女神呢個稱號令我食左唔少仔(有甜）: 陸運會(三)

我地因為十個人，所以就分左兩組跑，五個人為一組。

而我咁撚啱就無同條仆街一組，如果唔係嘅話，我就算DQ都要Cake到佢訓底。

阿彤：「車~仲諗住同你一齊跑添，睇黎都無機會啦，因為你都唔會入到決賽。」

我：「係咩？不如你小心下自己先啦，你個波咁撚大，小心睇唔到路，跑跑下仆街呀。」

阿彤：「哈哈，有心啦你，我驚你跑跑下無氣，之後...之後就落去陪思思啦，哈哈哈哈！！！」



佢隔離仲有幾個女仔跟住笑，呢一刻我只可以同自己講唔好衝動，「咁衝動就返去打飛機啦」by慕容。

「呯！」

我一開波就用盡全力跑，諗住同其他人拉開一段距離先再慢慢跑。

但係我跑左差唔多一百米之後就已經無哂氣，十年無運動嘅人就係咁樣。

不過好好彩嘅係，有三個女仔只係係後面慢慢行，仲係到傾計，都唔知佢地報黎做咩。



而另外一個就跑左一半之後就放棄，話好辛苦，呼吸唔到，所以就停低左，有幾個人過去扶佢。

所以我就好好彩咁，行都行到去終點，入到決賽。

而三個女仔行左十五分鐘都未行完，最後比訓導屌左一獲金。

我：「呼...啊...啊...你...你唔好...入唔到決賽呀...」

阿彤：「哈哈，你睇下你宜家似咩樣，好似啱啱扑完野咁，不如慳返啖氣啦。」



無錯，我隻腳已經軟到行唔到，直接坐左係地下到。

阿彤：「要擔心就擔心你自己，咁撚廢都學人跑400米，你只係一個不自量力嘅垃圾。」

我：「你同你男朋友咪一樣，呀唔係，你仲差過佢，因為你只係佢一隻玩具，佢根本就無愛過你。」

而佢男朋友就係景雄，所以佢兩個先會咁黑我憎，簡直就係一對狗男女。

阿彤：「哈，有口話人無口話自己，你咪又係蔡煒燕入面一隻玩具，佢有五條女都唔要埋你呀，八婆！！」

我地就咁樣不斷嘈，嘈到佢要跑為止。

你問我其實有無鍾意過蔡煒燕？我會答你有，因為正常無女仔會唔鍾意。

同埋佢唔洗一分鐘就已經跑左成個400米，跑完仲要好似無乜野咁。



而佢係下面望上個看台到見到我，個眼神好似同我講，「見到未，呢個就係我同你嘅差距。」

我都開始驚我真係攞唔到金牌比思思...

阿傑：「點解個女仔望住你嘅？你識佢架？」

我：「識就識，不過唔係朋友，而係敵人。」

阿傑：「敵人？點解嘅？」

我：「女仔嘅野你唔會明架啦，就黎放飯啦，諗下一陣食咩先。」

女仔嘅野差唔多所有男仔都唔會明，因為太多機心係入面。



乜野搶人地條仔，一齊排斥某一個人，互相不滿但係又會一齊玩，呢啲係男仔一世都唔明解嘅野。

諗諗下野嘅時候，我見到我黃社嘅社長係到整個野，睇到又有狩獵嘅打算。

我：「我諗我一陣唔同你食啦。」

阿傑：「吓？點解呀，你仲有朋友陪你食咩？」

我：「我搵唔到人陪我食，但我搵到人食。」

佢仲係到諗緊我呢句係咩意思嘅時候，我已經行左落去搵社長，佢叫做Hugo。

我：「社長，一陣可唔可以陪我食lunch呀~」

Hugo：「哇，Emily搵我食lunch喎，點會唔可以先。」



我：「咦~係到哄人開心~」我扮哂野打落佢個胸到，都幾硬。

Hugo：「咁一陣放lunch嘅時候出面等啦。」

我：「好~」

It's time to eat