女神呢個稱號令我食左唔少仔(有甜）: 故事

佢同我講

佢嘅夢想係成為一個作家，佢係網上面寫左一個故事，個故事唔算太差，亦令到佢得到唔少人支持。而佢同個嗰女仔，亦都因為呢個故事而認識對方。

一開始佢地有傾下計，分享下生活，但都只係保持住作者同埋讀者呢兩個身份。

他講，呢個身份，令到佢可以暢所欲言，因為所有野都係假嘅。

男仔：「唉好悶呀，有少少掛住你添。」



女仔：「掛住我？唔好呃我啦，你咁多女，而我只係一個路人。」

男仔：「唔係囉，你對我不知幾重要。」

女仔：「係唔係真架？」

男仔：「係呀，你係我心目中係最重要。」

女仔：「嘻嘻，好野。」



男仔：「講笑咋，唔同你講住啦，有第二個女讀者搵我。」

女仔：「下...可唔可以唔好理佢...」

男仔：「點解呀？其他讀者對我黎講都好重要。」

女仔：「咁算囉！！你去搵佢地囉！！唔好再搵我！！」

男仔：「講笑講笑，唔好嬲啦。」



佢無諗過，自己會對一個完全唔識嘅女仔，講出啲咁嘅野。

現實世界嘅佢，只係一個非常內向，除左朋友之外，對住其他人唔會點出聲嘅人。

唔緊要，因為所有野都係假嘅，呢到唔係現實世界，佢可以將心入面嘅野講哂出黎，想講咩就講咩，唔需要避忌咁多。

佢更加無諗過，雖然佢只係玩玩下，但係個女仔，係真係動左情。

個女仔，真係鍾意左佢，佢以為講女仔只係講下笑，於是係玩玩下嘅心態之下同左個女仔一齊。

良心有愧 原來隨便錯手 可毀了人一世

男仔：「Sorry呀，我就黎考試，我要走啦。」

女仔：「點解，你每一次都可以話走就走...？你有無理過我感受...？」



男仔：「對唔住。」

然後佢係一句對唔住之下，就離開左呢個網上世界，兩年都無再返過黎。

但係佢唔知，個女仔鍾意左佢兩年，一直都等緊佢返黎。

直到最後，個女仔等唔到，同左第二個男仔一齊。

而正正係呢個時候，佢終於返左黎。

男仔：「我好掛住你。」

女仔：「係咩，又係到呃我。」



男仔：「你唔愛我啦，因為我失蹤左咁耐。」

女仔：「你呢？」

男仔：「愛。」

女仔：「我有男朋友。」

當佢聽到個女仔話有男朋友嘅時候，唔知點解，佢個心好痛。

佢呢一刻先發現，佢都鍾意個嗰女仔。

男仔：「但係...我真係好愛你。」

女仔：「你愛嘅人，係你自己。」



佢反駁唔到。

雖然個女仔好嬲佢，但係另一方面，個女仔仲係好鍾意佢。

男仔：「我會等你，一直到永遠，都會繼續等。」

女仔：「唔凖你咁樣，我仲想睇住你結婚生仔。」

佢望到呢一句，個心更加痛。

男仔：「我唔可以無左你...」

女仔：「希望你同你同第時個女朋友開開心心，要幸福過我呀知唔知？唔幸福我就嬲你一世。」



過左幾日，個男仔日日都係心痛同埋傷心呢兩種感情到徘徊。

女仔：「我愛你，由以前到而家呢一刻都係，但係我唔可以出軌，Sorry I love you。」

呢個，就係佢嘅故事。