女神呢個稱號令我食左唔少仔(有甜）: 孤獨

意外往往都出現係狂歡之後，人一直都係由天堂，然後比個天一棍打返落去地獄到。

就好似吸毒一樣，吸個陣好High，一吸完就搞到自己個身體差到仆街，又膀胱縮小、又降低判斷力，痛苦到爆炸。

宜家都係，去完一個學校旅行開開心心，結果個下場會係失去一個閨蜜，亦即係先甜後苦嘅意思。

思字頭上一個田，亦即田地。思字頭下一個心，亦字心愛。思，亦即這田地有我心愛着你。

無左思思嘅我，變到同小學一樣，變返做孤獨嘅一個，無人無物，但都唔算係真正嘅孤獨。



真正嘅孤獨，並唔係身邊一個人都無，無人陪自己，而係連自己都放棄接受自己，連自己都拒絕自己嘅存在。

學校嘅人聽到思思死左嘅消失，本身個嗰都唔相信，但因為係由我講出黎，有人喊到變豬頭、有人對世事感慨，亦都有人無任何反應。

人總是自私的，為左自己可以唔洗見證其他人死亡，而希望自己比其他人死先，等自己唔洗傷心。

我都一樣，我都希望死個嗰唔係思思，而係我。

我：「你地放心啦，我真係無野喎，唔洗擔心我架。」我對住佢地強顏歡笑，望住個天花板，驚令啲眼淚流落黎。



堅強的人，比誰都還要感性。軟弱的人，比誰都容易心痛。麻木的人，比誰都還要想死。

點都好，個天比得一樣野我，我就預左佢拎返一樣野走，呢個就係我嘅宿命，個天對我黎講一直都係折磨。

曾經我以為美好嘅事物可以永恆不變，歡樂嘅時光即使過去但仍會存在。

直到呢一刻我先知道，所有野都係有始有終，再好睇嘅電影都會完結、再好睇嘅故事都會有結局。

再幾好嘅朋友、家人，都會有死亡嘅一日。



阿傑：「對唔住...都係我遲左出現...先會搞到思思佢...」

我：「傻啦，邊到關你事，你盡左力架啦，唔係嘅話可能連我都會死埋。」

阿傑：「但係...但係...」

我：「唔好再但係啦，其實要怪就怪我，我嘅存在只係會帶黎不幸同埋傷害，危害到身邊嘅人。」

阿傑：「咁...你可唔可以比次機會我，係你身邊到保護你，我好驚...連你都會發生意外。」

我：「唔洗啦，我已經有一個，會保護我嘅人架啦。」

講完之後，就有隻鷹係我地隔離飛過，然後停左係我膊頭上面，打量緊阿傑。

阿傑：「你講嘅人，就係佢？」



我：「係呀，所以你唔洗擔心我，同埋我走先啦。」

鷹一直係我膊頭到，陪住我返到屋企，家姐唔係到佢先變返做人。

鷹：「你無野呀嘛？」

我：「唔？你覺得我會有啲咩野？」

鷹：「你唔洗係我面前扮堅強啦，想喊就喊啦，得我係到，無人會話你唔靚架。」

女仔總係想喊，但係比人話「再喊就唔靚架啦」，而死都要忍住唔喊。

我：「你覺得...我係咪害死左思思...？」



鷹：「點解咁講？」

我：「因為我一直都有個宿命...愛我嘅人...到最後都係死路一條...」

I gave her everything
She took my heart and left me lonely
I've been broken, heart's contentious
I won't fix, I'd rather weep

鷹：「我覺得，愛情本身就係一場鬧劇，無話邊個啱邊個錯，佢選擇愛你，就預左自己連條命都比埋你。」

若你使我快樂，要我性命又何妨。

鷹：「玩轉極樂園入面，The real death is that no one in the world remembers you，思思一日仲係你心入面，佢都唔算真係死左。」



我：「嗯，我明白架啦，我會好好地繼續生存落去，做返好我要做嘅野。」

久違嘅食仔要再出現了。