈係睇件事嘅表面，你唔會相信佢得呢個FB冇分身呀嘛？
我：你可以諗下，佢做得呢啲所謂公眾人物，接觸嘅人咩都有，佢點都要保護下自己掛？
正如我對學校D人，用分身FB帳號，對住熟人先會用到真身AC，咁樣先保護到自己，相信呢條女都唔例外。
我：你而家見到嘅FB都唔知係咪真係佢真身嚟，可能只係用嚟應酬我哋啫。
我：我地呢啲局外人永遠都唔會知佢真身係咩啦，除非你真係同佢好熟好熟嗰隻。
Chris：人地做Idol，始終都係當一份工黎做，佢做idol公開見你地班fans時，態度可以好溫柔，聲線可以好甜美，但收工之後人係點，生活係點，你知㗎？
(Chris以稍慢的語速說著)
David：你啱嘅⋯⋯就好似你返學對住老師同放學對住朋友咁。
我：與其係度諗點樣溝佢，不如首先諗下溝唔溝佢好過啦！
David：Issac，你覺得而加去示愛嘅話成功機會有幾高？
我：你要預咗自己100個人爭1個位喎。
(我微笑著說)
呢點正正係點解我唔中意追呢種女仔嘅最主要原因。
呢種女仔，一望就知係嗰啲喺 FB上面開一個post就有幾百個like，幾十個comment，根本人多到你好難擠身approach佢。
先唔講佢有冇男朋友、諗唔諗住拍拖、係咪收兵、攞男人俾佢嘅存在感等等嘅問題。
佢要喺一日之內收到過百條message，一啲都唔出奇。換句話講，你send佢一條message，甚至就算真係真人識佢，你對佢嚟講可以話係萬中無一嘅存在。
你想喺呢過百人之中贏到佢嘅attention，本來已經難到冚家剷。
呢種情況下女仔一定揀人，換位思考，個女仔時間有限，當佢要喺咁短時間內，面對住咁多個追求者，通常都會好膚淺地睇人。
第一眼望落去靚仔嘅一定揀咗先，呢點對於絕大部份嘅男士嚟講已經不利；亦即係話，唔理你有幾優秀獨厚，佢跟本唔會有時間去了解你（或逐一了解），咁你都係好難得到佢，仲要係難到on9。
所以啲毒L成日呻「點解女神唔覆你機，直情不讀不回」，原因就係女神收到太多message，根本覆唔切機；所以「點解冇女仔欣賞我內在美」唔係冇原因。
見佢地擺出苦笑表情，我就變返正經：「其實你跟本就屌唔到佢架啦，你諗下，做得Idol呢D所謂嘅『公眾人物』，相信佢嘅社交圈子點都有返咁上下大，亦即係話好多人同你爭，一個fans圈我當你有幾十個男仔想溝佢，然後再加埋佢私下生活其他男性朋友，例如來自大專嘅同學，甚至FB，前前後後加加埋埋冇一百都幾十啦，你自己冇返咁上下料都唔洗止意溝到佢。」
啲人成日講追唔到女神，係因為你俾唔到吸引力，冇錯「吸引力」係一個主觀因素，但佢地往往冇講到一個客觀因素：亦係一個term—競爭比例。
用毒L聽得最多嘅語言去講，就係遊戲平衡。
其實講咗咁多，而家個問題重點已經再不是什麼「毒L心頭高，越級挑戰」，「人哋係咪收兵/好人卡？」，已經唔再係講緊你係咪毒L嘅問題。
你可以唔認自己做緊毒L，但你唔可以唔知：你而家係玩緊一隻完全冇遊戲平衡嘅Game！
尤其是如果你係網上溝女，追某某日本女星/網紅，就一定有我以上講嘅事出現。聰明人仲會唔會喺呢種成效咁低嘅戰場度打仗呢？
呢件事就好似要入HKU某d神科咁，位就得幾十個，但報JUPAS擺Band A嘅人就可能有一萬個，就算係Raymond (譚家朗)咁勁抽都未必搏得入。
唔係要阻止人去追星，而係想講希望愈大失望愈大，有時冇客觀因素支持，你唔會成事。
Chris：你兄弟講得啱呀，自己冷靜下先啦。
David：你地都有道理，不過我都係想照去睇人地表演。
最後得我應承陪David去，而Chris就話唔得閒。
我表面上講到同David一樣，話想追Anna Yu；但事實係想了解下Anna Yu係咪真係為自己帶黎火花，把事情嘅期望降低，就係保護自己。
接近Anna可以呀，但就唔好一嚟就期望佢係你未來條女囉。
天下何處是芳草，何必單戀一枝花?