女神呢個稱號令我食左唔少仔(有甜）: 心痛

我相信好多人都會話呢個男仔係個渣男黎。

無錯，我都係咁覺得。

但相比之外，我更多嘅係心痛。

男仔：「宜家我地都仲有保持聯絡，佢仲係同佢男朋友一齊，而我，最近亦都同左另一個女仔一齊。」

男仔：「咁都好啦，我地各自都搵到各自嘅幸福。」



佢笑一笑，呢個充滿無一點嘅喜悅，只有無奈。

我：「但係你鍾意嘅人，仲係佢。」

佢無出聲。

我：「你拍拖只係為左嘗試忘記佢，但當你話你地仲有聯絡嘅時候，忘記就變得無可能。」

當你想放低一個人，如果你同佢仲有交流，咁永遠都唔會放得低。



就好似攞把刀插落隻手到，好痛。

於是我戴左手套，再插落去。

但係一樣會痛。

男仔：「我有幾次同佢講我同我女朋友啲野，佢表面上和應我，話幾好呀。」

男仔：「但原來，佢嬲到仆街，仲差啲係條街到喊左出黎。」



佢飲左一杯又一杯嘅酒，聽人講，飲酒可以解愁。

但係點解我見到嘅，只有更愁。

如果當初佢無走到，佢地宜家仲係一齊緊，而且幸福過宜家好多好多。

可惜呢個世界無如果，要怪就怪自己當初做錯選擇。

「悔不當初輕輕放過 現在懲罰我分手分錯了麼」

兩個人互相鍾意對方，但兩個人互相都有另一半。

我問：咁樣你地唔覺得好對唔住宜家嘅另一半咩？

佢答：會架，但係都無辦法。



因為感覺係唔會呃人，對邊個有、對邊個無，只有自己先知。

男仔：「所以希望宜家呢個女仔，可以幫我放低la。」

放低一個人，要麼等時間沖淡，要麼找另一個人去愛。

我自己比較相信後者。

我同佢碰一碰杯，同佢講左聲「加油」。

我比唔到啲咩意見，亦都無資格向其他人嘅感情事比意見。

佢臨走之前，同我講左句多謝。



男仔：「多謝你肯聽我呢個咁無聊嘅故事。」

我：「傻啦，我多謝你先真。」

男仔：「好啦，我走先啦，你都唔好咁夜啦，一個女仔咁夜好危險。」

佢拎起自己啲野，轉身準備走。

我：「喂等陣。」

男仔：「嗯？」

我猶豫左一陣，但最後都係講左出口。

我：「如果可以比個機會你同佢親口一句說話，你會同佢講啲咩？」



佢諗左一分鐘，最後講左十六隻字就真係走左。

「天空閃過燦爛花火 和你不再為愛奔波」