🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Issac的小學回憶(二)

過冇耐又有一次有人呃我一包薯片：

嗰個同學：借成包薯片比我呀~

我：唔借
(因為我知呢個同學曾經對我唔好，笑過我)

嗰個同學：求下你啦~

雖然我直覺上明知佢會呃我，但比哀求我到唔好意思。





嗰個同學：求下你啦，借黎啦，真係唔會呃你呢~

最後我覺得唔好意思，明明直覺叫我唔好比佢，但唔敢拒絕。

結果當然一借冇還，一比佢，佢就以9秒9嘅速度飛甩我，我想追都追唔到，呢一刻我好後悔俾咗佢。

Kelvin似乎目睹呢一切，於是第二日小息就捉我傾計：

Kelvin：希望你學識保護自己





呢一句話對我黎講非常刻骨銘心，我到而家仲記住。

Kelvin：以後邊個再整蠱你嘅，你同我講，我打死佢。

Kelvin本身是學校裡面操行差果d人黎，所以佢會咁樣講野好正常。

自此之後，我覺得Kelvin成日比安全感我，但係同時，我亦慢慢堅強起黎，開始勇敢拒絕壞人。

漸漸地，大家之間嘅交流變多，經常一星期交流一到兩次，時間一日一日地過去，我對佢慢慢放下戒心，建立起信任。





有一日，我就講返自己點樣被欺凌法，總之重覆返我當時向社工講過嘅事情。

Kelvin：我覺得你真係唔識保護自己

佢又講返同樣嘅說話。

雖然Kelvin 自稱係一個壞學生，但係人慢慢大個，嚟到而家中三，諗返轉頭我就慢慢明白，其實佢教咗我一件事：你可以選擇唔做一個壞人，但你唔可以唔知壞人點做。

相信呢點學校社工唔會教你。

小學時，人可能會有種左膠思想，覺得人比人蝦的時候，唔應該報仇、唔可以還手，小學生最興咩都要同老師報串架啦。

但嚟到中學，個諗法係：比人蝦，要識得還拖(當然要有智慧地還拖)，因為有時要還拖先真正保護自己。而我亦從此學識還拖，仲學過自衛術。





Kelvin叫我好好保護自己呢句，點都好嗰啲仆街社工凈係識叫你唔好咁多仇恨，成班左膠講大愛思想。

隨後日子，我去增值自己，不停搵嘢學，於是我後來嘗試搵唔同嘅興趣班讀，訓練待人接物嘅智慧、反應同判斷力，結果愈學愈多野。

同佢傾計時佢唔會點樣有咩浮誇情緒反應。我跟佢耐咗，自己亦續漸變得喜怒不形於色。所以，而加平時我身邊嘅人都覺得我冷酷，但佢地可能唔知我嘅本性係善良。

因為我認識到Kelvin，所以我慢慢學識保護自己。

後面，又因為Kelvin，令我開始同Grace嘅緣份。