🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.2.1 小學同學

講下我D社交媒體先，我平時用開Whatsapp同Telegram。

其次就係Facebook，fb我有三個AC，而且三個都係完全唔同名，從未改過名。

第一個ac專用黎應酬，小六時已經有，我叫佢做「分身」，用黎add學校老師、同學、父母同親戚，原則上只會add現實裡真正見過嘅人，而且間唔中會清下「幽靈」。
第二個ac就真係一個private ac，同樣小六時已經有，我叫佢做「正身」，只會add好熟好熟既兄弟，到目前為止得我、David同Kelvin(果位已去世嘅小學兄弟)先至知道。
第三個ac直情係「炮灰」，讀中一時先開，100%作打機用途，除咗用作帳戶綁定之外，我就永世都冇掂過佢。為咗唔比fb懷疑我開假ac，我就add自己分身，然後入幾個遊戲攻略group，咁就永世冇再郁過frd list。由於第三個ac本來就係炮灰，所以我完全唔當佢係一個ac。

一直以來大家傾計都係用開Whatsapp或者Telegram。





當雨晴講到我曾經add過佢fb嘅時候，我就喺度諗：

(為方便讀者理解，A=分身，B=正身，C=炮灰)

帳號B我就10000%肯定只有add過David同Kelvin，別無他人，所以一定冇可能add過雨晴。

帳號C都一樣10000%肯定冇可能add過雨晴，10000%肯定只有add過帳號A，別無他人。

咁而家得返帳號A嘅可能，而且雨晴睇嘅時候佢自己都講到明係認得呢個帳號。我記得自己小六時都仲係十年先上一次fb，係到咗中學開始有智能電話嘅時候先比較頻繁地上fb。唔通⋯⋯就係因為咁所以我會完全忘記小六果時add過雨晴？





如果人地曾經改過fb名/用奇怪名，冇擺真人樣出黎，再加上我又清幽靈的話，咁就更加唔覺。

諗咗十秒，最後我同佢講：咁不如而家add返先啦。

雖然我唔知咩事，但都決定用個分身add佢先再講，了解情況。

雨晴：好啊～

為咗可以再了解多d，我就攞埋佢wts，睇下大家有冇攞過電話(小學果時仲未係smartphone嘅年代)，咁佢最後都好順攤俾埋。





雨晴：我有其他野做啊，趕時間走先啦！你wts返我啦！

最後佢急急腳走左。

嗯⋯⋯連個號碼都陌生。

點解佢認得我，但我就唔認得佢？以前小學發生過咩事？

啱啱果位女同學個樣普普通通，不美也不醜，係度讀咁耐書都從來未見過佢，印象對佢唔深都正常。佢到底係咩人？唔通係插班生？幾時入咗黎？

David：勁啦你，你有過女朋友wor~
(David一副扮妒嫉嘅表情)

我：我根本就唔知咩事。





佢又開玩笑串我兩句，跟住我就將啱啱諗緊嘅野話比佢知。

David：會唔會係你玩忍豆時識佢㗎？

我：都有可能，我就喺小五上學期開始玩。

David：人總係有時會忘記嘢嘅！
(他帶點奸笑地說)

我：maybe啦⋯⋯會唔會係佢自己記錯嘢咋？

David：唔出奇呀。