女神呢個稱號令我食左唔少仔(有甜）: 父親

最後，我都係決定入去「性」間房先，因為啲叫聲聽到我起哂雞皮。

但係入左去唔夠三分鐘就可以出返黎，入面只不過係我一生同過幾多個男仔搞野嘅畫面。

蔡煒燕：「點呀，得返十二分鐘，係我就入埋去啦。」

我：「鬼唔知你阿媽係女人咩，但係我唔敢呀嘛...」

若你被強姦，還敢再看嗎？



蔡煒燕：「咁一係我陪你入去啦，黎啦。」佢拖住我，然後打開左「父」對門。

入面黑得伸手不見五指，而我只係用力咁捉實隻燕。

嘻嘻、嘻嘻嘻嘻、嘻嘻、嘻嘻嘻

內裡傳出一個男人的笑聲，他笑得令人心寒，但這人卻是我的父親。

燕想拉我行過去，我驚到一步都行唔郁，感覺就好似回到了那個晚上，一個少女被人強姦的晚上。



蔡煒燕：「有好多野你都可以逃避，但係個代價就係一世都存活係沮喪不安當中。」

我：「我連見佢一眼嘅勇氣都無...我好驚...我好驚...」

他說：有我在，你不需要害怕，我會保護你，你可是我最堅強的女兒，燕尾蝶。

唉，死就死啦，所謂人生夢一場革命不老。

我行到去笑聲傳出嘅地方，看見我的父親，那張床，還有那個雙手和雙腳被束縛着的少女。



少女的雙眼充滿着恐懼，她拼命地喊叫，渴望有人會來把她拯救。

可惜，從來沒有人會在困境中伸出援手，人能依靠的，一直只有自己。

那男人笑淫淫地準備除下褲子，享受着自己的親生骨肉，一個天然且免費的肉便器。

但是一把聲音卻使他停下。

我：「老豆。」

佢拎轉頭望住我，我以微笑來回應，笑中帶淚、帶刺、亦帶痛。

佢望一望床上面嘅女仔，再望一望我，再望一望自己嘅雙手。

老豆：「我到底...做緊啲咩....」



佢跪左係地下，兩隻手遮住自己塊面。

我：「點解你要咁對我？」

人之所以會傷害他人，不外乎於兩個原因。

「渴望新鮮感」同埋「生理需要」

人總是追求更多的刺激，貪得無厭，同一個女仔一齊左，之後發現原來有個更加靚女。

然後一句不愛了，就把別人拋棄了，把心痛、想念、失戀，這些感受都送給別人。

同時亦為了滿足自己的生理需要，來欺騙別人的感情。



「我愛你」只是「我想屌你」嘅另一個翻譯，就同「我好掛住你」係「我好想你黎同我搞野」一樣。

你說過你只愛我的，沒錯，在床上時我只愛你。

老豆：「對唔住...我都唔知點解自己會咁....失去哂理智...」

破碎了的碟子，把碎片重新組合還能用。

但破碎了的心，即使十萬句抱歉，也無法把碎片重新組合。

我：「我憎死你呀！！」

我衝過去，想一拳打落佢個頭到，但係比燕捉住左。

我：「點解你要阻住我呀？！！」



蔡煒燕：「人誰無過~過而能改~善莫大焉~」

屌你老母，仲有心情係到唱歌，比我一腳踢斷佢條賓州。

我衝過去，一拳打落去，就好似一拳超人打爆深海王一樣。

這麼多年的不安，這麼多年的恐懼、這麼多年的委屈、這麼多年的憎恨、這麼多年的恥辱。

都在這一拳所釋放出來。

唔知係咪因為呢到係我嘅意識，所以一拳就打到佢差唔多死。

我望住佢奄奄一息個樣，唔知點解我會有少少不捨。



老豆：「如果...我嘅死...可以彌補到...我...當年嘅錯...咁...咁就...夠架啦...」

佢講講下流左一滴眼淚，用最後一口力氣，係褲袋到拎左舊野出黎。

係一張相，一張我細個同佢係公園到玩嘅相。

老豆：「願你能原諒父親。」說完便死去。

原諒？我該原諒他嗎？我不知道。

他是我的父親，他強姦了我，使我造成了心理陰影，每天都處於不安的情緒，所以我不應原諒他。

他是我的父親，他照顧了我，陪伴着我渡過了童年，始終也是有感情的親人，所以我應該原諒他。

我也在迷失當中，向着沒有答案的問題煩腦。

蔡煒燕：「屌你，J都比你踢斷埋，得返五分鐘咋屌你。」

我：「吓？咁其實點解要計時？」

蔡煒燕：「因為你係現實就黎醒返啦嘛。」

我：「咁我姐係無死到？」

佢聽完之後，張本來嘻嘻哈哈個樣，變到好認真。

蔡煒燕：「記住，你可能唔會死，但係你身邊嘅人就可能會。」

「因為愛我地嘅人，佢地最後都會死。」

我企係到呆左。

蔡煒燕：「仲等咩？開佢波。」

然後我就去最後一間房。