女神呢個稱號令我食左唔少仔(有甜）: 自白

行返去嘅時候，我行左去一間便利店買左杯雪糕，然後再慢慢返去。

思思：「我又想食你個隻味喎，交換食！！」

我：「唔制呀，一陣比你食到成堆口水我仲點食喎。」

思思：「黎啦，我要食！！」

若你在我旁會有多好，我倆共同走過這條路。



係我隔離嘅人每一個都係成雙成對，得我係自己一個人行。

你問我覺唔覺得自己好孤獨、好空虛、好寂寞、好凍？

當你睇透左呢個世界嘅人性嘅時候，你就會發現自己一直都係無朋友。

當你揭穿係人後面嘅真面目嘅時候，你盲會發現每個人都係幾咁醜惡、幾咁虛假、幾咁仆街。

李白、杜甫呢啲聖人都係無朋友，因為佢地知道宜家嘅人，只係一堆圍暖取爐嘅垃圾。



曾經我以為朋友係用黎互相鼓勵、互相嬉戲、互相接納、互相包容、互相交心。

但原來我嘅朋友係用黎互相取笑、互相嘲諷、互相排斥、互相傷害、互相出賣。

我當佢地每一個都係真心朋友，但原來佢地只係想睇住我死。

我以為一個人，可以做到自己鍾意做嘅野，係一件好自由嘅事黎。

但原來係一件用黎比其他人恥笑嘅事黎。



每個人都嘲笑其他人嘅夢想、行為、說話，從而去將自己嘅地位提升。

「你睇下佢唱得咁難聽都學人去唱歌喎，幾撚On9」，簡單啲講，人地係on9，我就最撚醒。

將人地嘅夢想視為垃圾，批評一個人去做自己鍾意做嘅野，令到自己站係道德高地，人地就係地下階層。

仲要去拉攏其他人去笑人，我想講呢啲咁小人嘅人隨處可見。

而笑人嘅人，係最可悲嘅人，因為佢地連對人最基本嘅尊重都無。

所謂物以類聚，人以群分，當你笑其他人無朋友嘅時候，係因為佢一早睇化哂呢個世界。

佢寧願自己一個人默默咁做自己鍾意做嘅野，都好過識左一班豬朋狗友。

仲有一樣野，就係有啲人有好多朋友，但其實佢地內心根本就唔想識人。



佢地只不過係怕孤獨，而選擇埋堆，同流合污，隨波逐流，所以唔好以為你身邊嘅人，對你地係真心。

最大、最真心、最值得信任嘅人，一直都係你自己。

當你有夢想嘅時候，好多自以為事嘅人會同你講你唔撚得架啦，收皮啦，訓啦柒頭。

佢地會用一堆說話黎勸你放棄，最後你會比佢地說服，覺得自己都係唔得，而收左手。

我會同你地講，佢地之所以叫你放棄，係因為佢地妒忌你，唔想見到你成功嘅一刻。

話你作個故好嘔心，話你畫嘅畫好核突，話你唱歌好難聽，話你打機好廢，話你讀書唔叻等等嘅野。

呢啲人只不過係一堆無作為嘅廢柴，以為自己好撚勁，以為自己係最撚清高，睇死你唔得。



佢地會笑你嘅作品，笑到你自己都覺得好羞恥，笑到你自己都想搵窿捐。

但係你要記住，真正可以批評你嘅人，除左你自己之外，一個都無。

人地講咩係一啲都唔重要，最重要嘅係，你自己嘅個人感受。

你做嘅野係咪會令到你開心，令到你有滿足感，令到你學左更多野，令到你覺得有成就感。

老實講，一個成功嘅人會唔會在意一隻老鼠係到叫？係絕對唔會。

真正嘅朋友係唔會睇你唔起，佢地會直接同你講你唔掂，但同時佢地亦會叫你加油。

總之一句，「不以物喜，不以己悲」，想做咩就做咩，唔洗驚比人笑，甚至驚因為咁樣而無朋友。

呢啲朋友係可有可無，垃圾都不足以形容佢地。



我對人呢樣野真係好疑惑。

有時明明你咩都無做過，啲人都可以話你好黑人憎，甚至你明明同佢地無講過任何一句野，都會比人講壞話。

我一直都唔明解，我以為人不犯我，我不犯人，但原來我不犯人，人都會犯我。

人就係咁黑暗嘅生物，會為其他人添上一個無名嘅污點。

我明白比人Bully係咩感受，我明白想埋堆嘅人心態係點，我明白咩都無做過都會得罪人係咩感覺。

以前嘅我會好嬲、好傷心、好無奈、好委屈、好怨恨、甚至好想死。

但宜家嘅我覺得，你點睇我咪點睇我，關我撚事。



做自己係最重要嘅野，唔好比人講兩句就改變自己。

如果你為左埋堆，為左維持同朋友嘅關係，而去做啲你根本唔想做嘅野，即使比人傷害都忍住，好驚會失去佢地。

我只係希望你地諗下係咪真係值得，朋友並唔係咁樣，絕對唔會因為你廢而唔同你玩。

近朱則赤，近墨則黑。

人們總是說世界很黑暗，卻沒想過最黑暗的便是人。 By燕的自白