🏫 👩🏼❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.4.4 cafe小姐
---邱佩玲視角---
最近我為咗體驗返工嘅感覺，去搵兼職做。
我同親朋好友講咗呢件事。家人知道，連我嘅一位好熟好熟嘅小學師姐都知。
嗰位小學師姐名叫樂琪，自小學起係相識九年嘅好姊妹，而加佢讀緊HKU。
佢以前返Starbuck part-time時又識到一位女同事，大家做frd，呢位叫Jess。
Jess最近開鋪頭，啱啱開張一個禮拜到，就搵我師姐樂琪幫手。
樂琪又介紹我，所以我先至入左黎New age cafe做。
今日係我第一日返工，亦係我第一次黎嘉里學校睇open day，因為我出年就要轉校轉黎呢度。
點解要轉校？因為我家人想我有更優質同更快樂嘅校園生活。
今日下午兩點，學校open day內嘅一個話劇表演開始，我同姨媽都入禮堂。
.
.
.
女mc：下！你咁都唔知？佢係學校入面人見人愛嘅校草，全級成績考第一、人又靚仔、人品又好、個個女仔都當佢係白馬王子・嘅・Raymond！
男mc：哇，咁勁？唔通陣間白雪公主故事入面，佢就係王子？
女mc：冇錯！咁事不宜遲，我地一齊欣賞佢嘅精彩演出！
(她興奮地對台下人說)
台上嘅幕布慢慢地揭開，台下嘅觀眾，不論男女老幼，都熱烈鼓掌。
一打開序幕，就見到有個幾高大英俊嘅男同學，以一身王子裝扮，企喺舞台正中心點。如同mc所講，Raymond真係一個超級男神，扮演王子嘅佢衣著十分華麗，全身打扮就類似「美好世界」嘅佐藤和真咁，一set歐式中世紀衫，再加件斗篷同埋著boot。
「朗神！」Raymond似乎係全校女仔都公認嘅男神，所以禮堂上有唔少女仔尖叫。
整片禮堂的燈光轉為淡暗，多支舞台燈亮起了，全場的焦點都在台上，表現開始了⋯⋯
白雪公主嘅故事，我聽過一萬次，相信人人都知道，順應童話原作嘅劇情發展，邪惡皇后派人去送毒蘋果，白雪公主中招。扮演白雪公主嘅女仔訓喺一張木枱上，七個由一班低form同學扮嘅小矮人圍住佢扮喊。
.
.
.
「嫁比我。」Raymond半膝跪住，仰望著正在扮演白雪公主嘅女仔。
台下嘅女仔high到尖叫起黎。
雖然我只係睇到Raymond嘅外貌，未有真正了解佢嘅性格、內涵、學業狀況等等；但佢一嚟就已經令我覺得係一個高汁嘅男仔。
自小以嚟，尤其是我讀完童話，追完韓劇之後，我就一定對好似Raymond呢一type嘅「白馬王子」情有獨鍾。
我有一刻係渴望過，希望可以好似韓劇或者動漫入面嘅女主角咁，嫁俾一個完美嘅男神（或者叫做人生勝利組），然後long live forever。
當然，家庭背景，都會令我間唔中有呢個諗法。
姨媽成日同我講：「將來唔理你搵邊個男人都好，我都希望你搵個有料嘅人、有錢、有車、有樓、聰明兼高大嘅靚仔返黎。」
原本我嘅家庭好地地父母同我共住，屋企嘅經濟支柱一向都係父親支撐。因為父親做中學教師嘅，所以屋企嘅生活一向都富裕到三餐無憂，直到六歲嗰年⋯⋯
呀爸突然比學校炒左，聽我家人講佢同某個同事一齊得罪咗校長，攪到自己身敗名裂，一時之間冇面喺教育界度撈、冇面去第二間學校見過分工，一場挫敗令到佢提唔起勁振作，所以攪到有一段時間冇收入比屋企。
因為無能為力解決生活問題，結果攪到同呀媽嗌交，最後仲要離家出走。離婚後呀媽同我就一齊搬去姨媽屋企住。全靠呀媽十年來嘅打拼，同埋姨媽嘅幫忙，所以我先有今日，假假地仲有錢送我黎嘉里學校。
因此，我呀媽同姨媽都成日同我講要以此為鑑，帶眼識個好男人。而佢哋眼中所謂嘅好男人：一定要有經濟實力，呢個世界冇人同你講「心」。
話劇將近完結，腦海裡又回想起，某個中學frd，同我講過：「你應該搵返一個獨行俠做你bf。」
也許，Raymond就係一個「獨行俠」，係我同學所講：一個性格獨來獨往、cool cool地嘅男仔？
Raymond點都令我有少少心動嘅，因為感覺上佢就好似match咗我心目中所想嘅擇偶條件。
話劇完結嘅一刻，台下嘅家長和小孩都開心送上最熱烈掌聲。
「朗神！！」女同學也大聲尖叫，Raymond果然多女追。
Raymond：各位，請支持我地學校！
佢更加表現自信地同台下嘅人講野，聽佢語氣同身體語言，佢講野好有說服力，直情係領導人風範。
全場嘅人，不論男女同學、老師、家長和小朋友，聽完Raymond一番話後都給上了最有聲有力嘅鼓掌。
完曬呢一切之後，家長都紛紛帶住自己同行嘅人離開禮堂，留低嘅係：有唔少女仔想同Raymond合照留念。成班女仔圍住佢，逐個等。禮堂裡未走嘅人繼續吹水。
呢個男仔睇黎10分入都有8-9分，佢出場時點都令我feel到少少空間扭曲感，我第一次親眼見到一個男仔比咁多條女圍。
一場黎到，就當然順手牽羊，於是我決定要同佢合照留念。
「嚟！望鏡頭......笑！」「喀嚓」我將啱啱影完印出黎嘅相小心收埋落銀包度。
是日成就：同「白馬王子」影左張合照！
-------------End of 邱佩玲視角------------------