女神呢個稱號令我食左唔少仔(有甜）: 靈魂世界

我感覺自己就好似掉左入海，一直向低下嘅深淵進發。

眼前四周圍都係黑色一片，我嘗試用力向上游，可惜係一啲作用都無。

我就咁樣一直沉一直沉，沉到最盡嘅時候，唔知點解，變左做一塊平地。

我見到下面有啲腳印，可能有人同我一樣掉左落黎，於是我跟住啲腳印咁行。

行到咁上下，正前方突然有光，我馬上跑過去。



跑到有光嘅地方，係我眼前係一間屋，我開始諗緊自己宜家係咪去左海綿寶寶個世界。

當我諗住敲門嘅時候，有條友突然打開左對門，嚇到我即刻仆左落地。

但係我無仆到，因為個嗰人接住左我。

我：「係你？點解你會係到嘅？同埋呢到係邊到？」

蔡煒燕：「呢到係你嘅思想，又或者叫做你嘅靈魂世界。」



我：「係咪因為我死左，所以黎到呢到？我只係記得我最後幫人擋左一刀...」

蔡煒燕：「宜家嘅你仲昏迷緊姐，可能死又或者可能唔會死，聽天由命。」

佢帶左我入去間屋到，屋入面有好多相，就好似玩轉腦朋友入面嘅記憶球一樣。

但係當我一望啲相嘅時候，佢地就好似哈利波特入面啲相咁，將個陣時嘅畫面重現係我眼前。

我見到間屋有幾間房，間房門有唔同嘅名牌。



「情」、「友」、「性」、「父」、「我」

我：「呢幾間房，我入唔入到得架？」

蔡煒燕：「可以，因為係你嘅靈魂世界，你想去邊就去邊。」

我：「你未答我點解你會係到。」

蔡煒燕：「因為我係改變得你最深遠嘅人，自自然然就成為呢到嘅負責人，要形容嘅話，呢到就好似圖書館，我就係入面嘅管理員。」

我：「咁...你有無掛住我？」

蔡煒燕：「想食左你添，可惜我死左，唔係嘅話我實屌你屌到喊救命。」

我：「哈哈，咁真係抵你死啦。」



我打開左「情」間房，呢間房代表嘅，係我嘅愛情。

由第一個男朋友，一路轉變到阿傑。

我望住自己因為比人飛而喊到豬頭，一直求人地唔好離開我，我覺得自己真係好弱智。

如果一個人真係鍾意你，就唔會令到你流眼淚。

蔡煒燕：「阿彥真係...雖然我都好仆街，但都唔夠佢黎，宜家連Tracy都比佢搞埋。」

我：「估唔到你會咁講佢喎，一時又同我講感情係最好玩嘅野，一時又話人地仆街，講哂啦你。」

蔡煒燕：「我駁唔到，十分Sor9ry。」



之後我打開左「友」間房。

入面一間廁所黎，仲有一個心口流住血嘅女仔。

個一幕我都宜家都仲記得，又或者講我永遠都唔會忘記，思思死個一刻。

我：「我好掛住你。」我衝埋去攬住佢。

思思：「乖，我都好掛住你呀。」佢用沾滿血嘅手撫摸住我個頭。

我：「你知唔知...你死左之後...我一個人...好辛苦...」

人都害怕死亡，更害怕死的不是自己。

我望住思思，接近情緒崩潰嘅狀態。



當你隔左好耐，終於見返一個老朋友或者情人嘅時候，就自自然然好似我一樣。

因為見嘅唔係佢個人，而係見同佢一齊個陣嘅回憶。

思思：「你要大個女架啦，唔可以再成日咩都依賴我架。」

我：「唔得...我真係好想你仲係到呀...我唔想你離開我呀...」我更用力攬住佢。

思思：「只要你個心一直都仲有我，我就唔會離開你。」

我：「我要...我要....我要一直都留係到...同你一齊....同你...一齊...」

思思：「唔好傻啦，你仲耍繼續生存落去架。」



我：「我唔要...我唔要...我唔要！！無左你，生存都無意義呀！！」

思思：「夠鐘啦，要講再見啦。」

我聽到出面有腳步聲行緊個黎，我即刻攬實思思，死都唔放手。

蔡煒燕：「夠啦，要走啦。」

我：「我唔走呀！！我死都唔走呀！！」

蔡煒燕：「離別仲是讓人心痛，但下一次的見面，卻是讓人所期待。」

佢用力咁拉我走，我用盡全力都無辦法反抗到。

我：「思思呀...我唔可以無左你呀....」

佢坐左係地下，個樣一下子回到中一嘅時候，間房亦都變左我地個陣嘅課室。

思思：「我會一直係到等你，唔會走。」

「我愛你」

蔡煒燕閂左對房門，唔比我再入去。

蔡煒燕：「你大約仲有十五分鐘嘅時間係到，睇下你仲入唔入埋去呢三間房到參觀下。」

我平伏返心情，望住「父」個間。

我未打開對門都已經聽到慘叫聲。