🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.4.3 cafe小姐

雖然大部分人都輸咗，但成個遊戲志在大家開心嘅過程，全世界都歡叫，部分人更興奮地公開自己張牌。

客人B：我都話咗你係狼架啦！
(對住我講)

David：今次你好彩呀！我呢個預言家比你地班狼攪掂先。

「狼人開眼」「女巫開眼」「今晚死左個」「今晚冇人死」⋯⋯身為mc 嘅Bianca 不停重覆住遊戲台詞。

第二round，我變返做廢村，冇幾耐就比人殺死；第三round，我做女巫，用曬兩枝藥水，遊戲結果好人贏⋯⋯





一玩就玩咗四至五round，大家都開始玩到攰，冇心機再玩，陸陸續續有人quit。

阿玲都玩下停下，做返執檯收碟嘅正經野。

David：唔想玩喇，不如停囉？
(喘了一口氣)

我：sure





Anna：我都要早走喇，如果唔係男朋友會擔心我。

雨晴：我都要返屋企喇。

原來Anna已經有男朋友，但係我同David都唔覺有咩需要出奇或者值得傷心。

對David黎講，佢係一個成日上maid cafe嘅老客人，所以佢已一早看透世事，預咗呢種女仔九成背後已經有男朋友，何況David本身性格上又係玩開嘅人。

而我就更加唔洗講，繼續食飯、繼續做返自己野。





嚟到呢一刻都已經大概知道Anna已經唔係塔羅所講嘅 「The Lovers」。

臨走前Anna提議我地4個人合照，雖然4人大合照已經影完；但係，佢提出一個額外條件。

Anna：Issac，我想你單獨同我影。
(突然熱情地對我說)

我：你記住唔好俾你男朋友睇到喎。
(我笑之回應)

Anna：影相留念啫，佢不嬲慣架啦，我想同你呢位cos緊無慘嘅人影相。
(熱情地說)

又俾佢話我cos緊鬼王無慘。





「喀嚓」最後我應承咗佢，同佢來一張手機合照。

Anna: 我叫雨晴wts返圖比你呀！

不過，今晚嘅真正焦點始終唔係你，而係佢。