🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.6.1 默契

---邱佩玲視角---

當Issac向我擁抱時，我都順勢擁抱返佢，就係唔知點解。

當Issac向我眨眼微笑時，我也不自覺地對佢做返同樣嘅動作。

默契呢樣嘢，有時就係咁隨緣。當你做緊一個動作，對方會順勢地跟住你、配合你；做完之後大家都會有同一種嘅開心。至於點解會跟風做，就純粹咁啱得咁橋，唔係用理性解釋得到。

繼我喺O day撞到Raymond之後，Issac係第二個，令我有少少心動。





雖然Raymond係我aim嘅目標，但攪到我而家都考慮埋Issac。

我咁大個女從未試過咁樣心動法，呢啲就係啲人所講嘅愛情感覺？

我想攞到Issac嘅WhatsApp；但係由此至終我冇拍拖經驗，諗唔到計，唯有請教樂琪。

上個星期，樂琪預測Issac會再嚟，於是叫我準備定「十萬個激嬲女朋友嘅理由」。

跟住佢話到時要我同Isaac一齊玩，樂琪教我：3.14即呢日，要嘗試去了解issac嘅背景。佢叫我借呢隻board game去同佢開展關係，以呢隻「拍拖game」為題引入。





聽樂琪曾經講過：有默契即是心靈相通，大家互相知到對方諗乜。Issac好似知我識畫畫，所以專登親手畫畫比我吧。

佢好似知我都有煲美好世界，所以專登畫維茲比我。

真係連呢樣都咁啱得咁橋。

今晚愈諗愈開心。

Issac，多謝你嘅玻璃樽，你個樽好靚，個維茲畫得好cute呀！





同埋終於比我攞到Issac嘅電話號碼，多謝琪琪姐姐做我軍師。

---End of 邱佩玲視角---