🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.5.3 白色情人節

今晚我同David再次上黎new age cafe。由於今日始終係特別節日，結果當我同David一嚟到，就已經迫爆曬人。

阿玲：歡迎光臨！

我：hi，好耐冇見！
我：有咩Board game推介？

阿玲：今日係情人節，不如玩「花式自爆」囉。

然後，阿玲就攞咗副名為「十萬個激嬲女朋友嘅理由」嘅遊戲盒出黎。





依舊上星期咁，一邊叫野食一邊玩,
但由於今次呢隻係新game，我同David完全未接觸過，所以要辛苦兩位店員姐姐講解。

派傳單嗰位女人：你可以叫我做叫樂琪，好啦大家明曬點玩未？

David：都係未明。

我：唔緊要啦，做下新仔比人蝦先啦。





樂琪：玩得多就識架喇。

遊戲開始，阿玲做女方，而我、David、樂琪就做男方。

阿玲發出第一條問題：我皮膚係咪好差呀？

此刻，我手上嘅牌有「唔係，你脾氣差啲」、「日光日白唔好講埋啲咁嘅嘢啦，好邪㗎」、「過去嘅並唔重要，重要嘅係，你是我將來」。

唔⋯⋯就出「唔係，你脾氣差d」。





跟住，David、樂琪分別出左「呢個問題實在太冇深度太冇內涵啦！我實在對你好失望！」同埋「唔好咁樣啦好冇」。

David：啲卡爛到呢，出無可出。

樂琪：我夠係啦。

阿玲思索了一陣，就二話不說地放曬兩粒計分粒落我度。

「Issac，我最憎你。」阿玲說。

感覺今日嘅佢，同上星期嘅佢有少少唔同左，開始大膽講野冇之前咁怕羞。

既然呢隻game講拍拖, 一於就順水推舟，借玩呢隻GAME去approach阿玲。

好，Round 2，今次條問題係⋯⋯你想我有大波定長腿？





我出「我地有既定嘅機制去處理事情」。

哇⋯⋯乜呢張牌咁政府講廢話feel嘅。

Daivd出「乖啦，唔好諗咁多，去訓教」。

樂琪出「你答先，唔準諗，即刻答！」

結果，又係我食曬兩分。

David：屌，Issac玩曬啦！

樂琪安慰David：唔緊要唔緊要，風水輪流轉，仲有機會報仇嘅。





比樂琪把衰口講中，之後我真係一分都食唔到，因為D卡太「sweet」激唔到人。

過左好幾回合，David開始少少掃興。
David：不如玩鬥sweet啦，仲好玩，呢副牌張張卡都係激女朋友嘅，玩鬥激嬲冇意思啦。

樂琪：咁不如重新黎過呀！

遊戲之後繼續，果然，玩鬥sweet嘅話，卡牌真係難出，每回合大家係度鬥低分。

如果有sweet卡就當然休先出，但如果冇，我就只能出一張冇咁傷人嘅說話牌，將「男友」對「女友」嘅傷害，盡可能減低。

就係咁樣loop左一個鐘。

我: 下次再玩過，今日呢隻game都幾應節啵。





樂琪: 係呀，呢隻game最近一出就搶手貨。
樂琪: 個個都想體驗拍拖過程，但算啦！這些機會⋯⋯

阿玲：Issac，有女朋友未呀？

我：如果我有女嘅話，就唔會咁得閒，陪你地兩位靚女玩啦！

樂琪：算你都幾識講嘢。
（自信地說）

David: 你地知唔知？呢條友喺學校食女無數㗎！
(佢一邊指住我，一邊說著。)

我：樂琪，阿玲，你唔係真係信佢講呀嘛？David好口花，中意咩人到吹上外太空㗎。(我微笑)





樂琪：我覺得Issac你會囉。

阿玲: 好喇，話時話⋯⋯你地而家讀緊邊間學校，真係有咁多靚女食？

我: 嘉里

David: 即係九龍塘果間直資學校呢。

阿玲: 咦，我嚟緊都係嗰度喎。

頓時，我心入面愣住了兩秒。答案都差不多要呼之欲出，阿玲就係所謂的「the Lovers」。

跟住阿玲向我同David講下轉校嘅原因經過結果。

David：下？咁你即係出年會同我地同班？

阿玲：希⋯⋯希望係啦。
(笑笑口地說)

原本以為今晚頂多又係吹兩句水，冇諗到事情進展比預期快。

唔⋯⋯既然係咁，就不如攞埋佢電話；但令我更意想不到嘅係，正當我想開口，佢就搶先講咗我嘅台詞。

阿玲：不如⋯⋯大家add個contact？