女神呢個稱號令我食左唔少仔(有甜）: 陸運會(一)

時間黎到禮拜五，亦即係學校嘅陸運會初賽。

我慢慢咁行過去運動場，未到門口已經比一堆男仔圍住，一啲就送朱古力比我，一啲就比支水我，一啲就搵我影相。

至於大家都想知繼蔡煒燕之後，下一個男神會係邊個呢，而我亦都已經見到佢比女圍緊。

我無視個堆男仔咁行過去，而佢亦都好快見到我，叫啲女行開，再同我揮揮手。

景銘：「唷，呢個咪Emily，一個連我想食都食唔到嘅人。」



我：「哈哈，你睇下你隔離咁多女，都咁多選擇，唔好咁貪心啦。」

景雄：「咁又係，得蔡煒燕先食到你，但我想講，你同佢都只不過係一個失敗者，而佢仲係一個辜負左五個女仔嘅垃圾。」

我：「噴，乜你覺得自己好好咩？咪一樣食軟飯，乜你以為自己好靚仔咩，有資格做到男神咩？」

我：「男神有排都未輪到你做呀，你永遠都唔知個代價係啲咩。」

當我仲想鬧多佢幾句嘅時候，用隻手一下子拉開左我，我望一望先發現原來係我家姐。



珮恩：「你係咪癲左呀？！你見唔到人地隔離嘅多女架咩？你咁話佢地條仔唔驚死呀？！」

我：「驚咩姐！！我都有一堆仔啦！！同埋我無話錯佢！！佢話我係失敗者喎！！」

珮恩：「人地點講咪由人地講囉，最重要我地知你唔係就得啦！！」

無用架，知唔知點解咁多人比人講兩句就會有好多負面情緒？點解會有人比人話垃圾就自殺？

你可以笑佢地EQ低，話佢地無腦，抗逆力低，自己只係講下笑姐，咁認真仲乜鳩姐。



但係有時你地以為自己講嘅野無傷害到人，但其實唔係。

文字同言語從來都係最傷害到人嘅攻擊工具。

佢唔似刀，砍你一下，你一開始會覺得頭，當係你止左血，過左一陣就唔會再痛。

但係文字，你講出去，就會深深烙印係人地嘅記憶入面，點都止唔住，點都收唔返。

而我只係希望，你地講野之前可以諗一諗先再講，呢個世界已經存在太多傷害，夠架啦。

我：「唉，知啦知啦，好似開始排隊啦，我地行啦。」

我同家姐係同一個社，我同佢都係黃社，好彩佢同我一樣，唔係實悶死。

我：「終於講完啦佢，我地快啲上去看台啦。」



珮恩：「呀，我唔記得同你講，我報左工作人員呀，所以唔同你上去啦。」

仆街啦，姐係得返我自己一個人，唉。

當我好唔開心咁行緊樓梯上返去嘅時候，我見到看台最上嘅位置出現一個唔應該係到嘅人。

我：「阿傑？點解你會係到嘅？你應該唔入得黎架喎。」

阿傑：「Sh！！唔好咁大聲！！我偷偷地問人借左件衫入黎咋。」

我：「哇咁勁，咁你黎做咩呀？你唔好同我講，我間學校嘅陸運會好玩啲呀。」

阿傑：「我係因為想見你呀。」



我：「你想見我咪約我出黎囉，洗唔洗搞到宜家咁呀。」

阿傑：「我想比你睇下，我會為左你而去到邊個地步，呢個只係基本咋。」

我：「好啦好啦，我好悶呀，你陪我吹下水。」

阿傑：「但係你睇下周圍...成堆男仔望住我喎...個眼神仲好似想殺左我咁款...」

我：「無事架，佢地全部都對我好好架。」

阿傑：「其實你要食咁多仔？同埋你唔會驚比人覺得你姣咩？」

我：「你真係想知點解我要食仔？」

阿傑：「係。」見住佢好堅定嘅眼神，就同鳴人堅決要搵返佐助嘅眼神一樣。



我說，在那個黑得看不見五指的房間，一個只有十二歲的女孩，手無寸鐵，脆弱得就如雞蛋般。

躺在床上，雙手都被手扣禁錮，聲音亦無法發出。

她在那裡看不見任何希望，她對所有人都失去了信心，只因傷害她的人，卻是給予她生命的人。

昔日充滿着溫柔和笑容的父親，如今卻變成一個恐怖得如一隻飢餓的猛虎，四周尋覓食物。

就連自己的女兒也不放過。

那女孩自此便明白，所有人都只是披着偽善的小人，沒有人值得信任。

即使是自己最親的人也不例外。



她清楚這個世界不再存在好人，因此她為了不再受到傷害，寧靜成為一個罪人去傷害人。

她的雙手就如充滿鮮血，她的嘴巴就如充滿謊言，她的身體就如充滿罪孽。

她也只是一個，渴望想成為一個普通人的女孩。

她也不明白，自己為何要受苦。

一切都是命運。