女神呢個稱號令我食左唔少仔(有甜）: 陸運會(八)

最後頒哂所有獎之後，我就比一堆男仔搵影相，我仲見到一直係到幫手揸機嘅阿傑係到呷醋。

我：「做咩呀？見到你女朋友咁多男仔搵，呷醋呀？」

阿傑：「係呀，仲要揸機個嗰係我，無同你影相個嗰又係我！！」

我：「唔好嬲唔好嬲，我地宜家影啦~」

但係宜家嘅情況仲亂過大家係到搶口罩，啲人都係到四圍影相，我地都搵唔到人幫我地影。



Tracy：「洗唔洗我幫手呀？」另一把熟悉嘅聲音出現係我後面。

我：「Tracy？點解你會係到嘅？」

Tracy：「無呀，我黎搵我男朋友咋嘛。」

我：「你男朋友？邊個黎架？」

Tracy：「佢係個到呀，見唔見到呀？」



佢指左一個方向，我只係見到有好多女圍住一條仔，而個嗰唔係景雄，而係阿彥。

我：「吓...？你男朋友係阿彥...？」

Tracy：「係呀，做咩好驚訝咁嘅？」

我：「哦無...無事無事，你又話幫我地影相嘅，快啲啦。」

然後我就個頭挨住阿傑，隻右手就cool住佢，個腦就一直諗住「朋友妻 咪走雞」。



原來所謂嘅兄弟，就係趁你唔係到嘅時候，對你女朋友乘虛而入。

瞞住自己嘅朋友，然後同佢朋友鍾意嘅人日日係到傾計打機，仲講一句「我知道條底線係邊」，咁就代表無野。

所以提下你地唔好亂咁同人講你鍾意邊個，分分鐘比自己嘅「兄弟」上左馬，自己都唔知。

梓恩同埋我家姐都行左過黎，宜家真係齊人差兩個。

珮恩：「咦？呢個咪Tracy姐姐，好耐無見啦。」

Tracy：「係囉，你地靚左好多！！講！！你地平時點護膚嘅！！」

梓恩：「天生麗質Sorry~」

望住佢地係到傾埋啲八婆野，我想加入又加入唔到。



阿傑：「做咩一粒聲都唔出嘅？你唔舒服？」

我：「我想自己一個人，你可唔可以係出面等我一陣？」

人總需要獨處嘅時間，一個只係比自己係入面嘅世界，一個自我封閉嘅空間。

佢聽完之後，無講任何野，只係點點頭，然後行左出去運動場。

我慢慢咁行去條跑道到，交叉腳咁坐係地下，望住個天。

我：「思思，我今日終於拍拖啦，你覺得我呢個決定啱唔啱？」

我：「之前我一直以為自己已經無可能再去拍一場拖，但原來唔係。」



我：「呢個男仔真係好傻，明明有好多女仔好過我好多，但係佢偏偏愛上左我。」

我：「你會因為我拍拖而開心，還是因為我跨出第一步而擔心？」

講到自己都喊左出黎，眼淚永遠都係人最珍貴嘅野，因為佢往往都代表人有無動過情。

桐桐：「做咩一個人坐係到喊呀，明明今日咁開心。」

我：「桐桐？點解你會係到嘅？」呢句野我今日已經講左成三次。

桐桐：「無呀，今日唔知點解好想黎你間學校到，但係黎呢到做咩我都唔知。」

我：「咁奇怪。」

佢坐左係我隔離，同我一齊望住個天。



我偷偷地咁望住佢一眼，佢嘅眼神帶出黎嘅係空虛，佢嘅表情帶出黎嘅係寂寞，佢嘅笑容帶出黎嘅係感慨。

我：「桐桐，你介唔介意我問你一個問題？」

桐桐：「嗯？你問啦。」

我：「你宜家有無男朋友？」

佢聽完之後，無乜反應，只係閉起雙眼，我差啲就想問佢最掛念誰。

桐桐：「無呀，明明有好多人追我，但係唔知點解我對佢地一啲感覺都無。」

桐桐：「佢地好多都對我好好，好照顧我，不過我嘅腦成日都出現一句說話。」



「佢唔係你要搵嘅人，你要搵嘅人，永遠都唔會再出現」

我：「你想唔想知個嗰人，係邊個？」

佢望左我一眼，笑左一笑。

桐桐：「唔啦，有時有啲野，唔知好過知，因為唔知，就唔會心痛。」

失去一個最親嘅人，一直都係令人最心痛嘅事。

萬物離不開一個字，便是情，教人慾仙慾死。

陸運會正式完結。