女神呢個稱號令我食左唔少仔(有甜）: 陸運會(五)

因為我已經無哂比賽，所以都係一直係看台到坐。

阿傑就一直係到陪住我傾計，我訓覺個陣又借個膊頭比我，其實佢都真係幾好仔。

可惜嘅係佢鍾意左我。

體育老師：「好啦各位，基本上今日所有嘅比賽已經結束架啦。」

佢一講完，全校人係到起哄，證明大家都幾想佢快啲講完，然後留低影相或者返屋企。



體育老師：「冷靜少少先，大家仲未走得嘅，因為宜家係我地最後嘅環節，就係校友挑戰賽。」

體育老師：「請每個社派出四個人出黎參賽。」佢講完之後就好似Kobe咁樣同大家飛吻左一下。

不過反正都無我份，所以我都係決定繼續訓。

女仔：「喂，宜家咁熱鬧都係到訓覺，有無搞錯呀。」

有把好熟口面嘅聲音係我右耳到傳出，我打開隻眼望過去。



我：「咦？點解你會係到嘅？」

梓恩：「你頭先無聽到咩？校友挑戰賽呀嘛，我咪校友囉。」

我：「哇，原來你咁勁架，咁你一陣要加油呀，同埋你靚左好多。」

梓恩：「點夠你靚呀，不過話時話，呢個你男朋友黎架？」

佢指住同我一齊訓緊覺嘅阿傑。



我：「哦？唔係呀，你知我都唔識拍拖嘅。」我苦笑左一下。

梓恩：「你唔係唔識拍，而係你覺得自己做唔到一個好女朋友，我有無講錯？」

我就好似比人用支箭一野射中左個心，想拎出黎但係唔得，想反駁但係反駁唔到。

梓恩：「你覺得自己好污糟，但其實有邊個女仔唔貪玩先？」

梓恩：「坦白同你講，係我中三個陣我起碼都過幾個男仔搞野，我都同你一樣，覺得自己永遠得性，無愛。」

梓恩：「但原來唔係咁，真愛一直都係我地身邊，只係我地無勇氣接受。」

梓恩：「我最後都跨出左第一步，接受左佢，宜家我發現原來唔係想像中咁難受，仲一齊得好開心添。」

梓恩：「我可以，你都可以，記住，一個人嘅過去一啲都唔重要，重要嘅係，個嗰人願意接受佢嘅過去。」



講完佢就落去準備跑步。

我拎轉面望住訓到成隻豬咁嘅阿傑，諗緊自己應唔應該比次機會佢。

我之前一直都無應承佢，其實唔關鍾唔鍾意事，係因為我一直都好驚拍拖。

簡單啲講，自從比阿爸強姦完同阿彥，我已經對男人呢樣野好無信心。

而且我又成日食仔、成日同人上床、成日同男仔出街，只不過係為左一時嘅快感。

同埋拍拖最後大多數都係換黎傷害，我已經痛到承受唔到下一次嘅傷害。

但係阿傑一直都包容哂我所有缺點，佢無介意過我嘅過去，我一叫，佢就即刻黎搵我。



一個咁好嘅男仔鍾意左我，就好似一個天使鍾意左一隻魔鬼。

魔鬼說：「我身上流的是淫水，說的是謊言，做的是表演。」

天使說：「你嘅過去我唔想知道，但係你嘅未來我要參與。」

同埋佢係一個好愛我，而且到宜家都仲未死嘅人。

個天比左一樣野我，我就預左佢拎返一樣野走，我相信，佢就係個天比我嘅野。

我：「喂，起身啦。」我用隻手拍一拍佢個頭。

阿傑：「唔...？完左啦...？」

我：「未呀，但係我有啲野想同你講。」



阿傑：「有咩想講？」

我：「我Emily願稱你為我嘅男人。」

阿傑：「吓？你講咩呀？」佢本身仲係半醒狀態，一聽到之後即刻醒哂。

我：「同一句野唔好要我講兩次。」

講完我就錫左落去，希望我嘅人生，會比佢改寫。