女神呢個稱號令我食左唔少仔(有甜）: 陸運會(七)

「宜家頒發嘅係女子乙組四百米決賽獎項」

我從都來未試過聽十七隻字聽到咁着緊，因為我真係好想贏。

第三名我根本就唔在意係邊個，理撚得佢叫咩名。

主持：「第二名係...」唔好係我...唔好係我...唔好係我...

主持：「黃社嘅官尾蝶。」



吓...？點解會係咁嘅...？無理由架喎...

主持：「第一名係藍社嘅蔣煒彤。」

我跪左係地下，O撚哂嘴咁望住阿彤，而佢只係望住我一眼就行左去領獎。

乜唔係我衝去終點先咩....？點解宜家我會係第二...？唔應該係咁...

珮恩見我一直跪左係到唔郁，於是拉左我行去領獎，我仲係接受唔到。



「我想攞返個金牌呀」

點解...？點解到最後我都幫唔到思思完成心願...？點解我咁無用...？

影完相之後，我就留左係原地到，我仲未接受到自己輸左。

當你好想完成一樣野嘅時候，個天永遠都唔會比最好嘅結果你。

當你用盡全力想得到一樣野，個天永遠都唔會將個樣野送比你。



有時候付出係唔會得到回報，正如係想得到紫霞嘅孫唔空一樣。

阿彤：「呢個金牌，我將佢送比你。」

我：「你宜家係可憐我？睇唔起我？唔係我嘅野我先唔會要。」

阿彤：「唔係咁，因為我都想將佢送比思思。」

我本身想鬧佢為左整到我唔開心而係到講思思，但係我睇到佢個表情，係真心。

我：「點解？乜你唔係好憎我地架咩？」

阿彤：「不如我地去第二到再講？」

最後佢拉左我去女更衣室，仲鎖埋對門，都驚驚地。



阿彤：「其實我唔係憎你，只係我一直都好妒忌你，可以有咁多男仔埋身，特別係個嗰人。」

我：「個嗰人？哦...原來你講佢。」

阿彤：「我好眼紅你可以同佢咁親近，所以我先...成日係到屌你。」

我：「但你唔係鍾意景雄咩？點會眼紅？」

阿彤：「你自己睇下。」

佢除左佢件體育衫，個重點唔係佢個波到，而係佢條腰，有好多類似比人鞭完嘅痕跡。

我：「哇...全部都係景雄打到你咁...？」



阿彤：「係...我真係...我真係好辛苦...佢...佢每次都逼我搞野...唔搞就用皮帶鞭我...又要我幫佢含...含得唔好又打...」

佢講到忍唔住喊左出黎，上一秒我仲當佢係敵人，宜家我好心痛佢。

我：「咁點解你仲要同佢一齊？」

阿彤：「為左想同人講...我有個男神做男朋友...所以...所以即使佢去搞其他女仔...我都唔介意...佢話同我分手...我都盡全力去挽留佢...肛交...玩滴蠟...送電話...幫佢執屋...甚至...甚至佢要影我裸照...我都比佢影...」

呢一刻，我覺得眼前呢個女仔好似之前嘅我，一個好天真、好傻嘅女仔。

為左一個男仔，而要搞到自己咁犯賤，哈哈，總有人就係咁鍾意玩火，即使痛到仆街都照玩。

我：「有必要咩？有必要將自己變到成隻狗咁咩？你都係為左贏我姐，洗唔洗要自己咁辛苦？」

我：「我覺得你真係好可悲，即使你贏到我又點？乜你覺得呢個代價付出得有意義咩？」



我：「乜你覺得有好多仔或者有一個好型嘅男朋友，你個人會勁啲咩？啲人就會覺得你好靚、好有魅力咩？」

我：「咁犯賤、為左人地眼紅自己嘅女仔，蔡煒燕先唔會鍾意。」

阿彤：「咁我可以點喎...？我唔知自己仲可以點....我已經唔想繼續落去...」

我企左起身，上前攬住佢。

我：「離開佢，搵一個真正對你好嘅男仔，而唔係搵一個男神做男朋友。」

「為左想同人講我有個男神做男朋友」

我覺得佢真係好可憐，就算比個靚仔你又點，佢得個外，無內在美。



最後安慰左一輪之後，佢終於好好多，亦都開始識得諗乜野先係最重要。

阿彤：「嗯，多謝你，不過之前我對你咁差，對唔住。」

我：「我咪又係對你咁差，唔緊要啦。」

阿彤：「個金牌你攞去啦，思思見到一定會好開心。」

佢比左個金牌我，着返衫之後就走左。

我望住個金牌笑左一笑，唔知思思宜家見到會有咩反應呢。