🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.5.4 白色情人節

我當然順順攤攤交換咗個number，David都一樣攞埋。

呢個時候，隔離檯有人話想玩三國殺，問人join唔join。

David: 好呀~

樂琪: 我去廚房幫手先，你地慢慢吹水啦。

有時我會諗：如果兩個星期前，我完全唔理會當時派緊傳單嘅樂琪的話，我仲有冇機會遇上阿玲呢？呢d就係啲人成日講嘅「蝴蝶效應」。





眼前得返我同阿玲坐埋一張檯，要辦事就更容易，就趁而加，送埋禮物。

我：傾咁耐，差啲唔記得咗一樣野添。

我從褲袋拎出精心做好嘅小玻璃瓶，然後送比佢。

我：少少心意，呢個玻璃罐送俾你。
我：情人節快樂！祝你早日出pool！
(我溫柔地對佢笑)





阿玲：多謝喇，有心喇。
(有點怕醜地說)

我：拿，唔好諗多咗，我地只係好朋友嚟咋。
(當然，我呢句係講大話)

我：朋友聯誼，梗係要有啲小禮物㗎啦，何況今日係情人節，送嘢比人好應該啫？
我：以後有客人恰到你成日輸game，你就拎住佢，祝你贏多啲。
(我眨一下單眼，笑著說)





阿玲：你真係攪笑，你以為係神奇水晶咩？
(輕輕呼吸一口氣，然後也笑著說。)

我：你唔信都好, 你就當佢係鼓勵自己嘅。

一件玻璃就梗係冇我講得咁神啦，只係呢種時候我唔apply心理戰術，係唔會贏得女仔歡心。

據說喺二戰時期，生理鹽水唔夠用，有人就諗到用假鹽水代替去呃士兵，最後又真係吹漲，好多士兵好返左。士兵因為呢種心理作用而好返，於是後人就稱呢種現象叫「安慰劑效應」。

阿玲：多謝你呀！
​
佢笑了，我也滿足了。

我同阿玲吹一陣水，但話題都係圍繞住基本嘅學校生活，cafe趣聞，只係簡單問啲好表面嘅野，例如住邊區、讀咩學校、CAFE好唔好做，等等。





至於阿玲學校入面嘅生活，我最多都係嘗試了解到上堂情況，對於佢嘅私生活，例如家庭背景，有咩好朋友，啱啱識冇耐就當然唔會問得咁深入。

David轉過身黎嗌我：Issac，走喇好嘛？

我也從遠處大聲回應：好，埋單先。

然後同阿玲講：喂，我唔阻你收鋪喇。

我: 情人節快樂！

我輕輕地擁抱阿玲（一般社交式），再來一個眨眼，就以微笑道別。

阿玲：今日好多謝你送我一個樽仔呀，祝你都遇到一個好女仔。

阿玲都順勢地輕輕擁抱我兩秒，佢都同樣地向我眨眼微笑了。





放心，我地會再相遇。

希望我種下的那紫色小瓶子，會開花結果吧。