女神呢個稱號令我食左唔少仔(有甜）: 陸運會(二)

阿傑：「估唔到你嘅經歷咁恐怖...同埋你老豆...係一個咁恐怖嘅人...」

阿傑：「你個陣一定好驚、好無助...我無辦法體會到你個陣嘅感情...」

我：「算啦，都過左去啦，好彩嘅係我宜家已經逃離左佢。」

阿傑：「但你真係無野？」

我：「無野啦，我們唯一值得恐懼的就是恐懼本身，都要多謝佢嘅，令到我宜家無野好驚。」



乜真係無野？如果無野嘅話又點會成日發惡夢，點解日日凌晨都會夢見自己比人強奸個一幕。

打碎左嘅心靈即使點樣都修補唔返，即使可以再用，但都只係得返個空殼。

「女子乙組四百米初賽第一次召集。」

我：「好啦，我要落去比賽啦。」我企起身拍拍屎忽，然後再落去。

但係比人捉住左隻手。



阿傑：「加油，無論點樣，都有我係到，支持你、陪伴你。」

點只係點點頭就落去，值到呢一刻我都唔明點解要對我咁死纏爛打。

一個壞左嘅人，偏偏能夠吸引一個天真嘅人。

你問佢，乜呢一切都值得咩？

佢會答你唔值，但係愛左就返唔到轉頭，抽唔到身，已經習慣左佢嘅存在。



我想講呢啲人好犯賤，明知山有虎，偏向虎山行一樣，正如人地講嘅，好玩唔玩、玩屎。

你同我講你唔會明，因為拍拖就係咁樣，拍拖可以令人包容哂另一半嘅所有野，甘心付出。

我只係覺得，如果呢啲叫拍拖，倒不如話你只係一廂情願嘅付出，拍拖先唔係咁，好似係到𠼮契弟咁。

拍拖係要雙方面嘅付出，可能有人付出多啲，有人少啲，但絕對唔會係得一方付出。

你話，佢有時會對我好好架，會送野比我，好有耐性咁聽我講野，陪我周圍玩。

咁我想問下，你覺唔覺得自己好似一隻狗？佢就係主人，你乖個陣，佢買好嘅野比你食，同你出街散步。

希望仲係地獄嘅你地，可以諗清楚啲，個世界好大，唔好以為無左佢就咩都無，呢啲人唔值得你愛。

我救唔返Tracy，但我希望可以救返你地。



我落到去之後，見到有成十個人係到，我真係無諗過原來400百米咁受女仔歡迎。

而且，我仲見到一個非常乞我憎嘅人。

阿彤：「咦~呢個咪Emily~估唔到你都有參加喎。」

我：「我參加咩關你春事。」

阿彤：「哈哈，話時話點解唔見你個FD嘅？呀唔好意思，唔記得佢死左添，哈哈。」

我：「我屌你老母！！」佢點話我都唔緊要，一講思思個刻我真係火都黎。

我嬲到即刻想衝過去打柒佢，但係比人攬實左。



珮恩：「冷靜啲！！冷靜啲！！忍住！！」

我：「放開我呀家姐！！佢講我朋友呀！！我真係忍唔到！！」

珮恩：「Look at me！！Look at me！！呢啲有好多人係到架！！」

我：「嘖。」然後佢拉左我去另一邊到，又係叫我冷靜啲。

珮恩：「如果頭先你打佢嘅話，你就輸左啦！！」

我：「咁又點？佢宜家話思思呀！！我就算比人踢出校都要打柒佢！！」

珮恩：「你睇下宜家你似咩樣，你覺得思思會希望你因為佢而打人咩？！！」

珮恩：「佢更希望你會拎個第一名比佢，同我將憤怒變成力量，跑羸佢！！」



我：「得啦得啦，睇你個妹表演啦。」

心情平伏返少少我就去點名，見到佢仲係到笑個樣真係好想一拳打落去。

我拎唔到第一我以後唔食仔，我Emily話嘅。