女神呢個稱號令我食左唔少仔(有甜）: 思念

https://www.youtube.com/watch?v=7y5h2lvaSM4

勞斯和萊斯 都是花樣男子
勞斯 原是個校隊的優秀種子
萊斯 只喜愛讀書

思思：「你好呀，我叫思思，可唔可以同你做個朋友呀？」

還記得那年中一開學禮，我因為識唔到任何人，所以當其他人都出哂去玩嘅時候，只有我一個人坐左係課室到。



偏偏他倆 早見晚見
每日著住同樣 純白襯衣
羅曼史 開場於 相鄰的桌椅
不過二人 不敢放肆

係你行到黎我面前，主動同我做朋友，係你令到我呢幾年中學生涯，比起其他人都仲要開心。

亦都係你同我講過，我地一定要永遠做好朋友落去，如今離我而去的，又是誰？

「Emily，我愛你。」



呢句說話係佢斷氣前嘅最後一句說話，我都分唔清呢個係遺言，定係表白。

我：「啊啊啊啊啊啊啊啊！！！！！」我用力攬住佢個身，好大聲咁不斷喊，要形容嘅話就好似進擊的巨人，啲巨人係到咆哮個陣。

個天比得一樣野我，我就預左佢拎返一樣野走，但係佢拎走嘅野，往往都係我最重要嘅野。

能成為密友 大概總帶著愛
但做對好兄弟 又如此相愛 旁人會說不該
忘形時搭膊 自有一面退開


暗裡很享受 卻怕講出來
兩眼即使 移開轉開 心裡面也知 這是愛
男子和男子 怎能親密如此

思思：「喂呀，你做乜食哂我啲熊仔糖呀！！你要食就自己買啦！！」

我：「咩喎，好朋友邊會咁計較架，最多我下次請返你食囉。」

我打開左一包熊仔糖，拎左一粒出黎食，唔知點解，熊仔糖平時明明係甜嘅，但係宜家食落去係鹹嘅。

最好食嘅野，從來都唔係煮出黎，然後覺得佢好食，而係食入面嘅回憶，即使回憶可以由甜酸苦辣鹹整成，但一直都係最味嘅野食。

沒有你在旁，熊仔糖也只不過是熊仔糖，已失去了它存在的意義，正如我的生活失去你一樣。

勞斯 難面對 卻跟她勾過手指


萊斯 偏偏那樣痴
終於一次 她撲過去 四目對望然後 除下襯衣
迷惑中 的勞斯 此時先至知 一向沒當這好手足女子

我：「喂，個嗰男仔好靚仔喎，你快啲睇下！！」

思思：「哦？車，都唔靚仔，如果我係男仔嘅話，我一定靚仔過佢。」

我：「乜你好想做男仔咩？同埋做女仔有咩唔好先？」

思思：「我想呀，唔係話做女仔唔好，只係香港同性戀仲未合法，我娶唔到你。」

原來當初嘅玩笑，係比起所有野都要認真嘅說話，呢個世界有幾多人用講笑黎表達真心話？

我：「點解你要咁傻...點解要你好愛唔愛...愛一個唔應該愛嘅人...點解...點解呀！！！」



你要記住，愛我地嘅人，佢地最後全部都會死，願你不像我般，經歷一次又一次嘅生離死別。

能成為密友 大概總帶著愛
但做對好兄弟 又如此相愛 旁人會說不該
純情何事會 讓這悲劇揭開
他真的很意外 想起相識以來 一起溫書逛街聽歌看海

我：「思思！！琴日有人同我表白呀！！我應承左佢呀！！我終於有男朋友啦！！」

思思：「吓...哦...你終於都有人要啦...」佢表情好似有啲失落。

我：「點解你好似唔開心咁嘅？你係咪驚我重色輕友呀？你知我唔會架喎。」

思思：「唔係呀...我聽到你出Pool不知幾開心呀！！」佢好用力咁擠一個笑容出黎。



原來虛假嘅笑容，都存在一個悲痛嘅現況。

日日也親暱如情侶 底牌終揭開
為何還害怕 若覺得這樣愛
尚在計算他又是誰 可否愛
旁人哪個 接受這種愛
明明絕配 犯眾憎 便放開

點解你唔一早同我講...可惜呢個世界有太多點解，但唔存在任何答案，人所講嘅答案，只不過係憑空設想出黎。

我難過的是，你愛着我，而我卻一次又一次地傷害你，蔡煒燕講嘅一直都無錯。

我：「點解唔可以愛人？因為會對其他人造成傷害？」



蔡煒燕：「傷害？唔係，我地一直都傷害緊人，而係因為我地如果愛左一個人，呢條路就唔洗行埋落去，你會為左佢而停止。」

永遠的忍耐 永遠不出來 世界將依然 不變改
只會讓更多罪名埋沒愛 可要像梁祝 那樣愛

「我都愛你呀，思思」

燕尾蝶掉下了一邊翅膀，那隻翅膀，名叫思念。