女神呢個稱號令我食左唔少仔(有甜）: 我

我：「我？呢間房係咩意思？」

蔡煒燕：「你盲撚左定唔識字？咪你囉。」

我：「唔明解喎，我咪我囉，我咪呢個身體嘅主人，點解仲會有自己嘅房。」

蔡煒燕：「你入去咪知囉，我撚知咁多野咩。」

我一個人行到入去，唔知點解對門會自己閂埋，有少少驚。



入面基本上係咩都無，只係有一塊鏡。

我望住我自己，過左十秒都無事發生，所以諗住拎轉身走佬。

Emily：「去邊呀你？」

一把同我一模一樣嘅聲音出現係我後面，我下意識望過去。

見到嘅係未改造前嘅自己，一個最純真嘅自己。



我：「你係....我？」

Emily：「喂喂喂，你話你係邊個邊個~我唔撚識喎~我咪你囉。」

我：「就咁架咋？吓？咁呢間房有咩特別？」

Emily：「正常嘅人呢間房係無咩特別嘅，但係你就唔同。」

Emily：「你見唔見到個邊，你成個心都黑哂啦。」



我：「點解會咁嘅？同埋個心黑哂係代表乜野？」

Emily：「代表宜家嘅你，係一個壞左嘅人，而我，就係你最後嘅一點純真。」

我係一個壞左嘅人，的確係，我傷害過無數咁多嘅人，再多的抱歉也無法彌補我的罪孽。

我：「咁唔壞都壞左，凱婷都返唔到轉頭，食左兩支煙就係食左兩支煙，已成事實就惟有接受現實。」

Emily：「其實你有無諗過，你根本唔了解你自己？」

人總是能說出別人的優點缺點，卻沒法說出自己的優和缺。

從來都無人能夠真正了解自己諗咩，人明明係最有智慧嘅生物，亦都變成最愚蠢嘅生物。

我：「我點樣唔了解我自己？我知自己鍾意訓覺，鍾意食野，鍾意打機，仲唔夠了解咩？」



Emily：「你宜家到底鍾唔鐘意阿傑？」

我答唔出。

Emily：「你答唔答得出自己係為咩而生存？」

我答唔出。

Emily：「你之前食仔係咪真係因為覺得好玩？」

我講唔出。

Emily：「所以話你根本就唔了解自己，你連自己追求緊啲咩都唔知。」



我：「咁我追求緊啲咩？」

Emily：「天機不可洩漏呀妹妹。」

屌你，明明大家都係同一個人，宜家真係你瞞着我，我亦瞞着我，太撚合襯。

我：「咁我想問，我地以後係咪都唔會搵到真愛？」

Emily：「真愛？你覺得乜野先叫真愛？」

真愛可以好表面，亦都可以好深入。

表面的真愛，便是我很愛一個人，每天都在想念他。

深入的真愛，便是我能夠毫無保留地把自己交給他，不論他是矮高肥醜貧富賤好，我都愛他。



我：「搵到又點？佢地最後都會死，所以我始終都係注定得性，唔會有愛，你見我個心都黑哂。」

Emily：「死亡只不過一種愛嘅表達方法，若他能為你而死，還不足夠嗎？人便是追求這樣的愛情。」

我無諗過我會同另一個自己係到嘈黎嘈去，不過都正常，我就係一個唔服輸嘅人。

Emily：「其實你一早就搵到想要嘅野，只係你唔夠膽去追求，因為你做過嘅野同埋燕嘅說話令你卻步。」

Emily：「你由一開始都已經知燕係一個仆街黎，佢只係利用緊你，搞到你宜家咁樣。」

Emily：「但係你又死蠢，以為做女神好撚爽，爽完之後咪要還。」

Emily：「你要記住，人嘅宿命一直都係由自己去打破，即使你無從入手，都唔代表無成功嘅一日。」



我：「咁我可以點樣打破喎...」

Emily：「自己領悟下啦，唔係要人教你先識去廁所架嘛...係咪.....」

我個畫面突然就好似電腦LAG機一樣，見到佢講野有delay。

畫面再轉，轉到去一間醫院。

代表我醒了。