女神呢個稱號令我食左唔少仔(有甜）: 陸運會(六)

時間黎到第二日嘅決賽日，呢一日我嘅內心中學生涯第一次覺得不安。

阿傑今日就無黎，同埋佢琴日曠課，今日比人記左一個小過。

姐係話，我今日真係得自己一個人，同埋日日係隔離圍住我嘅兵仔。

「女子乙組四百米決賽第一次召集。」

我無諗過一開波就係我嘅比賽，老實講，都幾撚驚。



但係都唔理得咁多，有啲野係唔可以逃避，勇敢面對先係正確做法。

最後嘅決賽就得返五個人，就咁睇落去應該都應付到。

「我想攞返個金牌呀」

為左思思，呢一場仗我一定要打贏，所謂勝者為皇，而我Emily天生就係一個女皇。

阿彤：「唷八婆，仲以為你琴日見到我跑步會驚到唔夠膽黎添。」



我：「我會驚你？我會驚一個淨係識幫條仔含撚嘅人？」

件事就係有次唔知邊個人將一條片放左上學校Secret，結果條片係阿彤幫景雄含撚，不過個嗰admin夠膽po個下真係好耶。

佢好似比我講中左內心最唔想比人知嘅野，睥左我一眼之後就行去條跑道到。

我深呼吸一啖，盡量放鬆自己，要來的始終也會來。

「呯！」



我即刻幻想自己好似殺老師咁樣開20馬赫衝過去，簡單啲講就係有幾快跑幾快。

除左阿彤之外，其後個三條友已經落後就我好多，宜家要做嘅野就係跑得快過阿彤。

唔知大家跑步嘅時候，有無試過一路跑，個心好撚痛，宜家嘅我就係咁樣。

跑到最後一百米，阿彤仲係我前面，我同佢都至少有一段距離。

唔通我真係幫唔到思思拎個金牌...？唔得！！我唔會比呢件事發生！！

我用盡我生存左十五年嘅力氣，即使個心痛到仆街，但係我都唔理，用力衛過去。

我個腦一直出現思思個樣，我同佢一齊玩、一齊食飯、一齊買衫、一齊溫書、一齊睇仔。

我用隻左手禁住個心口，痛都要頂埋落去。



跑到最後五十米，我見到係終點出現左一個人，佢仲係到同我揮手。

我嘅世界就只係得返三樣野，呢五十米，終點同埋呢個人。

我隻眼不由自主咁流緊眼淚，最後過多十幾秒，我跑到去終點，個身一野無哂力，成個人訓左係地下到。

：「你做到好好架啦，多謝你。」

個嗰人係我隔離踎低，因為反哂光，我淨係見到佢個樣係黑色，同埋係長頭髮。

：「Emily，我愛你。」

我感覺自己個嘴比一咀左一啖之後，我就已經無左意識，暈撚左。



當我訓返嘅時候，我已經去左醫療室到，隔離仲有訓着左嘅家姐，然後我拍一拍佢。

珮恩：「唔...咦...？咦！！你醒啦？！！」佢見我醒返即刻衝埋黎攬住我。

我：「咳...咳咳咳...好辛苦呀...家姐...」講完佢先識得鬆開我。

珮恩：「你知唔知你嚇死家姐啦，你一跑完就暈左，全校人同啲老師都嚇到傻左！！」

我：「可能係我太用力啦，哈哈，咁宜家幾點呀？完左未呀？」

珮恩：「已經頒緊獎，快啲出去啦，你有獎呀。」

我：「咁我有無贏到第一？」

佢係對門到停左一停，無出聲，過左五秒就行左出去。



唔通我輸左？應該唔會嘅，佢應該係驚我知自己贏左太開心又會暈低姐。

我行到出去，阿傑原來啱啱放學黎左，佢一見到我就攬住我。

阿傑：「無事呀嘛你？！！聽你家姐講，話你跑跑下暈左！！」

我：「係呀，不過宜家醒返無野啦，唔洗咁擔心，我地快啲出去睇頒獎啦。」

我地一出到去就聽到，「宜家頒發嘅係女子乙組四百米決賽獎項」

到底邊撚個贏左？請看下回分解。