🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.1.4 預感

到咗放學時間，同學陸陸續續離開校園，有的行路，有的等巴士，有的屋企有自己私家車接送。

我都趁早同David講：星期六睇完Anna演唱會，跟我一齊去New age cafe。

David：好呀，我全日得閒。

一於就睇下Anna係咪塔羅所講嘅the Lovers。

David又想見Anna，而我又係為cafe而來，一舉兩得。





為咗保持優秀嘅成績，除咗做功課，基本上我每日，尤其是平時返學嘅日子，都係溫書，一個星期裡面最少四日係咁。

所以呢個星期我除咗星期二同四跑步、做GYM，其餘日子都係留嚮屋企溫書和做功課。

每晚臨訓前都會練習使用塔羅牌，又或者間中做下冥想瑜伽，沉甸思緒。

另一邊廂，Raymond嗰班人今個星期為咗Open day嘅話劇表演，日日放學都要綵排，聽講佢地要出《白雪公主》，呢排佢哋一放學就操到6點幾先走人。

又到星期五，係綵排嘅last day，個個都好緊張聽日表演成唔成功，喺度默默互相打氣、互相勉勵。





不出所料，嗰個Raymond 扮演王子，而我地嘅女班長扮演白雪公主。

我同老友David喺禮堂睇咗一陣佢地綵排，跟住就落canteen食野。

Canteen搵個位坐，喺度討論Raymond。

David：哇⋯⋯Raymond呢鋪電死班囡囡囉。
(David羨慕地說，想恨都恨唔到咁嘅表情。)

我：但係女班長先慘





David：係咁㗎啦！

我：人怕出名豬怕肥，呢鋪女班長成名之後，一定比班女妒忌，日日玩宮廷劇。

David，樂觀啲睇，點解唔話佢會比班囡囡羨慕呢？

我：留名聽日成班女仔捧場。

「Hi，小鼬，好耐冇見！」突然有把女仔聲插入黎，我望佢，唔識嘅。

小鼬？呢個咪係我以前小學玩「忍豆風雲」用嘅網名？我記得嗰陣時放學，做晒功課之後就會成日玩嘅online game，點解佢會知我名嘅?

我：你係邊個？





佢：你唔記得我喇？我係你小學同學，我係雨晴，以前你成日同Grace一齊玩時識㗎。
(她熱情地說)

雨晴？我未聽過啵⋯⋯

的確，我以前間唔中都會同Grace交流，但最後因為我嘅唔主動，所以最後令到佢比人溝咗先。

至於我係點樣識Grace？就要多謝我以前一位小學兄弟，係佢幫咗我同Grace拉關係，但可惜呢位兄弟就喺三年前嘅一場海難離開咗我。

我：真係唔知呀。
(我自己喺心入面都R曬頭)

佢：我加過你fb架，做咩del 左我啫！

呢一野，我更加黑人問號，完全唔知發生咩事。乜我個分身帳都加過佢咩？但我好肯定自己用開嘅正身AC一定唔會加過佢。





佢：好心淡呀～你唔記得我。
(佢喺度開玩笑地扮傷心)

David：會唔會認錯人呀，大家開開fb睇下。

於是我打開自己手機上嘅FB分身帳號，順便八掛下佢另外個網名，叫：月姬

佢睇完，一口咬定冇認錯人；但係我呢，就真係完全唔識佢。

事情愈來愈複雜了，到底個預感係講緊Anna，定係雨晴呢？

What's matter now?